Star Wars sigui siendo una franquicia perfamosa, nos xuegos de mesa tamién. Asina que dacuando siempre sal un xuegu con esta temática. El más reciente ye Star Wars The Deckbuilding Game, que lu pudi mercar el mesmu día salida. Vamos coles primeres impresiones de Star Wars The Deckbuilding Game de Fantasy Flight Games (asturianu)

¿De qué va Star Wars The Deckbuilding Game?

Fai munchu tiempu, nuna galaxa mui mui lloñe… Asina entamen toles películes de Star Wars, y esti xuegu nun va ser menos. Star Wars The Deckbuilding Game, vamos tomar el papel de L’Imperiu o la Rebelión y lluchar na guerra que se fraguó nes películes clásiques (episodios 4,5 y 6) polo que to van a ser referencies a este periodu. ¿L’imperiu sedrá quien a sofocar la rebelión o pol contrariu esta lliberará la galaxa de la so tiranía?

En Star Wars The Deckbuilding Game, como’l so propiu nome indica, vamos atopanos con un xuegu de construcción de mazos d’enfrentamientu direutu. L’Imperiu escontra la Rebelión. Nun ye solo lo que nos vamos encontrar, por eso vamos coles primeres impresiones de Star Wars The Deckbuilding Game

Primeres impresiones

Xuegos de Star Wars hai abondu, amás son xuegos que me presten. Da fechu, ya falamos equí de dellos como puen ser El Borde Exterior y El Palacio de Jabba. Del que falamos güei, ye’l caberu que salió. Munchos taben murnios porque lo queríen yera un nuevu LCG de Star Wars, nel mio casu tamién (pa que nun vamos engañar) pero veíalo complicao. Asina que cuando vi l’anunciu nun me pillo de sorpresa. Tuvi a l’espera. Star Wars, prestame y la mecánica ya sabéis de sobra que tamién. Asina que cuando salió fui direutu a por él. Vamos ver que me paecío.

Como camentamos na introducción tamos ante un xuegu de deckbuilding como podría ser Ascension. Xugamos cartes, mercamos más nel mercáu (equí la galaxa)… Hasta equí más o menos igual. Una de les principales diferencies ye que tu solo pues mercar cartes de la to faición o neutrales. Les cartes de l’otra faición lo que pues facer ye destruiles (el xuegu nomalo d’una manera pa cada bandu pero nun m’alcuerdo de memoria) dandote recompenses por ello. Amás, pues lluchar direutamente escontra’l rival, eliminando le sos bases pa ganar. Nun lu xugué nunca, creo, pero tengo entendió que s’asemeya bastante a Star Realms

Tamién tenemos un marcador de fuercia, qu’en según pa que llau te tará co un bandu o con otru. Esto antoxase importante, porque hai cartes qu’en función de pa onde te dan unes habilidaes o nun les dan. Pa movelu, cuando xuguemos les cartes vamos tener un “recursu” más en dalgún casu que ye la fuercia, moveremos el marcador nel track tantes casielles pal nuesu llau como puntos de fuercia xuguemos.

N’asemeyanza con Star Realms tenemos les naves de llinia, que tendrán habilidaes pero además fadrán que nun pues atacar a la base del oponente. Montase un tinglau bono pue facer que seya mui complicao derrotate. Pa ganar al xuegu ye cenciello, ies que destruir un numberu de bases del contrariu, que por cierto tamién tienen habilidaes, en función de la duración de la partía que quieras. 3 o 4 bases, 5…

Solo pudi xugar una partía completa, pero tengo que dicir que les sensaciones que me dexo foron perbones. El fechu de les facciones da-y un toque mui temáticu y les cartes coles sos habilidaes faen que te metas na partía dende’l primer momentu. Como tamién lo fai la producción, con semeyes mui afayadices, y curiaes, colos recursos pa mercar na galaxa, y hasta un insertu! Por destacar dalgo que nun me dio más… El tableru de fuercia, ye de poco más del grosor d’una carta, nun se… Podíen facelu dalgo más duru.

Resumen final

Vamos col resumen final de Star Wars The Deckbuilding Game, el nuevu xuegu de la franquicia de Star Wars en forma d’un deckbuilding d’enfrentamientu direutu nel que vamos a escoyer una de les dos faiciones de les películes clásiques. L’imperiu o la Rebelión. Ye verdá que solo pudi xugar paríta y media, soi rarin si :P, pero dexome con ganes de siguir xugandolu. Dende llueu nun pudi ver toles cartes y de xuru me queden delles estratexes que poder usar, amás de qu’hai dos bandos bien diferenciaos.

Creo que ye lo suficientemente dixebráu a Ascension como pa tenelu en casa, quedando en medio d’esti y de Star Realms, polo que pudi lleer, col tema de les bases y les naves de llinia. Añade-y, amás, delles mecániques como’l marcador de fuercia, o el poder destruyir cartes del rival na galaxa (y mercar les del tu bandu) que fae fai mui estratéxicu y temáticu sintiendote como un comandu rebelde o una patrulla imperial frustrando los planes.

Si a to esto sumes-y una producción más qu’aceutable, con bones semeyes, cartes de calidá, recursos de plástico (cubitos, que bono podien facelo daqué más temático la verdá) y un insertu con espaciu de sobra que dexa claro qu’habrá espansiones… Nun se pue quexar un. Pero como siempre hai que camentar daqué… Nun me gusta munchu’l marcador de fuercia, veolu bastante endeble y que se podía facer dalgo más duru.

Y na más por güei ¿Ya lu prebasteis?¿Probastéis dalgún a los que digo que s’asemeya? ¿Que vos paez? Caltendrá les sensaciones nes partíes? Eso collacios, veremoslo nel Falando De Gracies por lleer!