El fin de selmana del 2 al 4 de Setiembre celébrase la CometCon nel Recintu Feria Luis Adaro de Xixón, vamos ver un poco los eventos y horarios de la CometCon’22 (n’asturianu) rellacionaos colos xuegos de mesa y los xuegos de rol.
¿Que ye la CometCon?
La CometCon ye un eventu d’ociu alternativu qu’abarca munchos ámbitos. Dende cosplay hasta Gaming, dibuxantes y conferencies de divulgadores e influencers. Normalmente faciase n’Uvieu, pero dende’l añu pasáu celebrase nel Recintu Ferial Luis Adaro de Xixón.
Como dixi l’eventu ye mui grande, dende esti blogue vamos intentar resumir un poco les actividaes y los horarios de la CometCon’22 rellacionaos colos xuegos de mesa y rol, pa teneles toes a mano y nun vos perdáis nenguna.
Amás reseñar qu’esti añu los cartelos tan n’asturianu lo que ye un avance y hai empreses y ponencies que trabayen n’asturianu.
Horarios CometCon’22 – Vienres 2
Dende l’aniciu del eventu hasta’l pieslle tenemos una zona d’iniciación onde pues deprender a xugar a Pokemon TCG. Podéis atopala na Zona BoardGames del Pabellón FestiMarket
Tamién tenemos delles charles a les que podemos asistir. Una va dirixía sobre to a personal docente, Gamificación Lliteraria d’Asturies a les 14h nel escenariu principal del Pabellón central. La otra ye a les 16h nel mesmu sitiu, pero nesti casu’l ponente ye Damkalloh y trata de ¿Son tan diferentes los xuegos de mesa y los videoxuegos?
Tamién el vienres tenemos el podcast en direutu d’ El bono, el feu y l’alien a les 20h. Un podcast n’asturianu que fala d’ociu alternativu y de to un pocu que podemos escuchar in situ. Tamién sedrá nel escenariu principal del pabellón Central.
Horarios CometCon’22 – Sabadu 3
Ya nel sabadu tenemos un torneu de Star Wars Legion durante tol día. Un wargame de miniatures nel que l’imperiu y l’alianza rebelde van lluchar entre sí. De xuru ye interesante pasase anque solo seya pa veles miniatures puestes na mesa. Celebrase na Zona BoardGames del pabellón FestiMarket y si vos queréis apuntar pasavos pol instagram de Ravnica Games. Esti eventu ta organizau por ellos mesmos, Club Los Canteros, Club de Rol La Forja e Iniciativa G.O.A.T
Sin salise de les miniatures, tenemos de 17 a 19 una demostración del xuegu Batman Miniature Game na Zona FestiMarket del mesmu pabellón
Horarios CometCon’22 – Domingu 4
Ya pal domungu, el día del cierre, tenemos partides la xuegu de rol Punkapocaliptic, sedrán a partir de las 13 nel Pabellón Gaming na zona Talleres 1
Amás, tamién tenemos un tornéu de Pokemon TCG, na zona de BoardGames del Pabellón de FestiMarket durante tol día.
Y ya pa finar, a les 19h tenemos demostraciones del xuegu Hail Cesar na Zona BoardGames de FestiMarket
Actividaes durante tol festival
Y si quereis mercar daqué, teneis tola zona comercial nel pabellón central y más concretamente tenéis les tiendes d’Hangar Rebelde e Identidad Secreta que de xuru tienen algo del hobby.
Finando
Y na más por güei. ¿Tenéis pensao dir? ¿Llamavos dalguna cosa l’atención? Dexaimelo en comentarios!
A parte de toles actividaes programaes, vamos tener un zona de xuegu permanente na planta superior de la zona gaming, con demostraciones de xuegos de mesa de la mano de La Orden del Cisne, torneos y demostraciones de Wargames de la mano de Ravnica Games y de xuegos de rol de la mano de L’Asociación La Forja y Club los Canteros na zona de FestiMarket