Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 19 del 2023 (puedes atopar l’anterior equí)
Funfair
Ficha:
- Xugadores: 2-4
- Duración: 30-60 min
- Edá: +14 años
- Editorial: Maldito Games
- Fecha: 11 de mayu
- Preciu: 40€
- Ficha BGG
Construyi’l to propiu parque d’atraiciones y xestionalu pa que seya’l más esitosu posible. Contrata los trabayadores, supervisa les atracciones, etc. Incluyi cartes promocionales.
Mistery House
Ficha:
- Xugadores: 1-5
- Duración: 60 min
- Edá: +14 años
- Editorial: Tranjis Games
- Fecha: 11 de mayu
- Preciu: 35€
- Ficha BGG
Resuelvi’l misteriu de la casa encanta nesti xuegu de 3 dimensiones. Mira a traviés de les ventanes, col sofitu d’una aplicación móvil, pa resolver el casu. Ties qu’utilizar la llóxica y la deducción y llograr colar enantes d’una hora.
Play Soccer
Ficha:
- Xugadores: 1-6
- Duración: 10-20 min
- Edá: +8 años
- Editorial: Last Level/ Little Big Game
- Fecha: Ya en tiendes
- Precio: 19€
- Ficha BGG
Crea’l to equipu de fútbol d’ensueñu nesti xuegu d’estilu retro. Crea la formación 4-4-2 que más te convenza y lleva’l to equipu hasta la victoria. Como puntos a destacar ye que’l xuegu ta diseñáu por un entrenador de fútbol, polo qu’entiendo les mecániques tan adautaes bono y pue ser xugáu por persones daltóniques.
Rol
Vamos coles novedaes de rol. Traigovos una pa Dungeons and Dragons 5ª edición, que realmente nun se si sal esta selmana o la que vien. Siguiendo la páxina de la editorial, paez que ye esta, asina que vamos allá. Ye El Tesoro de los Dragones de Fizzban, una guía pa saber más d’estes criatures que dan nome al xuegu de rol más famosu del mundiu. Contien más opciones pa personaxes como puen ser nuevos llinaxes dracónicos. El preciu de venta ye de 40 € y la fecha prevista ye’l 12.
Tamién vos traigo un suplementu nuevu pa Pathfinder 2ª edición. Ye La Extensión de Mwangi que nos trai Devir. El xuegu ya ta en tiendes y el preciu de venta ye de 45 € Nel suplementu vamos atopar escrita esta vasta estensión con maxa a bayura y criatures increyibles.
Noticias de juegos de mesa / rol de la semana 19 del 2023
Vamos coles noticies que se dieron esta selmana. Bono , esta ye de la pasá, pero creo que ye importante pa recuperala. Ye el Proyecto de Remasterización de la segunda edición de Pathfinder. A grandes rasgos, lo que quier Paizo ye una desvinculación total con D&D y van facer esta revisión de los manuales dalgo meyor estructuraos. Un manual pal xugador y un pal DM saldrán en payares n’ingles, y llueu un de monstruos y otru del xugador pal añu que vien. Dexovos l’enllaz a la noticia n’inglés y un resumen del canal de Youtube de +2 de Carisma, onde creo lo explica per bien.
Y ya pa finar, entro a última hora, dende Nosolorol ya ta en prepediu Escoria Y Vileza un xueugu de Forged in the Dark nel que podemos ser tripulantes d’una nave espacial y vivir parties con blasters y contrabandistas. El preciu de salida ye de 40€. Equí vos dexo l’enllaz
Que m’entra pol güeyu de les noticies/novedaes de xuegos de mesa / rol la selmana 19 de 2023
Lo cierto ye que nun hay muncha novedá esta selmana, polo que nun hai munchu onde lo qu’escoyer. Voi dir rápido. Quedariame con Mistery House de Tranjis Games pol fechu de ser diferente y ver que coses nueves pue ofrecer.
Finando les noticies de xuegos de mesa de la selmana 19 del 2023
Y na más pa les noticies de la selmana 19 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: