El cuco Kiko tien que facer un ñeru nuevu ¿Vas echa-y un gabitu a facelu? Güei enseñovos El Cuco kiko estrena nido (n’asturianu), un xuegu d’habilidá de l’editorial Haba Games, pero que ceo va reeditar,creo, Devir.

Ficha:

• Xugadores: 2-5
• Duración: 10-15 min
• Edá: 4+
• Editáu por: Haba Games (Devir?)
• Autor: Josep M. Allué, Víktor Bautista i Roca
• Ficha na BGG

Conteníu:

• 1 ñeru (caxa metálica)
• 1 cuco Kiko
• 70 palos de madera
• 20 güevos de cuco

¿De qué va El Cuco Kiko estrena nido?

El cuco Kiko tien pensao poner munchos güevos esti añu. Pero nun atopa ñeru vaciu, asina que tien que facer un pa dexar los sos güevos. Lo más rápido posible y sin tirar nengún vamos tener qu’ayudalu na tarea, pero ten curiáu que nun tien muncha paciencia.

El cuco Kiko estrena nido es un xuegu d’habilidá, pensáu nun primer momentu pa la reciella, pero que puen esfrutalu xente de toles edaes. ¿Tendrás el pulsu necesariu pa facer el ñeru?

¿Cómo se xuega a El Cuco Kiko estrena nido?

Preparación

Preparar la partía ye un visto y no visto. Pon el ñeru, la caxa metálica en medio. Llueu pon los palos dientro y repartilos bien. Ties que repartir los güevos ente tolos xugadores y colocar el cuco Kiko al llau del ñeru.

Y llisto, ya podemos entamar a xugar.

Como se xuega.

Como podéis imaxinar, xugar ye perfacil. Por turnos vamos dir faciendo les siguients aiciones:

1.-Cueye palos: Vamos dir sacando palos del ñeru hasta que saquemos un palu colos dos estremos del mesmu color. Cola salvedá de que tenemos tres intentos y qu’hai qu’escoyer un palu del mesmu color qu’el estremu que saquemos na vegada anterior (menos la primera caro)

2.-Coloca los palos nel ñeru:Saques o non un palu colos dos estremos iguales, ties que colocar los que sacaste nel ñeru, en sin que caigan. Si tires dalgún de los ya colocaos, pues ties que volver a ponelu. Si tires un palu, el to turnu fina automáticamente.

3.-Coloca un güevu: Si sacaste un palu colos estremos iguales, pues colocar un güevu nel ñeru. Equí ta la gracia, ties que colocalu y que durante el to turnu nun caiga. Amás, si dalgún güevu cae nel fondo la caxa metálica, coxes un güevu del xugador que mas tenga en sin poner. Si cai fuera, coxes al menos un de los que cayeron y ponselu na tu reserva.

4.- Si nun ties más güevos y te toca poner güevu, pones al Cuco Kiko. Si consigues ponelu y nun caí… Ganasti!

Como apunte, dicir que nun s’acaba el to turnu hasta qu’el siguiente xugador toque un palu. Y que si, por facer la gracia o tropiezndo, mueves la mesa y cai un güevu/palu, apliquense les mesmes regles que si fuere el to turnu.

Opinión Personal

Vamos cola opinión d’es esti el cuco Kiko estrena nido. Voi confesavos qu’esti xuegu cuando salió, pal 2015 o asina, nun miraba pa él. Veíalu un xuegu guapu pa la xente moza, que realmente ye pa quien ta destináu creo, pero que pa mercalu yo nun m’entraba pol güeyu. Foi a raiz d’un video de Chema Pamundi que volvi a cayer n’él. Ehí comentaba que veíalu un xuegu mui prestosu pa los mayores, neses situaciones de tar tomando algo, una cerveza o un cacharru (copa) y mexate de risa con él. Dempués d’esto prebelu n’una Metropoli y merquelu. Si nun lu xugaba munchu pa xugar colos mis sobrinos.

Bono, ye’l día de güei que munchos collacios que nun tan de xugar vienen a casa y lu conocen, ye pol primer xuegu que m’entruguen si xugamos. Ratifico les pallabres de Chema que ye perfeutu pa esi tipu de situaciones. Por mentavos una, yo estrenelu en casa nesta pasá Nueche vieya. El casu ye qu’entamamos a eso de la 1 o les 2 y tuvimos encadenando partíes una tres d’otra y pasamoslo como enanos.

El xuegu

Ya tirando un poco al análisis en si del xuegu, si lleistéis el como se xuega, ye mui cenciellu. Un xuegu fechu pa rapazos de más de 4 años nun pue tener muncha complexidá, pero si supon un estimulo a l’habilidá o destreza y ye entreteníu pa ellos. To ello envuelto n’una producción per guapa y orixinal, siendo la caxa parte del xuegu. Aprovechase to. Coxo palos hasta tener un colos estremos iguales intentando que seya lo más pronto posible pa nun tener que collocar munchos palos (salvo qu’entames tu). Pero ye un d’eses rares avis qu’un xuegu pue trunfar más nel públicu nel qu’orixinalmente nun tava orientáu.

El xuegu ta bien fechu, una mecánica orixinal, ye guapu… Pero bono quiciabes pa xente que ta de xugar nun lu vea dientro del so oxetivu, como me paso a mi. Pero una vegada lu xuegues, tien esi componente de piquilla, tensión cuando pones l’güevu, distrayer al contrariu pa que tire un güevu… Nun se, ye daqué que nun se pue desplicar en sin xugalu. Eso sí, a mas xugadores, más tensión y más presta. Porque tas xugando nel tu turnu y nel de los otros metiendo presión pa que tiren algo del ñeru 😛

Resumen final

El cuco Kiko estrena nido ye un xuegu d’habilidá que si orixinalmente taba pensáu pa la reciella. Los nun tan rapazos podemos esfrutalu como enanos. Y ya si lo amestes con unes copines, botelles de sidra o cervecines , con moderación eh, ties un bon ratu de xuegos colos collacios. Un xuegu mui social, que xuegues mientras ye’l to turnu y nel de los otros metiendo presión. Si me permitis na recomendación pa estes feches que s’averen. Pa unos xuegos en nueche vieya si la pases n’alguna casa, reunión entre collacios o familiares y demás… Nun te va a defraudar. Y si lo fai… Riñime nos comentarios 😛

El cuco Kiko estrena nido te va prestar si…

• Busques un xuegu infantil d’habilidá
• Busques un xuegu entre collacios pa mientras tomáis daqué
• Un xuegu pa reise, pretensión que cubre absolutamente.

El cuco Kiko estrena nido nun te va prestar si…

• No vas a xugar con neños
• No sueles xugar n’eses ocasiones que tomas daqué
• No te intenresen los xuegos d’habilidá

Y vosotros…¿Prebasteislu? ¿Pasavos como a mi? Dexaimelo en comentarios. Gracies por lleer!