Vamos falar un poco del eventu qu’hubo esti fin de selmana en Xixón, el Festival Metropoli, mas concretamente de la Metropoli Comic Con 2022 (n’asturianu) y de la seccion d’sti pa los xuegos de mesa.
Poniendonos en situación de Metropoli Comic Con 2022
Tuvi l’oportunidá de poder asistir el xueves al iniciu de la Metropoli Comic Con 2022, quería dir mas pero nun tibe pola rexón. El casu y pa quien nun lo sepa la Comic Con ye un eventu que faen dientro del Festival Metropoli nel que tien cabida munchos xeneros del ociu alternativu. Vienen dibuxantes de comics, faense esposiciones, Cosplay y como no, si no nun taría falando d’ello… Los xuegos de mesa tienen cabida n’una seccion que llamen Metroludik. Dexovos l’enllaz del festival al completu por si queréis echar una güeya.
Que me paecío la Metropoli Comet Con 2022
Voi dar, y espero nun estendeme munchu, la mio opinión de lo que me paecio. Ya se que solo fui un día, que nun tuvi en toles actividaes ni se lo que paso. Esta entra faigola como un visitante normal que pudo dir a la feria a ver que tal taba comparandola colos años anteriores. Nun ye la mio intención el faltar al respetu a naide de la organización y colaboradores, solo ye la visión d’un vistante más, que da por fechu de qu’organizar un festival d’estes dimensiones ye un trabayu mui duru y de munchu esfuerzu.
Tengo la impresión de que’l festival dio un pasu patras… Dempués de dos años nel que se pudo organizar de manera mui contenía polo que tos ya sabemos, esti añu nun s’aprovecho esa oportunidá de que la xente tien gana de coses d’esti estilu. Y ya no hablo solo de los xuegos de mesa, sino de la sección de la Metropoli Comic Con en xeneral. Por ponevos un exemplu, tolos años el cierre de la feria faciase con un desfile de munches asociaciones de Star Wars faciendo representaciones. Correxime si m’equivoco pero nun lu hubo. Diome la sensación como que no se promocionó esta parte del eventu lo suficiente. Se quien tocaba cada día nel festival “grande” pero ni idea de qu’actividades podía facer nesta seccion. Solo la información d0un panfletu que tenies pa descargar na web. Ye una pena que nun se lluche por caltener lo que trabayaron tanto n’años anteriores.
Nos xuegos de mesa
Y nos xuegos de mesa nun foi diferente, les actividaes que’habia yera una serie de presentacion de xuegos, talleres d’ajedrez y una actividad relaciona col tema d’Harry Potter de xuegos d’esa temática. Y na más (o al menos ye de lo que me pudi enterar). Lo malo ye que ye practicamente lo mesmo que se fizo cuando en tiempos de pandemia no se podía xuntar muncha xente. Dada la “importancia” que tien esti festival creo que ye un escaparate perfeutu pa ofrecer a autores a que muestren los xuegos por exemplu mostrando prototipos, a xente de los medios a qu’asisten y ver como evoluciona l’hobby. Y ya no por mi, que nun soy naide, pero nel pais hai xente con muncha esperiencia que pue aportar coses mui interesantes. Otra cosa qu’escaecí foi’l rol, no vi nenguna sección ni organización de partidas de rol
Asturies nun ye na rexón grande, nun tien porque ser eventu nel que toa España marque les feches pa venir, pero si creo que na zona na que tamos, y alrededores, ye importante. Y creo que tien posibilidá de facer coses mui guapues, más que na por que munches de les que digo enriba ya se ficieron. Na más, nun vos quiero dar la paliza más que ye llunes y fai sol n’Asturies. Solo me queda dar les gracies a los que nel eventu dieron cabida a los xuegos de mesa y rol, organización como tiendes y colaboradores, y animalos a caltener esta parta del festival. Cualquier cosina ya sabéis, podéis dicímela nos comentarios!