Bien cellebres Halloween, Samain, Nueche d’animes o la viéspora de tolos Santos, dexote equí unos de xuegos de mesa d’Halloween que voi intentar xugar nesti puente (anque yo nun lu tenga haha).

La nueche d’animes, Halloween o ritos similares lleven cellebrandose nel mundiu d’una manera o d’otra, bien seya ritu relixosu o paganu, tos los conocemos y sabemos les sus costumes. Asi que que pense qu’una bona manera de continuar con ello, ye facer una nueche temática con xuegos de mesa p’Halloween. Nesta selección voi devavos tres xuegos de los que yo tengo y más me prestaría xugar nestes feches. Nun ye ni un top ni na, ye solo una propuesta 😉 Nun m’enredo más vamos con ella.

Xuegos de mesa pa Hallloween

Arkham Horror LCG

Ya vos fale d’Arkham Horror LCG esta selmana, asina que si sois llectores del blogue ya sabéis un poco de lo que va. Si nun pasa na que lo volvemos a desplicar. Ye un xuegu de tipu LCG editáu por Fantasy Flight Games nel que vamos sumerximos nos mitos de Chtulhu y peles cais de d’Arkham. Ye un xuegu de tipu campaña, polo que xugar una partida suelta nun tien munchu sentíu, pero como’l ponte ye llargu igual puedo da-y bastantes sesiones y aprovechalu bono. Yo concretamente xugué la campaña de caxa base, asina que d’entamar, fadrelo pola campaña del Legado de Dunwinch, la segunda que sacaron cronoloxicamente.

Básicamente y un xuegu nel qu’unos investigadores de los años 20 van vese envueltos en socesos mui raros y turbios que tienen qu’investigar. Estos socesos, como nun podía ser d’otra manera, son asociaos a los mitos de Chtulhu. Ye un xuegu tremendamente narrativu, nel que les decisiones que tomes durante’l xuegu o los socesos que vayan pasando durante la partía cuenten pa la siguiente. Ye un xuegu que me meta na situación, que me fai sentir un investigador d’esos años, y que me presta xugar, pese a qu’el xuegu normalmente siempre fai lo que-y da pola gana conmigo 😀

Tovía nun se si facer los mazos yo, nun tengo muncha esperiencia tovía, o buscalos n’Arkham DB, depende como vaya de tiempu… Quiciabes ye bon día pa entamar n’esi xaréu 😉

Fabulas de Peluche

Quiciabes Fabulas de Peluche de Edge Ent nun seya mui xuego al usu p’Halloween. De xuru que xuegos d’esti tipu hai a bayura. Ta’l Nemesis, pue ser qu’el Zombicide… Pero como supondréis esos nun los tengo na ludoteca (el sitiu y les perres son finites). Sicasi esti si me paez bastánte temáticu y adecuau pa ello. En Fabules de Peluche vamos ser los peluches d’una neña que la van tener que defender nos sueños. Tengo que dicir qu’esti xuegu nun lu pude estrenar tovia, lo que me fai tener más ganes de prebalu tovía.

Tamos ante una especie de dungeon crawler cuyo tableru ye’el mesmu llibru que les instrucciones, ye un llibru d’aventures. N’él vamos tener qu’escoyer un de los peluches de la neña y lluchar por salir de La Caida, un reinu fantásticu gobernáu pol Señor de las Pesadillas. Paezme un argumentu perguapu, acorde pa la época y que creo que pue facer coneutar col neñu interior de tos, conexón que creo que nunca deberiamos de perder. Amás de tener un puntu de partida interesante, tien unes miniatures perguapes que faen metete nel papel.

Espero poder davos unes primeres impresiones pront d’él, esto ye que lu pudi xugar 😀

Fatasmas Asesinos.

Vamos cola cabera cosa de Xuegos de mesa pa Halloween. Nesti casu ye un xuegu de rol. Fantasmas Asesinos ye un pequeñu xuegu de rol, da fechu vien con otru nel mesmu pack (Envenenado), que nos trai Nosolorol. Si vien na web paez que t’agotau, echando una güeyá peles redes paez que se pue consiguir. El xuegu ye percenciellu, solo vas necesitar el llibretu de regles (32 páxines) una baraxa francesa (de poker) e imaxinación. Con esto y pues entamar la partía.

Fantasmas Aseinos ye un xuegu de rol esclusivu pa dos xugadores, agora paez qu’entamen a vese pero nun fai munchu yera complicao. Un va tomar el rol de Maestro de Ceremonies, que ye’l que va cuntiar la hestoria. Esi xugador sacará a relucir les sos peores pesadieles y el xugador tendrá que ver como lidía con elles y como sal. To esto apoyáo col manual y la baraxa faciendo que seya un xuegu rápidu. Ya meremanete ver el llibru evoca a estes hestorias con una maquetación y estilos mui cuidáos y acordes col tema.

Esti xuegu prebamoslu una vegada fai tiempu, pero por unu o por otru nun yera’l meyor momentu pa xugalu asina que dexamoslu aparcáu polo qu’opinión cabera nun vos puedo dar. No obstante creo qu’esta pue ser que lu xuguemos ya vos diré contando.

Finando

Y na más… Euí tenéis los xuegos que voi intentar xugar esti par de días. ¿Sedré quien a xugar a dalgún?¿Tenéis una sellección de xuegos de mesa pa Halloween? ¿Cuales son?¡Cuntáime! ¡Gracies por lleer y nun vos asustéis munchu!