Dos families enfrentaes. Nun yeren Romeo y Xulieta :P. L’argullu y la disputa entre les dos families ficieron que llegasen a les manes, o más bono a les piedres. Vamos ve que me paez esti Castillos y Catapultas (n’asturianu) de SD Games

Ficha:

• Xugadores: 2
• Duración: 30 -45 min
• Edá: 7+
• Editáu por: SD Games
• Autor: Kristian Fosh
• Ficha BGG

Conteniu

• 2 Tableros de xugador
• 12 cartes d’asedio
• 5 unidaes de ca bandu
• 1 catapulta de ca bandu
• 8 piedres de goma
• 16 bloques por bandu
• 1 puerta por bandu
• 2 indicadores de distancia

¿De qué va Castillos y Catapultas?

Dos exércitos enfrentaos, solo un pue llevase la victoria. Esto ye Castillos y Catapultas, un combate con máquines de guerra (catapultes, obviamente) pa intentar destruyir toles unidaes enemiges. Construyi’l to castiellu y protexe tus unidaes pa ser el vencedor de la disputa.

Castillos y Catapultas ye un xuegu d’habilidá, que d’aniciu pue tar piensáu pa la reciella, nel qu’a base de llanzar piedres de goma coles catapultes tenemos que tirar toles unidaes enemigues. Vamos ver que me paez.

Como se xuega

Preparación

Lo primero de to ye escoyer un de los bandos, realmente solo cambia’l collor, ya que son iguales. Tres d’esto coyemos un tableru de xugador, un mididor de distancia, tolos bloques del color de nueso, les unidaes, una catapulta y una carta de ca tipu.

Ye’l momentu de construyir el nuesu castiellu. Ca xugador coloca’l so tableru a una distancia de, más o menos, metro y mediu. Sobre esi tableru, construyimos el castiellu. Les regles son cencielles, al menos un borde de la pieza completu tien que tar tocando otru elementu. Tres d’esto, coyemos la catapulta y la colocamos a un de los llaos del tableru, robamos tres cartes del mazu d’aiciones y coyemos 4 piedres de goma. Solo nos queda colocar les nueses tropes, que puen tar sobre les piezes del castiellu o, si tan en suelu, al menos a una unidá de distancia d’una pieza.

Y con esto, ya podemos entamar a xugar!

Como se xuega a Castillos y Catapultas

Xugar a Castillos y Catapultas ye percenciello. Por turnos, ca xugador fadrá lo siguiente:

1. Decidi si xuega una de les cartes d’aición. Aplicará sos efeutos y la descartará, salvo que s’indique lo contrario.
2. Colocará la catapulta a un llau u otru del tableru de xuego a una distancia máxima de dos unidaes del tableru.
3. A disparar! Sin mover la catapulta llanzará la piedra sobre la fortaleza enemiga
4. Si hai dalgún bloque o unidá fuera del tableru completamente se retira. Si una unidá ta tumbá, tamién se retira. Por ca unidá retirada ese xugador robará una carta

Y ya ta! Diranse xugando rondes hasta qu’un xugador pierda toles unidaes. Momentu nel que l’otru xuador demostrare so supremacía táctica y puntería, proclamandose vencedor del combate 😛

Opinión final de Castillos y Catapultas

Fai tiempu qu’había echao’l güeyu a esti xuegu, en dalgún video lu viere y llamome l’atención. “Llanzar piedres escontra una estructura enemiga! ¡A quien no-y diba a prestar! 😛 Esa opinión va ser curtia, porque defechu’l xuegu nun da pa munchu más de si. Ye lo que ye. Pero nun quita que seya entreteníu.

Castillos y Catapultas ye un xuegu d’habilidá, con una minima xestión de mano decartes. esta xestión, a mi modu de ver nun tien munchu impactu nel xuegu, salvo dos o 3 cartes.La de llanzar dos veces, copiar una carta xugada (que normalmente sedrá llanzar dos veces) y la de robar una carta al contrariu. Hai más cartes de mover bloque sy unidaes, pero nun se… A mi faenme menos gracia. Lo queme fai gracia del xuegu ye llanzar una pedra de goma con una catapulta a una estructura rival, y ya lo que da. Mui simple, sin nengún tipo d’habilidá, salvo un pocu de puntería y sorte, pero perdivertio pa mi gusto.

Ta claro que Castillos y Catapultas, de xuru, nun sedrá’l meyor xuegu que tengas, pero si creo que ye un bon activu. Tanto pa xugar cola reciella, target d’aniciu, como pa ente adultos. Ye más, toles partíes que xugué foi con un adultu, ya prestonos abondo. Tampoco ye un xuegu que vayas xugar toles selmanes 5 o 6 parties. Nun creo que seya’l so propósitu, de facelo perdería la so gracia. Pero pa mi, ye un xuegu que se prepara en na, se xuega rapido y pa partíes ocasionaes creo que ye una opción per bona. Eso sí, ta la cosa de tener una mesa mui grande pa xugalu…

Resumen Final

El resumen de Castillos y Catapultas puede ser que no te dejes engañar porque un juego esté pensado para niños, porque los adultos pueden llevarse una muy grata sorpresa. Sería un caso similar al Cuko Kiko . Es un juego extremadamente divertido para jugar entre adultos. Un juego de habilidad, en el que existe una gestión de cartas de la mano que para mí salvo dos o 3 cartas se podría hasta no usar. Porque lo que mola es lanzarnos piedras de goma a nuestros castillos. Esa es la gracia del juego.

El resumen de Castillos y Catapultas pue ser que nun te dexes engañar porque seya un xuegu piensáu pa xente mozo, porque los adultos puen llevase una grata sorpresa.Sedría un caso asemeyao al Cuko Kiko . Ye un xuegu mui divertíu pa xugar ente adultos. D’habilidá, nel qu’esiste una xestión de cartes de la mano que pa mi salvo dos o tres se podrían hasta no usar. Porque lo que mola ye llanzar piedres de goma a lso nuesos castiellos. Esa ye la gracia

Es obvio que no será tu juego de cabecera, ni lo podrás jugar todas las semanas porque te cansará, pero un juego para sacar esporádicamente, de fácil montaje, vistoso y en el que… Lanzas Piedras! es para tenerlo para jugar con niños y no tan niños 🙂

Ye obvio que nuns sedrá’l to xuegu de cebcera, ni lu xugaras toles selmanes porque te casnará, pero pa sacar dacuando, de montaxe cenciellu cistosu y rápidu nel que… Llances Piedres! ye pa tenelu pa xugalo con xente mozoy la nun tanto 🙂

Castillos y Catapultas te va prestate si…

• Quies un xuegu d’habilidá
• Algo para xugar dacuando con neños y mayores
• Un xuegu d’enfrentamientu cenciellu

Castillos y Catapultas nun te va prestar si…

• Buques xuegos con complexidá
• Solo xuegues en solitario, pierde’l sentíu
• Lo de llanzar piedres si te gusta, nun mientas! 😛

Y na más por güei ¿Xugasteis a Castillos y Catapultas? ¿Qué vos paeció? ¿xugasteis a más xuegos de la temática? Contame en comentarios! Gracies por lleer!