Güei toca falar d’una de les caberes novedaes HT Publishers. Ye Cayida al Infiernu, y otros xuegos narrativos, un sistema narrativo nel que s’interpreten ambientes de degradación con dellos enfoques distintos. Amás, tien la peculiaridá de que s’espubliza en delles llingües, la mio versión ye n’asturianu.

Edición física de Cayida al Infierno

Cayida al Infiernu vien con un formatu de páxina d’A5, con un totla de 42 páxines en blanco y prieto y una portá que si ta en color y de tapa blanda.

Destacar que ye un manual perfacil de lleer, nun tarde ya lu tenéis devorau, y cenciellu de siguir con párrafos non mui llargos y to, na mio opinión, bien redactao. Camentar qu’en tol llibru utilizase’l femenín xenéricu. L’autor, Jorge Coto, escribiolo asina, y la editora tuvo a bono mantenelo. Aplaudo la decisión.

Tocante l’arte del llibru, creo que les semeyes, maquetación y los epígrafes acompañen mui bono la temática del llibru, to en blanco y prieto y semeyes bastante siniestra en dalgunos casos. Bob formatu.

Ambientación de Cayida al Infierno

Falar de l’ambientación de Cayida al Infiernu ye un poco complicao, El xuegu proporciona un sistema narrativu. Eso sí, lo que gueta en to momentu ye la degradación de personaxe y llevanos al llimite. Pero lo que ye ambientación per sé, pues aplicalos a cualquiera, seya un mundiu real, inventáu… Dicir qu’el propiu manual trai como “xuegos” qu’usen el sistema. Cambien quiciabes los temes a tratar y dante direutives pa ello. Pero’l sistema ye’l mesmu. Eso sí, el xuegu ta piensáu pa xugar nun ambientáu prietu, de penuries y sufrimientu del personaxe.

El sistema de Descenso al Infierno

Vamos agora col xuegu en si. Como vos camenté, al entamu, el xuegu ye un sistema narrativu qu’escaez de narrador. La narración va dir rodiando ente les xugadores participantes. Tamién vos dixi que ye un xuegu onde se lleva al llimite la cordura y sufrimientu del personaxe, polo que los primeros pasos del llibru indica que se deben de poner unos temes o coses tabú de les que nun se van poder narrar. Toles xugadores pondrán esos llimiles nel centru la mesa pa que claro.

Otra de les coses interesantes del xuego, ye que solo existe un personaxe que compartirán toles xugadores. Esti personaxe defínenlu les propies xugadores, poniendo-y carauterístiques propies d’él y fixando unos pilares que sedrán piedra fundamental na so vida. Estos pilares son perimportantes, porque a midía que vaya trescurriendo’l xuegu podemos dir perdiéndolos. Una manera más de ver la degradación.

Entamamos a xugar.

Ya podemos entamar la partía onde ca xugadora coyerá un dadu de 6 cares que `pondrá na reserva, y otru más que quedar´´a nel centro de la mesa común pa toes. Tamién ye interesante que cauna tenga papel y boli pa apuntar el resultáu, pues esto sedrá lo que decida lo que pasa na partía. La mecánica ye cenciella, la xugadora que seya’l narrador tira los daos que ten nel centro la mesa (non los de la reserva) De la tirá siempre se escueye’l resultáu más altu, si tenemos suerte y nos sal un 1, tenemos que narrar qu’el personaxe gana un pilar nuevu na so vida y apuntamos toes el 1, si non… Apuntamos el resultáu (solo nos) y narramos como el personaxe va Somorguiándose na llocura. Hai una escepción, si tenemos el nuesu dau de la reserva podemos romper un pilar, en cuyu casu narrámoslo como ocurri y añadimos el nuesu dau al centro la mesa. Diremos asi narrando les penueries qu’el personaxe va sufriendo

Ye perimportante dir apuntando, porque nel momentu que una xugadora llegue a 13, desatase el final de partía. Esti sedrá’l momentu nel que personaxe cruce la llinia y cometa un dañu irreparable, se somorguié completamente na llocura. La xugadora con menos puntuación pue cuntar l’epílogu de tola hestoria.

Como veis, el xuegu trata de narrar esa cayida, paulatina, al infiernu y la oscuridá. Na que lo más normal ye que’l personaxe se somorguié na llocura. Anque tamién esiste esi halu d’esperanza, la redención, na qu’el personaxe consiguí salir del furacu. Pero ye una situación percomplicá de dase, pero ehí ta (pa saber como, ya sabéis.. Mercar el llibru :P).

La partida dirá pasando ente narradores, que dirán turnandose a quien tenga el númberu más baxu apuntau, finando el xuego cuando daquién pase’l 13 o se de la redención.

Opinión final

Vamos cola opinión final de Cayida al Infiernu. La verdá ye que ye la primera vegada que lleo un xuegu de rol d’estes carauteristiques, ya non pola temática, sino pol sistema (que nun digo que nun esista, conste). El fechu de que toes creemos una hestoria paezme perinteresante. To basáo nun sistema de dados de 6 que man dir medrando, fechu que relata como el personaxe va somorguiándose na llocura. Más dados, más posibilidaes de tomar un númberu más alto nel dado. Prestame especialmente el tema de que siempre pue haber redención. Ye mui dificil, pero esa pequeña lluz al final del tunel humaniza y relata l’esperanza que tenemos les persones nesti tipu de situaciones. Paezme curioso’l tema de construccion/destrucción de pilares, por supuesto lo más probale ye lo cabero, y narrar como se destruyen da empaque al xuegu.

Mentar el fechu de que se pue xugar sin apenes preparación, el mundiu constrúyese ente toles xugadores al entamu, y tres d’esto el xuegu nun s’allarga abondo siendo bona opción pa una tarde que nun se tien na preparao. Amás, tien dellos xuegos tos basaos nel mesmu sistema, pero con temática diferente. Anque, eso sí, to rodiao de la degradación, dolor y sufrimientu.

Tien bon formatu, cenciellu de lleer y llevar y con semeyes qu’avérense col tema. Con to entrugaréis ¿Xugaríalu? Agora mesmo non, y nun porque seya mal xuegu, pero trata de temes que quiciabes nun tol mundiu pue tar preparáu. Agora mesmo nun sedría capaz de llevalo, quiciabes con otra ambientación.

Y na más por güei ¿Prebasteis daque paecio, de tema o sistema? ¿Que vos paeció?¡Cuntamelo nos comentarios! ¡Gracies por lleer!