Defiendi Vigil del Avatar del Dios caidu, Samael. Xunta’l to exercitu pa pode-y face-y frente a l’horda de demonios de Samael. ¿Sedrás el primeru en salvar Vigil? Vamos con la opinión d’Ascension 10 Aniversario (n’asturianu) un deckbuilding que nos trae TCG Factory.

Ficha:

• Xugadores: 1 – 4
• Duración: 30 minutos.
• Edad: 13+
• Editau por: TCG Factory
• Autor: John Fiorillo, Justin Gary y Brian M. Kibler
• Ficha na BGG

Conteniu:

• 181 Cartes
• 50 Contadores d’honor
• 1 Tableru exclusivu
• 1 Reglamentu

¿De qué va Ascension 10 Aniversario?

En Ascension 10 Aniversario vamos ser unos guerreros de Vigil que tienen que lluchar escontra l’amenaza de Samael, l’Avatar del Dios caíu. Pa ello vamos tener que reclutar el nuesu exercitu pa poder vencelu. Tenemos que facer esto antes de que lo faiga los nuesos adversarios, y dalguna vez, con les zancadielles que nos pueda dir poniendo.

Como se xuega a Ascension 10 Aniversario

Preparar la partía

Preparar la partía ye perfácil. Lo primero que tenemos que facer ye poner el tableru en medio de los xugadores y coyer tantos puntos d’honor como nos indiquen nel reglamentu (en función del númeru de xugadores) y ponelos nel sitiu indicau.

Dempués toca facer el mazu inicial de ca ún, ya vos sonará d’otros xuegos del mesmu estilu. Concretamente hay que coyer 8 cartes d’iniciaos y 2 cartes de milicia ca un (topaisles per fácil, ya que tienen el borde blancu)

Una vez tenemos los mazos, separamos les cartes comunes (borde plateau). Hayles de 3 tipos, místicos, infantería pesá y sectariu (que solo hay una). Ponemos les nos recuadros disponibles pa elles.

El restu de cartes, embaraxamosles y ponemosles nel sitiu correspondiente, y descubrimos les seis primeres cartes que les pondremos na llínea central, que va ser el mercau.

Pa finar, ca xugador roba 5 cartes del su mazu. Y llisto, ya podemos entamar a xugar.

Entamamos a xugar

Xugar a Ascension 10 Aniversario ye muy cenciello, más si ya xugasteis a otros xuegos del tipu de deckbuilding. No obstante, vamos resumir un poco como se xuega.

Ca xugador, nel su turnu, pue facer toes estes acciones sin importar l’orden y pudiendo repetir les veces que quiera:

• Xugar una carta de la mano pa obtener recursos (runes, poder o honor)
• Xugar un artefautu de la mano
• Matar un monstruo de la llínea central
• Mercar un héroe o artefactu de la llínea central y mandalu pal descarte

¿Cómo facemos to eso? Imaxino que ya lo sabréis. Coles cartes de la mano. Estes cartes puen ser de dos tipos. Artefautos o héroes. Los artefautos van ¿Cómo facemos to eso? Imaxino que ya lo sabréis. Coles cartes de la mano. Estes cartes puen ser de dos tipos. Artefautos o héroes. Los artefautos van quedar na mesa pudiendo usar les sos habilidaes tolos turnos. Los héroes daran-nos unos recursos que usaremos y llueu mandaremos al descarte. Con esto diremos recaudando runes y poder (puntos d’honor tamien, pero nun nos van servir pa mercar) colos que podremos interautuar con la fila central

Como vimos n’antes podemos facer dos coses na llínea central: mercar daqué o eliminar un monstruo. Pa lo primero necesitaremos les runes pa lo segundo los puntos de poder. Podremos mercar lo que podamos pagar coles runes y lluchar contra lo que tengamos el suficiente poder.

Si lluchamos y ganamos, enviamos al monstruo al vacíu (descartes del mazu central) y cobramos la recompensa. Si mercamos algo… llevaremoslu al nuesu descarte, salvo que la carta diga otra cosa. Una vez faigamos unu u otro, repondremos del mazu pa tener siempre seis cartes na llínea central.

Como apunte, decir que siempre podemos mercar o lluchar coles cartes comunes (les de borde plateau).

Final de partía

Y ya ta, diremos desencadenando turnos hasta que se terminen los puntos d’honor, momentu nel que se termina la ronda y se puntúa. ¿Cómo puntuamos? Perfácil. Sumamos los puntos d’honor que coximos más los puntos d’honor de les cartes que mercamos. El que más tenga… ¡Gana!

Opinión personal d’Ascension 10 Aniversario:

D’esti xuegu ya vos fale n’unes Primeres impresiones. Vamos ver si caltengo les opiniones que elli vos dixe.

Tamos ante un xuegu con unos añinos, como bien ta puesto nel nome el xuegu orixinal tien 10 años, polo que nun vamos a ver ninguna mecánica nueva orixinal que nunca enantes vimos. El xuegu ye un deckbuildin, y nun se sal muncho d’esa llínea. Merques lo que te interese e intentes matar lo que puedas o quieras. Ye asina de simple y tampoco te lo busquen esconder. Agora bien… ¿Ye por ello malo? Pa mi, non. Más bien tolo contrario. En esa simpleza radica mucho de lo que me gusta. Ye un xuegu qu’expliques en 5 minutos.

Les cartes pa mercar son de 4 collores (notase un poco que los que lu ficieron son xugadores de Magic :D) , y ca un suel especializase n’algo. La Mecana, el marrón. El Vaciu, morau, Iluminaos, l’azul. Y la vida, los verdes. Con esto, y con les poques regles que tien pues facer milenta de combinaciones pa interautuar entre les tus cartes y conseguir maximizar los efeutos. Además, como no siempre salen les mismes cartes, o si salen te les puen quitar, nun siempre vas poder facer el mismo mazu po lo que te les tienes que arreglar pa pensar la estratexa más óptima.

Esto último de enriba, pue que sea un aspeuto negativo sobre to a 2 xugadores. El mazu de mercar pue que se vuelva llentu al no tener tanto movimiento de cartes, pero el xuegu tien mecanismos de quitar cartes de llínea central pa intentar movelu y que vayan saliendo más cartes. Aún asina, pue que nun salga la carta que quies, vas tener que da-y al cerebro pa buscar la meyor combinación.

Otru puntu negativu ye que esperases dalguna cosa revolucionaria. El xuegu tien 10 años, nun te descubre na nuevo.

Resumen Final

Pa finar, no solo caltengo les sensaciones de les primeres impresiones, sino que en ca partía que xuego me presta más. Vamos coñociendo les cartes y optimizando más el mazu que construimos. Esos aspeutos negativos a mi nun me molesten, sinceramente. El xuegu dame lo que buscaba, un xuegu rápidu, cenciellu de xugar pa tol mundo (pese a que tien profundidá nes decisiones), y de una duración más que bona. En 30 minutos tienes la partía xuga, y seguramente con ganes d’una segunda

Ascension 10 Aniversario va prestate si:

• Prestente los deckbuildings
• Busques un xuegu rápidu y cenciellu.
• No te importa que nun te muestren na nuevo.
• Prestente los combos de cartes.

Ascension 10 Aniversario nun va prestate si:

• No te gusten los deckbuildings
• Busques algo nuevo.
• Lo de los combos de cartes nun ye lo tuyo.