
Cuando toi escribiendo esto ye’l 4 de Mayu, pa los siguidores de Star Wars esta fecha dira-yos bastant. May the 4th. Y como a mi ye una franquicia que me presta abondu, voi dexavos un llistau de xuegos de mesa y rol de Star Wars que yo tengo y m’afayen especialmente. La verdá ye que tengo un poco de to y nun se pisen les mecániques, asina que toi contentu. Tamién vos dexo un que me prestaría xugar.
Imperial Assault
Entamamos col que ye más difícil de consiguir por tar descatalogáu pola editorial Imperial Assault ye un dungeon crawler de Fantasy Flight Games con mecániques mui similares al Descent 2ª edición, pero claro cola temática de Star Wars. Como vos comento, actualmente nes tiendes nun se pue mercar, pero de segunda mano tenéis opciones de consiguilu si tentéis paciencia colos precios. Equí un de los xugadores llevará L’Imperiu y el resto sedrán los héroes de la Rebelión. Ye un xuego nel que predomina la campaña, anque tamién dispón d’un modu d’escaramuza nel que los xugadores escueyen su banda y enfrentense un escontra l’otru.
La verdá ye que to dispuesto na mesa luz munchu. Y si yes un manitas y pintes les miniatures y crees l’escenografía pa suplir los tokens… Pa que contavos. Aún nun lu traxe al blogue, pero tan dándome munches ganes de xugalu, más cuando esiste una app pa controlar L’Imperiu. El xuegu dispone de delles espansiones qu’añaden más miniatures y nueves campañes pa xugar. Ye un xuegu perinteresante.

Star Wars el Borde Exterior
Vamos col segundu de los xuegos de Star Wars, nesti casu con un de los que si vos falé nel blogue. Ye Star Wars: El Borde Exterior un xuegu de tipo pickup and deliver nel qu’encarnaremos a contrabandistas y mercenarios sobreviviendo pola galaxa escondiendonos, o sofitando, les patruyes del Imperio y rebeldes. El xuegu tien n’especial el tableru de la galaxa con forma de semicirculo nel que diremos de planeta en planeta atopando misiones y cumpliendoles pa ganar reputación, que no cabero ye la forma de ganar. Pue xugase en solitario ya que dispón d’una IA de cartes y funciona bono. Pero quiciabes seiya mejor xugar a más xugadores. Consigui lo que propon, sentite como Han Solo o Bobba Fett pola galaxa, mercando naves y cumpliendo trabayos.
Lo cierto ye que na salida’l xuegu pasare desapercibíu, nun tuvo mucha fama. De fechu, la primera, y única, espansión (que nun tengo 🙁 ) vino bastante dempués Y eso que yera evidente que la necesitaba y qu’estaba planea. La baraxa númera hai númberos que nun venien…. Si te gusta Mandalorian, Han Solo y personaxes similares de la saga, echa-y un güeyu.

Star Wars The Deckbuilding Game
Vamos cola cabera incorporación del universu Star wars nos xuegos de mesa, ye Star Wars The Deckbuilding Game. Otru xuegu de Fantasy Flight Games (croe que ye mono-editorial esta entra, coses de la llicencia 😛 ) nel que de nuevo ye evidente que ta partíu, van venir espansiones. ¿Por qué? Personaxes míticos de la saga nun tan incluyíos, los más evidentes los archifamosos androides. El xuegu ye un constructor de mazos d’enfrentamientu, mui similar a lo que pudiere ser Star Realms. Ca xugador coyerá un bandu y tendrá que destruir les bases del contrariu. El puntu interesante del xuegu ye que solo peques mercar les del to bandu y neutrales, pero pues destruyir les cartes del contrariu na llinia de galaxa (la llinia de mercáu). Tamién tien un track de fuerza, que sinerxiza con dalgunes cartes.
El xuegu ye entreteníu, con capacidad d’encadenar vares partíes. Amás, el poder cambiar de bandu y poder escoyer bases nun lu fai especialmente repetitivu. La verdá ye que se monten combos perguapos coles cartes. Bona opción pa un xuegu d’enfrentamientu de Star wars.

Xuegos de Rol
Traigovos tamién una colección de xuegos de rol de Star Wars, ye’l trio que Fantasy Flight sacó en su día y agora ta baxo’l paragües d’Edge Studio. Estos xuegos sedríen Al Filo del Imperio, La Era de la Rebelión y La Fuerza del Destino. Los 3 xuegos comparten el nucleu de regles. Que no dexa de ser el sistema Genesys de Edge Studio, variando casi n’esclusiva la época y l’ambientación que se xuega y aspeutos mui rellacionaos con ella. Al Filo del Imperio ta creao pa contrabandistas y rufianes, La Era de la Rebelión pa ser un comando rebelde y La Fuerza y el Destino pa usuarios de la fuercia. Yo solo prebe Al Filo del Imperio. Pero ye estensible a los otros. Son bastante narrativos y disponen d’unos dados especiales que faen que los xugadores y direutores puedan da-y esi aspeutu épicu que tien la saga. Lo malo, qu’esos dados si nun teníes nenguna caxa d’aniciu ties que mercalos a parte ya que los manuales, creo recordar, nun vien cola traducción a dados “normales”. Personalmente, veoyos más chicha a la era de la Rebelión y Al Filo del Imperio.

Star Wars Rebellion
Y ya pa finar, os cuento d-un xuegu que nun tengo, que nun prebe pero que me prestaría abondo. Star Wars Rebellion ye un xuegu de 2-4 jugadores, anque tengo entendío que lo meyor ye dos, onde reviviremos les películes clásiques de la saga. Un xugador lleva L’Imperiu y tendrá que descubrir onde ta la base rebelde del otru xugador. Partíes al rodiu de les dos hores onde, al menos po lo que pudi lleer, siempre se tornen épiques. La verdá ye que tengo munches ganes de xugalu, el problema como siempre suel ser, ye’l preciu. 110 € de xuegu que si s’usa amortizase, pero que dende llueu ye un desembolsu grande.

Y na más pa esti May the 4th. ¿Prebasteis dalgun de los xuegos? ¿Qué vos pareen? ¿Dalguna recomendación aicional? ¿Mis ganes de xugar al Rebellion son fundaes? ¡Contaime! ¡Gracies por lleer!