La selmana pasa tuvi la suerte de participar nel Tranjis Day na tienda Identidad Secreta de Xixón. Ellí pudimos prebar tanto les últimes novedaes como lo que ta por venir de la editorial. L’intención d’esti post ye contavos un poco les sensaciones de los xuegos tres d’unos pocos turnos. Vamos col Tranjis Day n’Identidad Secreta Parte 1 (dexovo equí la parte 2) (n’asturianu) col motivu de la presentación de Identidad Secreta

Lo primero de to ye disculpame, na mi estrema llucidez nun saque semeyes, ni del eventu ni de los xuegos. Voi comentar dos xuegos n’esta entrá, farelo per enriba y tres de dalgunos turnos, polo que sedrán unes primeres, primerisimes, impresiones, que creo fadrán l’idea de por onde van los xuegos. Dar les gracies dende equí a la tienda, la editorial y los compañeros de xuegu. Entamamos.

Ganimedes

El primero que pudi prebar foi Ganimedes, que de fechu debe tar ceo la so espublización (creo que la primera selmana de xunu) En Ganimedes tenemos que simular l’ansia de los humanos por esplorar l’universu. Pa ello llevaremos-los de la Tierra al planeta Ganimedes (pasando por Marte) que ye onde salen les llanzaderes.

Vamos tener que dir rellenando les llanzaderes con persones y llanzales. Ca xugador tendrá un tableru personal onde realizará les sos aiciones y llanzar les naves. Solo habrá dos llanzaderes actives como máximo y n’una tendremos que llanzar 3 meeples del mesmu color y na otra 1 de ca color (4 en total si nun m’alcuerdo mal) Los meeples nun representen xugadores, sino población.

¿Como lo facemos? Nel nuesu turno podemos facer tres coses. Coyer lloseta d’aición, normalmente daran-nos meeples y movimientos. Pues poner un máximo de tres nel tableru, pero si pones una lloseta con simbolu igual, l’aición va repetise les vegaes que símbolos tengas (por exemplu, si pones un símbolu roxu, y ya ties dos, l’aición va repetise 3 veces)

Tamién podemos mercar cartes de planeta, pa ello tendremos que cumplir los requisotos (patrón de meeples de colores nel planeta) Con elles, podemos mover los nuesos meeples, cobrar recompenses y volvemos a tener la mecánica de los símbolos repetíos. Nesti set Collection, si tenemos una de ca podemos llanzar una nave a Ganimedes.

Pa finar, podemos descartar llosetes del tableru, por ca una que descartemos un recursu que podemos gastar en mover, reclutar o investigar (un track que nos va dar beneficios)

Mui a grandes rasgos esti ye’l xuegu, intentar que col Set Collection llanzar más naves pa que dean más puntos. El xuegu, una vegada coyes el ritmu ye bastante rápidu, y nun hai na que digas “nun tien sentíu” pero pa mi la verdá que nun m’apasionó. Xugaria otra partía, por supuesto, pero quiciabes nun entraría nes mios primeres opciones. Como siempre, esto ye suxetivo, opiniones tenemos toos 🙂

Tribus del Viento

Tribus de Viento ye una de les novedaes más esperaes pol públicu. Llanzose na pasada feria d’Essen y esperase pa caberos d’aú en castellán. En Tribus del Viento tenemos que construyir una nueva civilización sobre les ruines d’un planeta contamináu. Tenemos que descontaminar les diferentes árees, plantar viesques, fundar aldees…

D’esti xuegu oi el que menos pudimos prebar de tos, ya que l’esplicación yera un poco estensa. Pero no ye complicáu de xugar. Pa entamar pol final, y a modu de resumen, el xuegu, lo que pudi xugar, encantame. L’estética, semeyes, producción xeneral… Mui guapu de ver y, qu’amás, les mecániques acompañen. Vamos con elles.

Ca xugador va tener un tableru d’un color, ye importante porque les habilidaes de ca un son diferentes. No muncho pero dalgo sí ¿Rexugabilidá? Tamién tenemos poderes que podemos ganar a lo llargo de la partía, diferentes. Nesti tableru, tenemos los nuesos xinetes (los que pueblen les nueves aldees) templos y sobre to la contaminación. Si nun m’alcuerdo mal, ca xugador pue facer una aición ente tres nel so turnu.

La primera ye la de xugar una carta. Esta creo que ye la chicha del xuegu. Tenemos cartes de 5 colores, ca un asociáu a un elementu y un tipu d’aiciones. Pa xugar estes cartes necesitamos cumplir unos requisitos. A vegaes solo cola nuesa mano, otres munches coles cartes de los oponentes. Pa ellos, los dorsos de toles cartes tienen que tar siempre visibles. Cuantos más requisitos cumplamos, meyores sedrán los beneficios de les cartes. Con estes cartes, podemos construir llosetes, mover xinetes, descontaminar (nun se pue construyir sobre un suelo contamináu) xenerar agua (el recursu del xuegu)

Otra de les aiciones ye construyir una aldea. Si tolos buecos de la lloseta tan cubiertos por xinetes, podemos gastar una aición en construyir l’aldea. Esto da-nos beneficios. Amás, ca xugador llevará puntos al final de la partía si consigui realizar un patrón de colores coles aldees construyíes, polo qu’hai qu’escoyer bono.

La otra acción que podemos hacer es construir un templo. Esto nos da beneficios instantáneos, pero además, nos permite tener más objetivos finales de partida, por lo cual más puntos. Como dije, fue un juego que solo pudimos jugar unos pocos turnos, pero las sensaciones que me transmitió fueron buenísimas, y además entra por los ojos. Creo que va a ser un éxito este juego para Tranjis Games.

L’otra de les aiciones que podemos facer ye construyir un templo. Esto da-nos beneficios instantáneos, pero amás, permitinos tener más oxetivos finales de la partía, polo cual más puntos. Como dixi, foi un xuegu que solo pudimos xugar unos pocos turnos, pero les sensaciones que me tresmitieron foron perbones, y amás entra polos güeyos. Creo que va ser un ésitu esti xuegu pa Tranjis Games.

Finando Tranjis Day en Identidad Secreta, parte 1 (n’asturianu)

Finamos la parte 1 de Tranjis Day en Identidad Secreta. Espero poder traevos ceo la segunda ¿Teníais dalgún d’estos xuegos nel radar? ¿Esperabais dalgún d’ellos especialmente? ¿Xugastislos en dalguna feria o demostración? ¡Dexámelo en comentarios! ¡Gracies por lleer!

Semeyes tomaes de la editorial y cedies pola tienda Identidad Secreta