Güey los fans de Harry Potter tais de suerte, voy falavos de Harry Potter Hogwarts Battle, un xuegu cooperativu de construcción de mazos (ast).

Ficha :

Xugadores: 2 – 4 (aunque pues xugalu en solitario con dos personaxes).

Duración: 30 – 60 minutos.

Edad: 10+

Editau por: Asmodee Iberica (aunque la mio edición ye la inglesa haylu pa mercar en castellan).

Ficha na BGG

Conteniu:

• Tableru de xuegu
• 252 cartes (47 pequeñes, 142 normales, 63 grandes)
• 4 dados
• 7 caxes de xuegu
• 4 tableros de personaxe
• 8 fiches de Control de Villano
• 70 fiches (35 de Ataque, 25 d’Influencia, 4 de Vida, 2 de Escudu, 4 secretes)

¿De qué va?

En Harry Potter Hogwarts Battle vamos revivir les vides d’unos de los magos mas famosos de los ultimpos tiempos, les afamaes creaciones de la escritoria J.K Rowling. Harry, Ron, Hermione o Neville, curiosamente tos Gryffindor, son los magos que vamos poder manexar. N’esti xuegu, nel que vamos dir faciendo una pequeña campañuca por tos los años de la escuela de Hogwarts (aunque pues facelo de forma individual, el mio conseyu ye que lo faiga-ys por orden). En ca un de los 7 años vamos revivir y lluchar contra los enemigos de los llibros intentando acabar con ellos y asina ganar l’escenariu. Pa to esto vamos basanos en un mazucu cartes que vamos dir construyendo (Deckbuilding na fala de Shakespeare). Pa ello vamos dir mercando mas cartes d’un conxuntu a escoyer y faciendo dañu a los enemigos que nos van saliendo.

¿Como se xuega?

Xugar a Harry Potter Hogwarts Battle ye bien cenciello. Como se dixo un poco mas enriba, to se base en dir construyendo el to mazu de cartes partiendo de un básicu. Esti mazu basicu ye el diferente en funcion del magu que escueyas, faciendo que seya tamien diferente la manera de xugar ca personaxe.

En ca turnu del xugador va facese lo siguiente:

-Revelar tantes cartes de eventu (Cartes de Artes Osucures) como indique el llugar onde temos xugando.

-Activar les habilidaes de los villanos, si fuese necesario.

-Usar les cartes de la mano del xugador, vien pa mercar cartes nel mercau (aliaos, hechizos, obxetos…) con les monedes que se xeneren, vien pa lanzar hechizos a los enemigos e intentar vencelos.

-Si mercaste alguna carta va al descarte de ca un y robense 5 cartes nueves. Si se te acaba el mazu, embaraxes el descarte y robes les que te falten (ehi ta el deckbuilding).

Y na más, hay que facer esto nel turnu de ca xugador hasta que los villanos nos ganen, o consigamos eliminalos a tos.

Opinion personal:

Tamos ante un xuegu que ye perfeuto xugar con daquien y preste la temática de Harry Potter, ye de normes cencielles y ye un buen pasu de entrada pa xuegos de construcción de mazos un poco más enrevesaos. Pa xugadores que tan un poco más acostumbraos a esti tipo de xuegos, pue ser que les primeres misiones resulten-yos un pelin aburries, ya que el xuegu va introduciendote poco a poco na mecánica de la construcción. Pero a midia que va allargandose la campaña va coxiendo más dificultad. Pue pecar de repetitivu n’algunos momentos, ya que en ca añu que xuegues, vas coyer tos los villanos de años anteriores, entos vas tener quel lluchar contra el Profesor Quirrel tolos años del xuegu, pero como tien un componente aleatoriu nel que en función de los enemigos que te salgan puen formase sinerxies y combos entre ellos que te puen dexar bastante tiesu.

Pa resumir, a mi parezme un xuegu entreteniu, perfeutu pa fans de la saga y una bona manera de metese n’esto del deckbuilding. Pues xugalu con to tipo de publicos, neños y mayores, que si yos gusta el tema va prestayos. Quiziabes pa xugadores más avezaos paezca-yos simplón, pero si yos presta el mundiu de Hogwarts, tienen entretenimientu de xuru.

Va prestate si:

-Yes fan de la saga.

-Prestate esto del deckbuilding.

-Quies un xuegu de campaña fácil y temáticu.

Nun te va prestar muncho si:

-Nun te da más la saga

-Quies topar algo con más enxundia, sin pasar por esa fase de deprender.

Si te presto lo que lleieste, y pa ayudame a mantener el blog, pues…