Nun suel ser habitual en mi les compres compulsives, pero no que va de mes cayeron delles (la cartera nun ta mui contenta) El casu ye que salvo cosa puntual, espero seyan les caberes hasta la seronda. Vamos con reposu de les caberes compres de xunu que, casualmeeenteeee, son de temes d’El Señor de los Aniellos. Quien me lo diba dicir 😛
Espansión d’Héroes de Cazador de Sueños pa El Señor de los Anillos LCG
Repitome como l’axo. Selo. Pero El Señor de los Anillos LCG que, pa mi, el meyor xuegu que se fizo hasta a fecha. Como sabéis, esti xuegu taba nuna época na que yera casi imposible consiguir material, el mercáu de segunda mano taba disparáu y Fantasy Flight nun taba pola llabor de reimprimir. Paez qu’entraron en raz´no y al menos daqué material tan faciendolo. El Cazador de Sueños yera un ciclu que nun tenía. Tenía los de Ciclo del Enano y Angmar Despertado, asina que yera evidente qu’esta espansión la diba mercar. Y por supuesto, l’espansión de campaña (por eso vos dicía que salvo dalguna cosa puntual :P) Nesti casu y pol primer vistazu que-y eché a les cartes paez que vienen munches cartes con rasgos Noldor, anque trai cartes pa más rasgos. Paez un ciclu orientáu al mar, viaxes y flotes y trai personaxes tan icónicos como Cirdan, constructor de Barcos, una nueva versión de Denethor, Glorfindel (como aliáu, eso sí). A ver si vos puedo facer un pequeñu análisis d’elles. Voi dexavos un pequeñu videu de Tik Tok col unboxing pa que vos faigáis una idea.
Batalla por Osgiliath. Middle Earth Battle Strategy Game
Esti realmente ya tien munchos años, pero continuen sacando material. Ye un xuegu que Games Workshop sacó a raíz de les películes como xuegu de batalles estratéxiques y escaramuces cola opción, tamién, de xugar escenarios d’estes y de los llibros. Como tolo que saca Games Workshop nun ye baratu, pero tamién tien unes miniatures esculpies mui bono. Nun tenía previsión de mercalu, ni cerca. Pero la visita que tuvi a Llondres fai na y el pasu pola tienda oficial de la compañía espertaron el sentimientu wargameru interior y a la torna, pues caí na tentación. Confiesolo. Nesta caxa tenemos tolo necesario pa recrear recrear la invasión d‘e‘Osguiliath poles fuercies de Mordor, con un contixente pa les tropes de Mordor comandáu por Gothmog y otru pa les fuercies de Minas Tirith comandáu por Faramir, capitán de Gondor. Tamién trai escenografia. Tengo ya toles tropes básiques montaes, faltenme los personaxes cuando escribo esto. La mio idea ye , aparte de xugarlu claro, tener la caxa pintá en seis meses. Propusemelo como retu y condición pa mercala ¡Y espero facelo! Prestarienvos pequeñes actualizaciones del retu? Quiciabes como videos cortucos? Dexamelo en comentarios En cuanto al xuegu vien estructuráu como Warhammer (fase de movimiento, disparu, etc) pero con cambios significativos como que les fases xueguense alternes y que los combates resuelvense tirando ca xugador tantos dados en función del númberu d’ataques. Quién saque’l meyor resultáu gana’l combate. Espero divos cuntando del xuegu.
La Guerra del Anillo El juego de Cartas
Si lleestis la cabera entra de les novedaes de la selmana esti yera un xuegu que diba mercar más ceo o más lloñe. De fechu, dixivos que taba agotáu en distribución. Pues bono… Vilu y dixi: Vas mercalu, coselu ya y nuna tempora pos ya ties coses pa xugar (esperemos cumpla) Asina qu’equí ta. Guerra del Anillo El juego de Cartas ye l’hermanu pequeñu de Guerra del Anillo, de Devir los dos. N’esti, obviamente con cartes, intenta emulase la triloxía de los llibros n’un tiempu más reducíu. Polo que pudi ver, les semeyes son asemeyaes y ta preparáu pa xugar a 4 xugadores (2 por bandu) anque lo poco que pudi lleer del manual podría xugase 1vs1. Espero, y deseo, que me consiga tresmitir eses aventures y que nun sella un xuegu de xugar carrtes sin más y na temáticu. Creo que nun va ser asina, pero siempre me pueo confundir 🙂 Tamién quiero xugar al hermanu grande, pero creo que ye bastante más llargu, y esti adáutase meyor a esos tiempos más curtios (anque bono, son partíes de 90 min). A ver que tal.
Finando les caberes compres de Xunu
Y damos carpetazu a les caberes compres de xunu. Nun suelo mercar “compulsivamente” de fechu hai meses que nun compro na (los que más) pero nesti alinearonse los astros. Tampoco espero facer entra tolos meses con esto, simplemente cuando un mes/época se dé pues fadrélo. ¿Y vosotros que mercastis? ¿Xugastéis a dalgún? ¡Comentame! ¡Gracies por lleer!