La Tierra Media y el Legendarium de Tolkien dieron bayura de xuegos, de miniatures, de tableru, de cartes… Voi intentar cuntavos porque El Señor de los Anillos LCG (asturianu) ye’l meyor xuegu que se fizo, de forma totalmente suxetiva claro 😀

Asturianu

Ficha:

• Xugadores: 1-4
• Duración: 1-2 horas
• Edá: 14+
• Editau por: Fantasy Flight Games
• Autor: Nate French
• Ficha na BGG

Conteníu:

• Cuadernu Deprende a xugar
• Guía de referencia de regles
• 188 cartes de xugador , 12 cartes d’Héroe
• 84 cartes d’Alcuentru
• 10 cartes de Misión
• 3 cartes de Campaña
• 16 cartes de ayuda/carga
• 57 fiches de Recursos
• 66 fiches de Daño
• 66 fiches de Progreso
• 4 marcadores d’amenaza
• 1 ficha de xugador inicial

De que va El Señor de los Anillos LCG

La Tierra Media ta llena de peligros, dende’l agora peligrosa Viesca Prietu hasta’l camín de les ciudaes de los humanos. Nos vamos tomar el papel d’esos héroes del Legendarium de Tolkien, dalgún inventáu tamién, y llibrar a la Tierra Media de la solombra que la asoleya. Pa ello’l xuegu propon-nos escenarios que podemos dir superando, individualmente o en campaña.

El Señor de los Anillos LCG ye un xuegu de cartes coolaborativu, temático y narrativu nel que los xugadores van tener que col gabitu de los héroes qu’escueyan, superar los peligros de los escenarios y llugares de la Tierra Media. Sin ser tan narrativu como Arkham Horror, si que tien daqué que lu fai dalgo narrativu. Vamos cola opinión d’esti El Señor de los Anillos LCG

¿Qué ye un LCG?

Como ficimios en Marvel Champions y n’Arkham Horror LCG, vamos facer un repasu de que ye un LCG. LCG son les sigles de Living Card Game, son xuegos que van tener munches espansiones pero a diferencia de los xuegos de cartes coleicionabes, siempre sabes lo que merques. A diferencia, por exemplu, de Magic que cuando merques un sobre, nun sabes les cartes que te vienen, equí cuando merques una espansión, a tos nos van venir les mesmes cartes. Nos packs antigüos, los packs d’espansión solien venir ca 2-3 meses los pequeños y ya ca 6 o más los grandes. Na nueva versión, vamos tener dos productos: una caxa de xugador, coles cartes del xugador, y una de campaña, que salen ambes ca, más o menos, 6 meses ca ciclu (ambos packs)

¿Que me paez El Señor de los Anillos LCG?

Como nel casu del Arkham Horror LCG, nun voi a entrar nel como se xuega a esti xuegu. Nun ye complicao pero si que quiciabes un poco llargo d’esplicar, al menos de pallabra. Tenéis abondu de videos esplicándolo. Eso si, si queréis tener un n’asturianu… Poneimelo en comentarios, qu’igual m’animo 😉 Si non tenéis tamién el blogue de Susurros del Bosque Viejo que ta dedicáu n’esclusiva al xuegu. El segundo apunte que vos quiero facer ye que’l xuegu tien 10 años, yo tengo la edición antigüa. Nestos momentos esiste una versión revisada, que báscamente ye’l conteníu de tres de les ediciones antigues. Ye’el mesmu conteníu, solo que col pool completu de cartes.

Producción

La producción de los xuegos de Fantasy Flight Games suelen ser bona o mui bona. Con troqueles gordos, contadores, bien fechos… Amás, col cambiu de formatu del productu metiose’l pool completu de cartes na mesma caxa. Enantes, na mi edición, si queries tener toles cartes “rares” de la caxa básica, teníes que mercar tres caxes. Teníes más contadores y to eso, pero tamién teníes munches cartes repetíes. Y como vien siendo habitual nesti formatu, vien con una cuna de plástico pa poder meter les cartes, antes les cartes veníen elli sueltes y apañate tu pa guardales curioses. Como nel casu del Arkham Horror, en xeneral foi un cambiu a meyor. Si que ye un poco más caro qu’una caxa antigua, pero vien con toles cartes y to to preparao pa entamar l’aventura pola Tierra Media.

Nesta caxa venía, que no na edición anterior, una pequeña ampliación pal modu campaña. El xuegu orixina no la tien, pero sacaron estes cartes pa poder facer esi modu. A los que ya teníamos el xuegu d’antes lliberaron les cartes en PDF pa que les imprimiesemos nos.

El xuegu

Vamos cola opinión del xuegu, ye’l primer collaborativu que salió de los tres qu’hai actualmente pa mercar y del que tos garren coses. La semilla de tos. Pudieramos dicir, que ta na metá entre Marvel Champions y Arkham Horror. Al menos na narratividá. Como vos conté, d’aniciu nun tenía modu campaña, asina que podíes xugar cualquiera de los escenarios de la caxa base independientemente, faciendo un maza pa ca una si quisieras. Agora, con esi pequeñu suplementu ties la posibilidá d’hilar la hestoria. Nun vos esperar dalgo como n’Arkham Horror, ye una narrativa sutil pero ta ehí. Si que vos va contando una hestoria, pero casi tolo que cuenta ta nes cartes.

Sin embargu esto nun quita que seya mui temáticu. Ca vega que lu xuegu, y creeime cuando vos digo que ca poco torno a él, sientes que tas nel mundu qu’el profesor Tolkien escribió nos llibros. Esa sensación d’angustia, cola mecánica de los viaxes, tan importantes nes noveles, la incertidumbre de lo que te va pasar… Plasmame nel xuegu, con cartes, lo que siento nes noveles. Amás, anque nun seya munchu lo que cuenta, presta ver esa evolución na hestoria y como los héroes van sortiando los caminos. Podríes xugar los escenarios sueltos, pero siempre presta más dir faciendo la campaña entera. Tamién dicir que como conteníu nuevu, sacaron l’espansión Penumbras en el Bosque Negro, que continua a la de la caxa base.

Llueu, como nel restu de los LCGs, ta la cosa de facer los mazos de xugador. Pa mi ye una parte importante del xuegu, ver qu’héroes escoyer, les esferes d’influencia (pa ver que cartes pues xugar), facer mazos temáticos (con más ampliaciones). Y digo que ye importante porque a mi resultame prestoso coyer un mazu que construyí, e intentar pasar l’escenariu Evasión de Dol Guldur (que sedrá de la caxa básica pero que debe de ser de los más complicaos del xuegu) ver como fai lo que quier contigo, y dir a facer otru mazu o cambialu pa poder pasala…

Como supongo m’entrugareis, no me cansa facer esto. Esa desesperación que te da xugando esti tipu d’escenarios pa mi ye super temática. Faeme ver lo que sentiríen los protagonistas de les noveles neses situaciones. Podéis llamame masoquista haha. Como nel casu del restu de LCGs, tamien tenemos RingsDB como ferramienta pa construyir los mazos.

Ye un LCG

Esto paez una tontería, pero hai que dexalo claro. Pue ser un xuegu mui caru si termines mercándolo to. Si vas mercar toles campañes que ya salieron, y les que tan saliendo agora, quiciabes teníes que falar con Fantasy Flight y que t’embarguen la nómina pa pagar :D. O pues facer como yo, que ye dir mercándo dacuando lo que me vaya prestando pue ser un gastu conteníu y que te d’hores de xuegu a baruyu. Si que me paez, tamién, qu’el marcar dalguna de les campañes ye necesario nesti casu. Ties la posibilidá de mercar campañes que van reeditando. Actualmente teneéis la d’Angmar Despertado, pero tamién tan reeditando les espansiones de saga que son escenarios siguiendo los llibros. Pa mercar tenéis ya la primera, la comunidad del anillo. Espero qu’en xineru poder tenela yo tamién.

Resumen Final

El resumen, sintetizáu, sedría que pa mi ye’el meyor xuegu que xugué en mi vida. Quiciabes si lleeis tolo d’enriba direisme que ye un xuegu del montón, pue ser que nun lo desplicará bono. Pero tolo qu’esti xuegu me fai sentir cuando lu xuego faime dicir, en sin dulda, que ye’el mi xuegu preferíu. Vais tener que perdoname si nun fui tolo concisu coles opiniones, pero falaba más el corazonzucu del qu’escribe que la razón 😀 N’obstante, la so temática, como te lleva polos paraxes de la Tierra Media, te fai sentir esa angustia que los héroes sienten nos llibros da cuando secunden, pa mi, lo que vos acabo de dicir. Si que ye verdá que podía ser más narrativu, en campañes posteriores va siendolo más. Pero prestando munchu los otros dos, más Arkham, esti pa mi ye’el meyor de tos y el que ca poco me presta revisitar.

Contrapartida, como tolos LCGs, de xuru vas mercar daqué pa siguir xugando. Ya seya mazos preconstruidos o campañes. Pero si te gusta’l xuegu, vas esfrutales como un enanu, nunca meyor dicho 😉

El Señor de los Anillos LCG va prestate si:

• Prestate la Tierra Media y Tolkien
• Quies lluchar, mediante facer el mazu, escontra los retos que te ponen
• Busques un xuegu collaborativu
• Quies un xuegu con un mui bon solitariu
• No tienes problema por tener munches espansiones o si vas a tiru fixu a la campaña que quies
• Y no lu xuegu asina, pero si que pues xugar de forma más casual

El Señor de los Anillos LCG nun te va prestar si:

• Yes completista pero nun te quies dexar el sueldu.
• Los LCGs no son santu de tu devoción.
• Busques la narratividad nivel Arkham Horror
• Tolkien pa quien los quiera 😀
• Ser sinceros, nun hai razón pa que nun te guste 😛

Y ponemos fin a esta opinión ¿Pasate lo mesmo qu’a mi? ¿Xugastelu? ¿Qué te paeció? Dexamelo en comentarios, o cualquier entruga que tengas.Gracies por lleer!