Vamos falar un poco d’esta nueva versión del, podemos dicir clásicu de los xuegos de rol, Pathfnider pero envuelto nel sistema de Savage Worlds. Dando llugar al denomináu Pathfinder pa Savage Worlds (asturianu), que nos trai la editorial sita n’Asturies HT Publishers

Tengo que dicir que, a priori y supongo que seya tamién pola falta de prautica nes reseñes d’un xuegu de rol, cuestame facer una opinión d’esti xuegu sin que me quede mui llarga y sin que seya mui pesá de lleer. Pero vamos a intentalo y a ver que sal, cualquier crítica ya sabéis 😀 Comentar que vamos falar del llibru básicu y non de los estras que veníen col mecenazgu que la editorial saco.

Edición física de Pathfinder para Savage Worlds

Pathfinder Salvaje ye un manual que vien con un formatu de páxina d’A5 rústica con tapa blanda y solapes. Hai que dicir que’l manual ye completu a color y tien 352 páxines.

En cuanto a la estructuración del manual, yo diría que tien la clásica nesti tipu de xuegos. Una presentación, como facer los personaxes, descripción del sistema, etc. Nel mi casu, y que nel momentu de la llectura nun conocía na del sistema de Savage Worlds, resultome un pelin cimplicau de siguir al principiu. Con dalguna rellación col sistema base que yo no taba avezáu a ella y teniendo que dir patras a búscala tando un pelin mas palantre. Pue ser, tamién, que yo nun toi de lleer llibros en dixital y andaba un poco más perdiu. No obstante una vez llibrau l’escoyu, to foi más cenciello teniendo una llectura amena y estructurada pa poder siguila correutamente. Si ya conocíais el sistema, va ser coser y cantar pa vosotros.

Ambientación de Pathfinder para Savage Worlds

Como podeís suponer pol títulu… Si l’ambientación ye la mesma que Pathfinder, el xuegu de rol que Paizo saco fai un tiempu y qu’actualmente va pola segunda edición (anque esti xuegu basase na primera). Esta ambientación transcurri pol univeru de Golarion, y más concretamente pola rexón del Mar Interior. Esti ye un universu fantásticu, como podría ser Reinos Olvidados de Dungeons&Dragons donde la espada y la hechicería tan mui presentes, pese a qu’hai opciones d’usar armes de fueu.

Pero la verdá ye que nun tien muncha información del trasfondu, más allá d’unes cuantes fueyes poniendote un poco en situación. Esto ye debido que’l manual centrase na adautación del xuegu orixinal al sistema de Savage Worlds, dexando esto pa un manual posterior, El Compendio de Golarion. Manual que ya podéis mercar si tais interesaos.

El sistema de Pathfinder para Savage Worlds

Como comente enriba, ye la primera vegada que lleo algo basao nel sistema de Savage Worlds. Si que nesti casu había lleído algo de Pathfinder, y más de Dungeons&Dragons que ye lo que se basa.

Tengo que dicir que’l sistema paeciome realmente perinteresante. Polo xeneral nun ye qu’estos xuegos “clásicos” como Pathfinder o Dungeons&Dragons, seyan percomplicaos de por si, pero si que tienen munches tables u apuntes pa resolver les situaciones o les aiciones. Nesti casu, el sistema de Savage Worlds resuelvelo de forma bastante cenciella, pero sobre to centrándose en la axilidad de les aicciones. Por dicilo d’una manera resumía, que’l protagonismu lu lleven les aiciones y no les tiraes, faciendo to un poco más épico. Un poco más salvaxe. Que con esto nun quiero dar a entender que los otros sistemes nun seyan épicos, pero veolos más centraos nes mecániques. To esto tamién supeditao a la forma de dirixir del direutor de xuegu.

To esi sistema de benis, a mi modu de ver dan-y esi carauter épicu, nel que la misión ta nel filu de la navaxa y una tirá pue date la victoria o la derrota. Esto creo que da una sensación d’un “rollu peliculeru” que creo que-y sienta mui bono. Amás d’un gabitu cuando la suerte te ye esquiva.

Otra de les coses que veo ye qu’axiliza bastante la creación del personaxe con respeuto al xuegu padre. Simplifica bastante les habilidaes y agrupales más. Esto pudiera ser bono o malo pa según quien mire, pero creo que va col espíritu áxil del sistema. Si qu’añade una capa más pa tol tema de les clases. Na versión básica de Savage Worlds nun esistía esti conceutu, y resolvelo como si fuera una dote, dexando la posibilidá de facer multiclases y clases de prestixu d’una manera elegante pa mi ver.

Opinión final

Vamos col resumen de lo enriba escrito. En Pathfinder Salvaje vais topavos un xuego no que prima ye l’aición (ya seya de combates o escenes) intentando que seyan estes lo que haga fluir la historía, y dando-y esi puntu salvaxe. Quiciabes queríais atopar un poco de la información del mundiu nel que se basa, pero nesti manual nun vais encontrar apenes unes páxines. Pa eso ta un manual posterior que se centra n’esto. No obstante podríes facer una partida perfeutamente si ya conocíais algo del trasfondu.

Quiciabes vais vevos un poco perdíos al principiu. Pese a que nun tengas falta pa na’l manual de Savage Worlds, en dalgún momentu da por fechu que lo conoces. Pero nun abluquéis, da-y la oportunidá al xuegu y siguir lleendo un pelin más, no munchu. Y vais a atar cabos rápidamente, al menos foi lo que me paso.

Nel casu que seais xugadores avezaos al sistema, tenéis equí un puntín más de regles, no munches, que vos fadrá acercavos a los xuegos del tipu Pathfnider, que pudiera davos algo perceguera coyer o lleer. Veolu un suplementu “pensau” pa partíes one-shot (una o dos sesiones) pero nun creo qu’haya nengún problema en facer campañes grandes.

Y na más… Espero qu’estes llinies os sirvieran pa facevos una pequeña idea del xuegu y de que me paeció a mi la so llectura, ya sabéis que nun ye la intención d’esti blog analizar al por menor los xuegos, sino davos les impresiones que me causen. Como siempre, tolos comentarios son bien recibíos. Ya me contaréis si ya disteis los primeros espadazos o llanzastis los primeros hechizos por Golarion…

Imaxenes tomaes de HT Publishers