Si vivis n’Asturies y tais nun momentu nel que por un o por otru los tos amigos nun puen quedar pa xugar, y los xuegos en solitraio nun son lo tuyo… Equí vos dexo una llista d’asociaciones de xuegos de mesa y rol n’Asturies por dalguna te llama l’atención y poder xugar eses partíes que tantu eches en falta.
Asociación Semper Ludens (Xixón)
D’esta asociación pueo falavos un poco más profundo porque, nun munchu tiempu (coses de la rial life), fui sociu. En Semper Ludens tien cabida to tipu de xugadores, con sección de rol, xuegos de mesa, wargames, blood bowl… Tienen llocal propiu y una bona selección de xuegos de mesa pa poder xugar (amás de los que traigan los socios) Raro ye’l día que nun s’organice partida de daqué. Por comentar alguna cosina más, collaboró cola Metroludik de Comic Con n’esta edición.
Asociación En Clave de Juego (Uvieu)
Vamos agora pa Uvieu, a l’Asociación En clave de Juego. Pudieremos dicir que s’asemya a l’anterior, pero n’Uvieu. Disponen d’actividaes de xuegos de mesa, xuegos de rol, wargames, warhammer y demás xuegos de miniatures. Hasta onde yo sé, tamién tien llocal propiu cola so propia lludoteca, amás de los xuegos de los propios socios. Esta asociación participó activamente na sección de rol del Festival Celsius que se celebró la selmana pasá.
Asociación de Rol Ucronia (Xixón)
Vamos agora a una asociación esclusivamente de xuegos de rol, ye l’Asociacion de rol Ucronía, que ye una asociación con llocal propiu polo que polo que veo peles redes tan moviendose munchu y bono, promocionando partíes y xornaes. De fechu, participaron dirixendo partíes na Metropoli y constame que tamién nel Celsius.
Asociación Aventureros de Mundos (Xixón)
Vamos con otra asociación “multidisciplinar”. Xuegos de mesa, xuegos de rol, xuegos de cartes… Tenéis un poco de to. Amás, al menos fai un tiempu (correxime si m’equivoco) tien una sección de xuegos pa xugar colos más peques ideal pa compartir partíes con ellos o qu’entamen nos primeros pasos del Hobby. Constame que tan detrás de l’organización de torneos de xuegos de cartes, por exemplu de Vampiro: The Eternal Strugle (VTES)
Asociación de Wargames y Jugos de mesa Los Canteros (Xixón)
Al paecer tienen sección de xuegos de mesa, pero diría que’l so ámbitu de xuegu ye mayoritariamente pa wargames. De to tipu. Mordheim y demás xuegos de escaramuzas, Warhammer 40000, Warhammer Age of Sigmar… Y casi cualquier xuegu de miniatures que vos imaxineis, ellí lu tenéis. Tamién collaboro nel festival Metropoli na sección de Wargames.
Club de Rol La Forja (Mieres) Actualizamos
Añadimos, tamién, al Club de Rol La Forja, con más de 30 años a les espaldes, sigui cola actividá. Presente en multitú d’eventos, dispón de sección de xuegos de mesa, xuegos de rol, wargames e incluíu talleres de soft combat.
Pegasus Oviedo Actualizamos
Una nueva asociación qu’añadir a la llista. Falamos de Pegasus Oviedo. Enantes como tienda (agora nun sé si sigui funcionando como tal) tratase d’una asociación d’ociu alternativu centrá especialmente en nos xuegos de mesa y de rol
Finando les asociaciones de xuegos de mesa y rol d’Asturies
Pos vamos pesllando por güei, creo que vos dexo un bon númberu d’asociaciones qu’abarquen munchos campos del Hobby. Estes son les que yo coñuezo, nun quier dicir que seyan les úniques. Si sabéis dalguna otra, o si tenéis una, coméntaime y voi añadiendo. Quiciabes ye interesante facer una pestaña nel menú de la web pa consulta direuta…. Ya me contáis! Gracies por lleer!