Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 20 del 2023 (puedes atopar l’anterior equí)
Nimalia
Ficha:
- Xugadores: 2-4
- Duración: 30 min
- Edá: +10 años
- Editorial: Maldito Games
- Fecha: 18 de mayu
- Preciu: 17€
- Ficha BGG
Crea’l to propiu parque natural onde los animales puean vivir en paz y armonía. Pero esto pue llevate más d’un quebraderu de tiesta, ya que no tos podrán vivir xuntos. Un xuegu nel que paez que tendremos que dir construyendo patrones.
Mind MGMT
Ficha:
- Jugadores: 2-5
- Duración: 60 min
- Edá: +13 años
- Editorial: Maldito Games
- Fecha: 18 de mayu
- Preciu: 50€
- Ficha BGG
¡Nun creyas na de lo que ves! Siniestros axentes cambiarán los acontecimientos del mundiu a traviés de los sos poderes psíquicos. Un xuego d’un, el reclutaor, escontra tos nel que tendremos que para-y los pies al reclutaor. Un xuegu de deducción basáu n’un cómic qu’utilizar el sistema SHIFT-17 de mayos pesyaos pa que ca partía seya competitiva.
Skull King
Ficha:
- Xugadores: 2-8
- Duración: 30 min
- Edá: +8 años
- Editorial: Devir
- Fecha: Esta selmana
- Preciu: 20€
- Ficha BGG
El clásicu xuegu de baces torna col arte renováu, de nuevo por parte de Devir. Un xuegu de pirates que vien col reglamentu revisáu, nueves cartes de botín y un nuevo modu de xuegu avanzáu palos ya espertos. Según tengo entendío, paezse munchu a la pocha, tenemos qu’adivinar el númberu de baces que vamos facer.
Identidad Secreta
Ficha:
- Xugadores: 3-8
- Duración: 30 min
- Edá: +10 años
- Editorial: Tranjis Games
- Fecha: 18 Mayu
- Preciu: 30€
- Ficha BGG
Descubri l’identidá secreta qu’hai detrás de los iconos y viceversa. Cuantes más persones l’acierten, más casielles avances. Paez un divertíu xuegu de tipo party que pue trunfar en tolos alderiques. Tuvi la sorte de poder apuntame na presentación que se va facer na tienda homónima de Xixón, espero cuntiar más.
Warps Edge
Ficha:
- Xugadores: 1
- Duración: 30-45 min
- Edá: +10 años
- Editorial: Gen X Games
- Fecha: Ya en tiendes
- Preciu: 35€
- Ficha BGG
Xuegu de batalles espaciales esclusivu pa solitariu, enfrentate a una de les 5 naves nodrizes alienixenes y atopa nueves estratexes pa nun agotar el númberu de saltos disponible. Xuegu del creáu de la saga de los Tiny Epic y que paez tener mecánica de Bag Building
Noticies de xuegos de mesa / rol de la selmana 20 del 2023
Campañas financiación
Esta selmana nun tenemos munches novedaes, pero si bastantes noticies. Entamamos con una campaña de financiación Ye La Batalla de Versalles de Salt&Pepper Games que ta en Verkami.Un xuegu esclusivu pa dos xugadores nel que recrearemos el míticu desfile de moda que se fixo en Versalles en 1973. La campaña ta ceo de ser fundá, y podrás obtener el xuegu por un pledge de 23€.
Xuegos de mesa
Una de les grandes noticies foi l’anunciu de Star Wars Unlimited un xuegu de cartes coleicionabes, polo que se diz mui paecíu a Disney Lorcana (que de momento nun saldrá en castellán). Al paecer l’encargáu del desendolcu ye Fantasy Flight Games. Esperas que se llance pa entamos del añu que vien, sicasi creo que nun hai confirmación oficial de que va salir en castellán si qu’Asmodee nes sos redes anunció’l xuegu. Nun hai semeyes, pero paez que camuden les semeyes de los otros xuegos de la editorial y va veni rcon un arte renováu.
Sin salinos de Fantasy Flight Games, tenemos l’anunciu del siguiente héroe pa Marvel Champions. Ye L’Angel. N ota confirmáu en castellán, pero imaxino que lo fadrán ceo. Vendrá con un mazu preconstruiu col aspeutu de protección y paez que la novedá qu’incorpora ye dalgo asemeyao a Ant-Man nel que se podrá tresformar nel Angel o nel Arcangel. Los fans del mutante aláu, tais de sorte.
Siguimos cola mesma editorial, pero nesti casu con Arkham Horror LCG. Falamos de la redición, col nuevu formatu, de la campaña El Círculo Roto. Como siempre vendrá una caxa coles cartes d’investigaos y unes selmanes dempués la campaña propiamente dicha. Nuevos investigadores y nuevos desafíos pal aclamáu xuegu de los Arkham Files. Dexovos l’enllaza a la noticia
Pa finar los xuegos de mesa, nun ye una una novedá en castellán, pero tengo esperances de que lo seya. Ye la primera espansión pa La Guerra del Anillo El Juego de Cartas, xuegu que traerá ceo Devir. L’espansión ye Against the Shadow y al paecer trai un modu de xugala en cooperativo y en solitario. Nun vos pueo pasar l’enllaz ya que vilo nel twitter de A Que se Juega
Rol
Y finamos cola noticia de rol, por parte HT Publishers. Ye la preventa de Maravillas de una Sesión un suplementu de 12 aventures curties pa Savage Worlds de diferentes temátiques (Survivor horror, fanstasypunk, western, etc) El preciu de salida en formatu físicu ye de 25€.
Que m’entra pol güeyu de les noticies/novedaes de xuegos de mesa / rol la selmana 20 de 2023
Vamos cola habitual sección de que mercaría de les novedaes d’esta selmana. Creo que lo tengo bastante claro colo que me quedaría y ye Mind MGMT de Maldito Games. Habría que ver como funciona a dos xugadores, que sedría la manera na que yo lu xugaría en principiu pero lo que ye la temática y les premises iniciales paecenme prestoses. Tamién, por ser pa solitariu y porque la temática llamame, Warps Edge de Gen X Games paezme interesante.
Tamién Skull King de Devir e Identidad Secreta de Tranjis Games, paecen los típicos xuegos que siempre ta bono tener porque vería muncha mesa n’alderiques cola familia o collacios. El tema ye… ¿Qué tal funciona a 2? Imaxino nun sedrá lo ideal. N’identidad Secreta nun se comtempla, por exemplu. Comentaimelo nos comentarios!
Finando les noticies de xuegos de mesa de la selmana 20 del 2023
Y na más pa les noticies de la selmana 20 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: