i te presta ver El Mandaloriano, recorrer la galaxia nel Halcón Milenariu o convertite nel rufian más temiu de to la galaxia… Sigue lleendo l’opinión Star Wars El Borde Exterior n’asturianu

Ficha:

• Xugadores: 1 – 4
• Duración: 120 – 180 minutos.
• Edad: 14+
• Editau por: Fantasy Flight Games
• Autor: Corey Konieczka
• Ficha na BGG

Conteniu:

• 12 fueyes de nave
• 4 Tableros de xugador
• 4 Marcadores de fama de plásticu
• 16 Fiches de reputación
• 22 Fiches de contauto
• 16 Fiches de patrulla
• 8 Personaxes de cartón coles peanes
• 40 Fiches de daños
• 60 Fiches de créditu
• 70 Cartes d’encuentru
• 70 Cartes de mercau
• 53 Cartes del Bancu de Datos
• 8 Cartes de personaxe
• 4 Cartes de Referencia
• 10 Cartes de IA
• 12 Fiches de obxetivos
• 6 Fiches de Mapa
• 2 Finales de Mapa
• 6 Dados
• 1 Aprende a xugar
• 1 Referencia de regles

¿De qué va?

Foraxidos, cazarecompenses, mercenarios, contrabandistes… N’esti xuegu vas poder dar vida a la peor escoria de la galaxia. Han Solo, Boba Fett, Lando Calrissian, Jyn Erso… Hasta 8 personaxes podemos escueyer pa recorrer el borde exterior de la galaxia. Pero los encargos que nos manden facer, nun van ser tan cenciellos de facer. Los otros personaxes puen ponenos la zancadiella, pero nun solo ellos… La Resistencia, L’Imperiu Galácticu, Los Hutt o los sindicatos del crimen puen ser aliaos o enemigos en función de como te lleves con ellos. Fae encargos, caza preses, negocia… lo que faiga falta pa convertite nel más famosu rufían de la galaxia.

Como se xuega a Star Wars El Borde Exterior

Como pudiste lleer na ficha el xuegu ye un pelin llargu, dempués de to… La fama nun se gana n’un día. Perp nun te esmolezas, xugar ye facil, vamos entamar pol principiu

Preparar la partía

Lo primero de to ye montar el tableru. Na primera partía ponente como ponelu, pero llueu pues ponelu como te apetezca. Tamien ties que poner les fiches de contauto, planetas y demás, ta to perbien explicao nel manual, nun tien perdida. Llueu toca elexir que personaxe vas escoyer y con que nave vas recorrer la galaxia (tienes dos opciones, pa tos les mismes). Además, en cuanto tengas el personaxe, especificarate que garres una carta del bancu de datos. Esta carta nun la tienes porque enseñar a naide, y va decite, entre otres coses, en que planeta apaeces, cuales son los tus oxetivos… (si los cumples ganes fama). Como dixe, ca personaxe tendrá un llugar de empecipiar diferente, asi como oxetivos diferentes.

Entamamos a xugar

Dempués de tener to preparao, podemos entamar a xugar. To se desarrolla en 3 fases, que ca xugador va dir faciendo una a una hasta que dálgún xugador llegue a la fama requeria pa ganar (depende si quies xugar mas o menos tiempu la fama ser más o menos).

Les fases son estes:

1.- Planificación: N’esta fase vamos mover hasta un máximu de lo que nos diga la nuesa nave, recuperar tol dañu que nos ficieron, o bien recibir 2000 creditos.

2.-Acción: N’esta fase podemos mercar mexores, trabayos… Negociar por cartes de otru personaxe, o realizar alguna entrega dálgún trabayu que tengamos nel planeta.

3.-Encuentru: Resolver un encuentru, unu solu, bien seya n’el planeta onde tas o porque diste con una patrulla.

N’algún puntu del xuegu van mandanos facer pruebes, lluchar contra otros personaxes o patrulles, pa eso tenemos que tener especial antención a les nueses habilidaes y la de los tripulantes que vayamos contratando… ¡Va se-nos mas fácil pasar la tirá de los dados!

Tamien, de vez en cuando, van mandanos ver cartes del “Bancu de datos”, ese cartes vamos lleeles y devolveles al mazu, na misma posición (tan numeraes) que la topamos. Salvo que nos diga lo contrario.

Con to esto, teneis pa facevos una idea de como se xuega.

Opinión personal de Star Wars El Borde Exterior n’Asturianu:

Nun vos voy negar que me presta más Star Wars que Star Trek, y que, tras el Señor de los Aniellos, ye la mi saga prefería. Nun vamos a entrar equí si lo nuevo ye meyor y peor… Eso daría pa otru blog 😛 A lo que vamos, mal se tien que dar pa que un xuegu de esti tipo nun me preste. Vamos cola opinión de Star Wars el Borde Exterior n’asturianu.

Vamos metenos na pelleya la peor escoría de la galaxia, entonces… si tabes buscando jedis per equi… voy adelantandote que nun los vas topar.

El xuegu, basicamente, basase en dir de planeta en planeta cumpliendo misiones u obexitovos que nos faigan tener más perres pa mercar o, que ye el oxetivu final, ganar reputación pa convertinos nel rufián mas famosu. Tamien tenemos la diferencia de que cada personaxe tien diferentes metes, unu pue querer una nave, mientres que otru pue ser que busque capturar munches preses… Esto, a mi modu de ver da un componente de variabilidad al xuegu. Nun ye munchu, pero al menos cambia el modu de xugar.

Lo que si me presta, y me paez que lo ficieron perbien, ye que crease esi ambiente de ser un un rufián del borde exterior, rememorando esos momentos de les pelicules (les más vieyes sobre todo) y de les nueves series que tan emitiendo agora (El Mandaloriano y el Libru de Boba Fett). Pa mi esto ye un gran puntu a favor, danme lo que toy buscando. Meteme de lleno nel universu creau por George Lucas.

To nun ye bueno, como todo tien aspeutos que yo mexoraría o que a mi nun me acaben de entrar pol güeyu. Unu ye que el xuegu ye carne de expansiones. Si vamos a da-y munches partíes, va llegar el momentu nel que repitamos alguna de les cartes de mercau. Nel xuegu básicu nun vienen munches y ta claramente, al menos en mi opinión, pensau pa que vengan expansiones tres d’el. Otra señal ye que por exemplu, nun tenemos pa escueyer al Mandalarianu de la serie… Pues bien, tardaron un poco, pero ya ta anuncia una nueva expansión pa esti añu 2022, nel que presumiblemente se corrixan estes coses que comento enrriba.

Pa daquién pue ser que el xuegu peque de algo llargu, Star Wars El Borde Exterior pue durar de dos hores palantre. Pa mi por exemplu nun ye un problema, nun se me fae llarga la experiencia, pero pue ser que dálguna persona lo ve asina. Dicir, que el xuegu tamien te dexa un modu más curtiu (con menos puntos de renombre o fama)

Otru aspeuto negativu pudiera ser el despliegue, pue facese algo llargu si no tienes to bien guardao.

Resumen Final

Si llegasti hasta equí, agradecete que hayas lleio tol tostón, sino nun pasa na, voy dejavos equí les conclusiones.

Star Wars el Borde Exterior va prestate si:

• -Si ves The Mandalorian, El Llibru de Boba Fett, les andances de Han Solo y te presta abondu… va prestate el xuegu.
• -Les regles son cencielles y tan enfocaes a recrear eses experiencies.

Star Wars el Borde Exterior nun te va prestar muncho si…

• -Nun te da mas la saga creada por George Lucas.
• -Busques un xuegu pa da-y munches, munches parties sin tener que repetir cartes.
• -Nun te presten los xuegos llargos

Si me pedis la mio opinión, tengo claro que pa mi la experiencia de xuegu compensen de llargo to eses pequeñes pegues que-y pueda ver. Al final xugamos por eses experiencies, o yo veolo asina, y que me transporte a esi mundiu durante un par de hores de una manera perguapa ye suficiente razon pa echa-y partíes.

Si te presto lo que lleiste, y quies ayudame a mantener el blog, pues…