Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 44 del 2024 (puedes atopar l’anterior equí)
Unconscious Mind + Expansion
Ficha:
- Xugadores: 1-4
- Duración: 60-120 min
- Edá: +12 años
- Editorial: Maldito Games
- Fecha: A la venta
- Precio:70 / 30 €
- Ficha BGG
Como miembru de la Sociedá Psicolóxica de los Miércoles, del famosu Sigmund Freud, nesti eurogame de collocaciónde trabayadores y programación d’aiciones ties qu’analizar y sofitar a los clientes colos sos sueños y pesadures, amás de poder documentar eses vivencies (que llueu puen citar otros collacios). Vien cola espansión Pesadillas.
Ninja Lite: Stealth & Tactics
Ficha:
- Xugadores: 1-5
- Duración: 60min
- Edá: +14 años
- Editorial: Gen X Games
- Fecha: A la venta
- Precio:35 €
- Ficha BGG
Del creador de Dungeon Lite, y garrando munches de les dinámiques, nesta ocasión sedremos ninjas del clan Cuervu que s’infiltrarán nel castiellu del Daimyo p’asesinalu. Un xuegu collaborativu.
Que m’entra pol güeyu de les novedaes de xuegos de mesa / rol la selmana 44 de 2024
Selmana de ponte, y notase. Nun hai munches novedaes, o al menos y nun les tope… Pero como siempre, vamos a quedanos con daqué. Y esto ye Unconscious Minds de Maldito Games. Tien perbona pinta y l’aspeutu entra pelos güeyos. Hai que mirar, tamién, el modu solitariu.