Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 12 del 2023 (pues atopar la cabera equí)
Verdant
Ficha:
- Xugadores: 1-5
- Duración: 30-45 min
- Edá: +10 años
- Editorial : Maldito Games
- Fecha : 23 de marzu
- Preciu: 35€
- Ficha BGG
De los creadores de Calico y Cascadia lliega esti Verdant, un amiestu de los otros dos, nel que sedremos entusiastes de les plantes d’interior. Un xuegu nel que tenemos un rompecabeces espacial.
Florencia
Ficha:
- Xugadores: 1-5
- Duración: 40-80 min
- Edá: +14 años
- Editorial : Maldito Games
- Fecha : 23 de marzu
- Preciu: 45€
- Ficha BGG
Florencia ya ye un eurogame más clásicu, de control d’áreas, nel que se nos pidi a los xugadores que la familia de nueso medre na sociedad de la ciudá y puedan tener tratos colos gobernantes de los Medici: Cosimo, Giovanni y Contessina. Un xuegu onde’l recursu principal ye’l tiempu.
Okiya
Ficha:
- Xugadores: 2
- Duración: 15 min
- Edá: +8 años
- Editorial : Blue Orange
- Fecha : 24 de marzu
- Preciu: 20€
- Ficha BGG
Okiya ye un xuegu esclusivu pa dos xugadores nes qu’encarnaremos les disputes de dos okiyas (cases de geishas) por consiguir los favores del Emperador. Ye un xuegu de construcción de patrones.
Arkham Horror LCG : La Era Olvidada Expansión de campaña
Ficha:
- Xugadores: 1-4
- Duración: 30-120 min
- Edá: +14 años
- Editorial : Fantasy Flight Games
- Fecha : 24 de marzu
- Preciu: 70€
- Ficha BGG
Espansión de campaña de La Era Olvidada pa Arkham Horro LCG. Ya salió fai unes selmanes la espansión d’investigadores pos agora toca la campaña col mesmu formatu al que nos tienen acostumbraos.
Evergreen
Ficha:
- Xugadores: 1-4
- Duración: 45-60 min
- Edá: +8 años
- Editorial : Horrible Games
- Fecha : 24 de marzu
- Preciu: 50€
- Ficha BGG
Un de los xuegos del pasáu Essen. N’Evergreen vamos tener que construyir l’ecosistema del nuesu planeta, plantar árboles y de dellos elementos pa que la vida medre. Un xuegu bastante abstrautu y d’estratexa.
Glen More II Crónicas
Ficha:
- Xugadores: 2-4
- Duración: 90-120 min
- Edá: +12 años
- Editorial : Delirium Games
- Fecha : 23 de marzu
- Preciu: 85€
- Ficha BGG
En Glen More II sedremos llideres d’un clan escoces. Crea llazos con otros clanes, vende whisky y toma les decisiones oportunes pa ganar nesti xuegu de collocación de llosetes y xestión de recursos.
Rol
Vamos coles novedaes de rol, y entamamos cola espublización de Shadownlands, La Sanción de la Inquisición. Ye un suplementu pa Dee Sanction nel qu’esparde el básicu de la Inglaterra de los Tudor a la península Ibérica. A la España de Felipe II. El xuegu sal a la venta’l día 24 al preciu de 25€.
Noticies de xuegos de mesa / rol de la selmana 12 del 2023
Nes noticies d’esta selmana tenemos la celebración de los premios Tabula que se fixeron durante’l Board Game Fest celebráu nesti fin de selmana n’Alfaz del Pi. Hebo delles categoríes, voi comentar na más la del xuegu del añu que se lu llevo Ark Nova de Maldito Games, pero estiendo la felicitación pa tolos galordonaos y nominaos.
Ya dientro de les noticies de xuegos de mesa y rol tenemos un par de campañes de mecenazgu de xuegos de mesa . Entamamos por Salt & Pepper Games, que tien en campaña de Gamefound The Hunt un xuegu pa dos xugadores nel que recrearemos les batalles navales de la 2 Guerra Mundial ente Gran Bretaña y l’Alemania Nazi. El xuegu ta fundau y podéis consiguir el pledge a parti de 23€
Por parte d’ Eclipse Editorial tenemos Tambores de Guerra un xuegu d’enfrentamientu pa dos xugadores nel qu’orcos y humanos llucharan nuna batalla épica. El xuegu tamién ta fundáu asina que tolo que se consiga ye de baldre. Podéis atopar el pledge básicu por 19€
Que m’entra pol güeyu de les noticies/novedaes de xuegos de mesa / rol la selmana 12 de 2023
Esta selmana ya tornen les novedaes a bayura. Y como esto va de lucubrar de lo que mercaría voi dicir qu’esta selmana d’ente toles novedaes yo queradariame con Glen More II de Delirium Games. Agora mesmo no podría mercalu, pero poles semeyes que vi tien una producción perguapa y un tema que me paez mui interesante. Oxala pueda prebalu n’algún momentu, danme ganes de verdá. Eso si los 85€del preciu nun digo que nun los merezca, pero duelen 😀
Finando les noticies de xuegos de mesa de la selmana 12 del 2023
Y na más pa les noticies de la selmana 12 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información y semeyes