Imaxino que casi tol mundiu que acaba n’esti blog sabe de sobra lo que facemos equí. Pero nunca ta de más dexalo bien explicao.

La Montera Solitaria ye un blog n’onde se va falar de xuegos de mesa, xuegos de rol y daqué relacionao col ociu alternativu que se me ocurra. Daré les mios opiniones, suxerencias, tops, comparaciones, etc que crea que seya interesante escribir o que al menos a mi me resultare interesante. To ello escrito, mayoritariamente, na llingua los mios güelos, L’Asturianu. Si bien intentaré escribir en ambos idiomas (Asturianu y Castellan) el primeru va tener preferencia en tos los escritos.

Dende esti blog nun se va tratar de analizar al por menor los xuegos, pa ello ya hay collacios que lo faen muncho meyor que yo (en castellan, n’asturianu la verdad ye que nun conozco ningún blogueru del tema, si queréis podéis pedime suxerencies). Tratase de dar la mio opinión, totalmente subxetiva, de lo que toy hablando. Siempre dende el respetu y tratando de que seya una llectura amena. Nun nos vamos engañar, nun soy ningún lliteratu!

Ya pa finar, davos les gracies por pasavos por esti humilde blog, que vos guste lo que lleeis, cualquier suxerencia que queráis facer podéis facela mandando un correu a contauto@lamonterasolitaria.com o bien dende equí.

¡Espero vevos!