Hai dellos xuegos de mesa nel mundiu de Harry Potter. Dende xuegos de miniatures a xuegos de cartes, pero nengún s’orientaba a la “vida del estudiante” de los famosos alumnos de Hogwarts. N’esto se va centrar esti xuegu. Traigovvos les primeres impresiones de Harry Potter: La Copa de las Casas n’asturianu.

¿De qué va Harry Potter: La Copa de las Casas?

Un nuevu añu en Hogwarts, si to fuere como debe, los estudientes tendrien un añu d’estudios y Quidditch, y peleariense pola Copa de les Cases para que la so casa trunfe (llueu ta’l fechu de que siempre pasa daqué n’esi colexu :P) Tolos estudiantes necesiten ganar puntos pala su casa, bien seya en clases, investigando…

D’esi va precisamente esti xuegu, coyeremos una de les cases de Hogwarts (colos personaxes más icónicos) e intentaremos llevanos los máximos puntos posibles n’esti eurogame de colocación de trabayadores. Vamos coles primeres impresiones de Harry Potter y la Copa de las Casas n’asturianu.

Primeres impresiones de Harry Potter: La Copa de las Casas (asturianu)

Ya falemos de dellos cuegos de Harry Potter nel blogue, un exemplu ye Harry Potter Hogwarts Battle o la versión de Funkoverse. Pero yera raro que nun se viese nengún xuegu con una de les mecániques más clásiques nel mundiu de los eurogames como ye la colocación de trabayadores. Pos bono, equí lu tenemos. Dicir qu’esti xuegu nun ye novedá, lleva tiempu nos mercaos, un par d’años quiciabes?

Lo que se ve

Un de los primeros aspeutos resaltar del xuegu, y esta vegada pa mal, ye’l gráficu. Nun ye que seya feu, ye que pa mi ye demasiao simple. Normalmente l’estética de Harry Potter suel ser bastante agradable al güeyu. Esti ye indiferente. Y nun creo qu’haya qu’esperar a la opinión final pa dicilo. Pueo pecar de ser simple, pero un xuegu entrame polos güeyos, y si esti xuegu tuvo dalguna repercusión nel mercáu ye más pol títulu que polo que ves. Sí que ye verdá que llueu los materiales tan bastante bono. El marcador de puntuación con unos tubinos, un pa ca casa, que diremos rellenando con xoyes ye perguapu y da-y impautu visual, pero quedaseme curtiu.

Al turrón

Falando ya estrictamente de les mecániques del xuegu, como vos comenté, ye un colocación de trabayadores bastante cenciellu. Cola casa qu’escoyamos tenemos que dir deprendiendo fechizos y subiendo en track de les nueses habilidaes pa poder deprender más. El turnu componse de dos fases bein dixebraes, una de clase y otra de desafíos. La fase de clase ye la colocación de trabayadores propiamente dicha. Por turnos podremos mover un alumnu de la sala común a una llocalización y/o deprender una llección. N’ambos casos recibiremos les recompenses. Cuando tos usemos los tres estudiantes, llegaremos a la fase de desafíos na que podremos cumplir un númberu de desafíos determinaos. ¿Pa cumplilos? Perfácil, si tenemos los niveles de clase y/o los recursos necesario, cimplimoslos.

Y esto ye a grandes rascos el xuego, cuando se cumplan les 7 rondes (7 años en Hogwarts)el que más puntos tien gana la Copa de les Cases. Ye un eurogame bastante cenciello, d’una duración bastante contenía y la verdá ye qu’el tema ta más o menos bono implementáu. Estudiantes aprendiendo fechizos y subiendo habilidaes que van entrenando añu a añu. Lo que si creo ye que, tres d’una primera partía, ye que diría que ye un xuegu mui bonu pa introducir la mecánica de colocación de trabayadores. Por contra, si daquién ta mui de xugar y Harry Potter nun-y diga na, pue quedase-y curtiu.

La rexugabilidá pasa por unes cartes de llugar nes que ca partía van dir variando. Hai de 3 niveles y existen varies de ca tipu. En ca partía colocaremos una de ca. Estes cartes lo qu’ofrecen ye nuevos sitios pa mandar a los estudiantes.

Resumen final

Vamos col resumen final d’estes primeres impresiones de Harry Potter La Copa de las Casas. Un nuevu xuegu del mundiu de Harry Potter que ye especificamente un eurogame “clásicu” de colocación e trabayadores como mecánica principal (y casi única diría) DE fechu, y pese qu’enantes camenté que nun tuviere muncha repercusión, como xuegu introductoriu veolu interesante. Tres una partía, to seya dicho. T’implementa la mecánica d’una forma mui cenciella y na que en dos minutos tas xugando. Si sumes el nombre de Harry Potter nel títulu, creo que debiere tener más repercusión. Al menos nel públicu nun tan”esperimentáu”.

La gran pega, pa mi claro, ye’l aspeutu gráficu. Creo que ye mui meyorable. Yera una bona oportunidá de crear un tableru vistosu, coles cartes de desafios y demás, que xunto al contador de puntos dexaríen un xuegu munchu más agradable a la vista. Porque sigo piensando (anque veremos si col pasu de les parties cambnbio d’opinión) qu’el xuegu pal públicu al que va orientáu ye un bon productu.

Nun vos pueo falar d’escalabilidá, porque solo lu pudi xugar a dos xugadores, asina qu’estes son primeres impresiones que puen cambiar coles partíes.

Y nada más por hoy. ¿Lo habéis jugado? ¿Qué os ha aparecido? ¿Seguiré pensando lo mismo en la opinión final? Para eso tendréis que esperar al Hablando de correspondiente 😛 Gracias por leer!

Y na más por güei ¿Xugásteislu? ¿Que vos paeció? ¿Siguiré piensando lo mesmo na opinión final? Pa eso teéis qu’esperar al Falando De correspondiente. Gracies por lleer!