Quien dixo que nun se puen vivir aventures roleres con un xuegu de mesa. Pathfinder el Juego de Cartas de Aventuras de Devir ye lo qu’intenta. Vamos ver si lo consigui (asturianu)

Ficha:

• Xugadores: 1-4
• Duración: 60 min
• Edá: 13+
• Editáu por: Devir
• Autor: Chad Brown, Keith Richmond, Aviva Schecterson, Mike Selinker, Liz Spain
• Ficha BGG

Conteníu:

• 440 Cartes
• 12 Peones de personaxes
• 6 Peanes
• 5 Dados
• 63 Fiches de colores
• 24 Separadores
• 1 Guía d’aniciu rápidu
• 1 Reglamentu
• 1 Llibru d’histories

¿De qué va Pathfinder El Juego de Cartas de Aventuras?

L’universu de Golarión que creo la llinia de xuegos de rol ye perconocíu. Dafechu, van pola segunda edición. Pero ye qu’amás adautose esi mundiu a otros sistemes, como pue ser Pathfinder Salvaje. Lo qu’aquí tenemos ye lo mesmo pero un xuegu de mesa, nesti casu un xuegu de cartes, que nos va llevar d’aventures poles tierres de Golarion.

Pathfinder El Juego de Cartas de Aventuras va intentar llevar una partida de rol de mesa clásica a un xuegu de mesa. Podíamos dicir que ye un dungeon crawler pero con matices, ya qu’equí vamos amestar la xestión de les cartes, la construcción del mazu y la tirada de dados pa llevar a bon puertu les nueses fazañes. Vamos con ello.

Opinión final de Pathfinder el Juego de Cartas de Aventuras

Normalmente pongo la preparación y por enriba’l como se xuega, pero como nel casu del LCG nun lo voi facer ya hai munches pallabres clave, subfases, etc. Que fadría esta entra perllarga y l’oxetivu caberu de la entrá ye davos la mio opinión del xuegu. Si siguís el blogue, ya vos di unes primeres impresiones del xuegu vamos ver si les caltién. Lo que si me va ser inevitable ye facer comparanza cola primera edición que tamién tengo’l gustu de xugala nel so momentu. Amás voi intentar nun falar de la campaña pa nun vos facer spoiler.

Como camenté enantes, Pathfinder El Juego de cartas de aventura intenta llevar una partida de rol de pathfinder a un xuegu de mesa siendo’l propiu xuegu’l direutor de la partía. Da fechu los xugadores vamos escoyer personaxes (de los que vienen na caxa) y facenos el mazu en función d’unes restricciones d’esti (la parte personalizable) que sedría más o menos el facer la ficha de personaxe. Esti mazu que facemos sedrán los nuesos recursos pa llevar l’aventura palantre, tenemos que xestionar bono la mano y el mazu ya que sedrá la nuesa vida. Si nun tenemos mazu perdemos.

Les mecániques son cencielles, los personaxes en ca turnu esploraran una ubicación y enfrentaranse a lo qu’elli salga. Seya bono o malo. Si ye bono pues adquirila. Si ye malo tenemos qu’enfrentanos con ella y facer usu de lo que tengamos na mano pa derrotala. Escudos, fechizos, oxetos, armes… Ye equí onde se ve la xestión de la mano ya que pues revelala, descartala, recargala (metela debaxo del mazu), desterrala (perdela pa siempre) Una bona xestión de la mano fadrá que ganéis o perdáis la partida.

Les condiciones pa ganar, eliminar el villanu y que nun tenga pa onde dir, faenlu mui collaborativu. Tenemos que sincronizamos bono pa dir a la meyor ubicación pa poder zarrar la partía y el villanu nun nos escape. Camentavos tamién, que pese a que yo xugué solu, fixelo con dos personaxes y creo qu’escala mui bono a cualquier númberu. Ya nun solo porque los entreturnos son mui llargos, sino porque los propios escenarios escalen según el númberu de xugadores.

Sobra dicir que de lo que va’l xuegu ye de vivir una aventura rolera, más contenía y de xuru en menos tiempu. Ye por eso qu’esti xuegu ye concebible si vas a xugar la campaña. Pa xugar un solu escenariu dacuando nun creo que seya’l meyor xuegu pa ti, ya que nel trescursu de la hestoria, el como vas evolucionando cola aventura onde ta la gracia. Pasa un poco como nos dungeon crawler, y pese a que no lu meto nel mesmu sacu, la finalidá ye la mesma. En Pathfinder El juego de Cartas de aventuras no vas a dir de mazmorres, vas a esplorar. Esto pue paecer una tontería pero si esperes un mazmorreo como en Descent o similar vas llevar un chascu. Ye un xuegu d’estratexa, pero nun creo que seya un xuegu táuticu.

Y xuntando colo d’enriba, si nun van disposición de vivir una aventura, solo vas a xugar unes mecániques… Va paecete repetitivu. Porque vas facer lo mesmo siempre, esplorar, enfrentante y dir zarrando llocalizaciones. Ten esto mui en cuenta si quies metete.

Producción

Falando de la producción en xeneral voi dicir que ta bona. El fechu de meter standees, l’insertu preparau y una remaquetación con respeutu a l’anterior edición paezme un puntu a favor. Tamién lo de la caxa más pequeña. Ye verdá que la l’otra dives meter 6 aventures más, pero es que ye una caxa que nun entraba en nengún llau. Equí ties 9 aventures (que formen la senda) nuna caxa mui comedía.

Por otra parte, y como pasaba enantes, el manual ye por decilo suave… Mui difícil de siguir. Por suerte nun cambio casi na y ya venía cola idea de como se xugaba, pero pueo entender qu’a daquién que lu coxa de nueves se frustre. Si que tien delles pallabres claves y conceutos, pero no me paez un xuegu tan complicáu como paez lleendo’l manual. Por otra parte, si bono ye que remaquetaran les cartes, les semeyes son casi toles mesmes. El llaváu de cara solo ta nel marcu, por asina dicir. Dalguna nueva taba bono. Sicasi, como dixi, gana munchu con resputu al anterior solo remaquetando.

Por otra parte, como dixi nes primeres impresiones. Ta preparáu pa solo abrir unes coses d’entamu pero nun ta bien fecho. Pues xuntar les cartes que son porque te les dicen pero yera meyor si solo fuere abrir les que son.

Tema

El tema, pa mi caro ta, ye la base del xuegu. Una aventura en Golarion. Y creo qu’uno sin otru nun triunfare, pero aquí y baxo la mio opinión, trunfa. Recuerres ubicaciones clásiques de Golarion que si tas de xugar a Pathfinder recoñueceras. Nesti aspeutu creo que ta mui bono adautáu.

Primera vs Segunda

El xuegu ye prauticamente el mesmu. Si sabes xugar a la primera, a la segunda edición vas saber xugar. Cambien daqué asuntos, intentando simplificar, pero n’esencia ye lo mesmo. Si que cambia por exemplu l’aventura y el formatu. Equí tienes la senda d’aventures completa y a munchu menor preciu si nun recuerdo mal. Amás, pues xugar les dos aventures ya que nel manual vien una pequeña parte p’adautase y xugar otres sendes d’aventures.

Resumen final

Vamos col resumen de Pathfinder El juego de Cartas de Aventiras, un xuegu cooperativu y d’esploración (que no de mazmorreo) nel que vamos tener que xestionar la nuesa mano y usar les habilidaes del personaxe pa consiguir los oxetivos de ca aventura. Ye un xuegu de campaña, xugar escenarios sueltos nun lo veo prestoso, nel que va a escalar bono a cualquier númberu de xugadores ya que’l xuegu s’adauta. Amás, tien que prestate xugar una aventura ya que si solo vas pola mecánica a lo meyor al 3º o 4º escenariu pue facesete repetitivu. Ties que vivir l’aventura, ponete na piel de los personaxes pa saca-y el máximu xugu. Si lo faes, como foi mio casu, pasarás una esperiencia mui bona.

Sal al mercáu con un preciu mui competitivu, al rodio de 45€, con una llixera meyora na producción con respeutu a l’anterior versión. Sobre to nos standees, y remaquetación de les cartes. Pero sigui pecando de tener un manual mui complicáu de siguir pa un xuegu que baxo’l mio puntu de vista nun ye tan complicáu. Tamién con dalguna semeya nueva más taba más prestoso.

En definitiva, si busques una esperiencia rolera, na que los despliegues faense más cortos qu’un dungeon crawler pero con sensaciones dixebraes (que no peores) ye una mui bona opción. Eso si, ties que tar dispuestu a vivir una hestoria. Tamién lu veo perinteresante pa xugar en solitariu, que ye como yo lu xugué.

Pathfinder El Juego de Cartas de Aventuras va prestate si…

• Quies un xuegu de campaña
• Un xuegu con bon solitariu pero que pues sacar con más xugadores en sin problema
• Busques vivir una aventura rolera, coles limitaciones obvies
• El mundiu de pathfinder prestate.
• Prestente los xuegos de cartes y xestion de mano.

Pathfinder El Juego de Cartas de Aventuras nun te va prestar si…

• Solo vas poles mecániques, no pola hestoria.
• Xuegues dacuando, lo de la campaña ni te va ni te vien.
• Si nun te gusta el tema, ye posible que t’aburras.

Y na más por güei ¿Conoceis Golarion? ¿Xugasteis a Pathfinder? ¿Xugasteis a la primera versión? ¿Cuál creeis que ye meyor? ¡Quiero sabelo! Ya sabéis onde 😛 ¡Gracies por lleer!