Siguimos coles entrevistes n’asturianu que ficimos na CometCon’22 en Xixón. Aprovechando que foi como ponente, tuvo a bono concedenos una entrevista Dam. David Amorín, Damkalloh, ye un creador de La Mesa de Dam, creador de xuegos de mesa y recientemente tamién d’una tienda de xuegos de mesa, Juegakens! Esta va ser la segunda parte de la entrevista. Podéis atopar equí la primera. Da-y les gracies a Dam por concedenos-la. Si queréis ver les demás entrevistes del canal, podéis dir equí. Na más me queda que pidivos perdón polos errores que pudi cometer al trescribir. Ye la primera vegada que lo faigo…

Entrevista a Dam n’Asturianu (Parte 2)

N’antes comentabamos un poco la to trayectoria, ya falando solo de xuegos de mesa. Primero creando contenido, llueu col estudiu de diseño de xuegos y agora con Juegakens. Pues contar un poco esa evolución y que te fizo dar esos saltos

Realmente l’estudiu con Ramón creelo n’antes de facer el cana, cuando tenía’l canal de videoxuegos, mientres cuando taba con él, fai 5 años, cree un xuegu de mesa que yera’l Grim Doom. Esi saquelu mientres tenía’l canal de videoxuegos. Llueu creé’l canal de xuegos de mesa, más o menos a la mesma vegada falé con Ramón pa crear xuegos de mesa, llueu tuvi creando xuegos y ya pa finar la tienda. Ficelo asina, más que na, porque los xuegos de mesa siempre me presto crealos. Ye más creabalos n’antes de tener el canal de YT asina que nun tienen rellación les dos coses. Prestabenme los xuegos y crealos, asina que fici un canal pa falar d’ellos y los xuegos que creo tengolos equí.

Pero la tienda foi una reacción al canal de YT porque yo se que consigo qu’haya xente que merque los xuegos a raíz de reseñar y demás. Paezme bono. Qu’haya xente que se sienta influenciá a mercar esos xuegos porque intuyi que puen gusta-yos a raíz de lo que yos cuento. Tonces busqué munches veces una forma de que yo tamién ganara perres con eso. Porque lliteralmente taba faciendo un poco de tenderu, yo toi poniéndome en mio casa a grabar videos. La persona ve que-y toi recomendando un xuegu como si fora un tenderu pero esa persona va a una tienda a mercar el xuegu. Tonces n’esti pasu consiguí xenerar una venta pa esa tienda de la cual yo nun veo un duru. Tonces pensé… Bono, nun m’importa, ficlo durante munchu tiempu, paezme guay… Pero no cabera tamién me presta sacar redito d’esto.

Tonces fale con delles tiendes p’atopar dalguna forma de facer dalgo, de facer dalgún tipu de collaboración o algo que me prestara a mi tamién implicame, pero nun hubo nenguna que m’ofreciera dalgo guay, dalgo qu’a mi me rentara de verdá o me paeciera bono. A raiz de probar con munches tiendes y falar con munches dixi, mira… faigola. Si nenguna pue ofreceme dalgo que merezca la pena pos faigola yo pa sacar un poco de reditu nes ventes que xenero.

Foi a raiz d’eso y amás ye una cosa que nun tien munchu riesgu, por que como ya tengo un llocal onde grabo, ehí dentro monte la tienda, que seya una tienda que la tengo equí puesta y voi faciendola trabayar y funcionar, pero nun me sipon munchu gastu, porque’l llocal ya lu pago. Tendría que mercar los xuegos, dilos vendiendo y demás. Y a mui males, si polo que fora la tienda nun funcionara, to’l stock de xuegos lu pueo vender a otres tiendes y al menos nun pierdo tanto, asina que la inversión nun yera grande y piensé que yera bona opción. Probelo y la verdá ye que toi percontentu.

Sueles buscar siempre coses nueves y proyeutos nuevos pa facer. Y agora tres juegakens… Tienes dalgún proyeuto en mente?

Rellacionao colos xuegos, agora mesmo, nun tengo nengún proyeutu grande. Quier dicir, la creación de xuegos sigui siendo lo mesmo, toi faciendo ciertos planes pa la tienda. Coses internes de la tienda que me paecen proyeutos guays pa potenciala pero a parte de to esto gustame emprender por otros llaos y facer otres coses. A lo que realmente me dedico, y me da dineru realmente, ye al Marketing Dixital, Llievo munchos años dedicandome a eso. Al entamu del canal dedicabame al canal y al marketing. Tonces la cuestión ta en que tengo proyeutos por otros llaos.

A mi siempre me presto munchu probar coses, como lo de la tienda. Lo de la tienda foi posible porque foi mui bono, la verdá ye que toi sorpendiu colo bien que funciono y toi percontentu, mui feliz. Pero imaxinate que n’un añu la tienda nun funcionare, polo que seya. Nun me cuesta munchu romper con to y entamar a facer otra cosa. Al final, lo que me mola ye tar al kit de la cuestión. Tonces agora mesmo la tienda diome munchu trabayu y agora ta n’un puntu mui guay porque nun tengo que face-y munchu casu, entre comilles. Sigo trabayando n’ella, pero nun ye’l volumen de trabayu que tenía n’antes que ye: montalo to, organizalo to. Agora ya empecipia a rodar. N’antes tol día tienda dende las 10 de la mañana hasta les 2 de la mañana trabayando na tienda. Un montón d’hores.

Agora ye como ya to fluye, agora son los pedíos, los unvios, to funciona, na se rompe, ta bien. Tonces a lo meyor con 2 o 3 hores al día pueo tener to lo de la tienda llisto, y pueo dedicame’l restu del tiempu a otres coses. Tengo un plan agora mui ceo pa una serie nueva nel canal que m’apetez facer. Tengo dalgunos planes tamién externos con delles empreses de tema de marketing y SEO, el tema de xuegos de mesa … Pero to cenciello y bono.

Yes Catalán, ellí ya entamaron a vese llicencies de xuegos “potentes” en catalán, por exemplu la cabera versión de ElAnillo Único. Crees que llicenciar o crear xuegos en n’asturianu pue sofitar nel nuesu camín de que se recoñueza como llingua cooficial?

Pongome en varies pieles. Poniendome na piel del consumidor, pos sería estupendo qu’el xuegu tuvies n’asturianu, nel to idioma y nel que seya. Si yo fuera asturianu querría’l xuego n’asturianu. Pero pongome na pien del empresariu y paro a pensar… Y yo creo que facer xuegos, por exemplu lo que fai Devir de facelo en catalán, yo nun creo que yos salga mui rentable. Y facer los xuegos n’asturianu nun creo que yos salga mui rentable a quien se puxiera a facelo. Creo que ye munchu más un aición de marketing más que de dineru, una aición rentable.

Porque por exemplu los de Devir, sinceramente, cuando vi dalguna de les publicaciones que faen, que nun tienen na de malo, pero que se sofiten nel “tamos trayendo”, somos como, queda un poco feo, “los salvadores que consiguimos traer xuegos en catalán ¿ veis que bonos somos? Esto son campañes de marketing, formes de funcionar y munches de facer marketing, y quiero dicir, que ta mui guay que Devir traiga los xuegos en catalán, pero fai munchu más marca que rentabilidá. Ye como, por exemplu, los anuncios de Coca Cola. Coca Cola nun necesita publicar por  nengún llau, tol mundio coñoz Coca Cola ¿Pero por qué tova salen anuncios de Coca Cola? ¿Y fixastiti que los anuncios nun te presente el productu “Mira Coca Cola, la nueva”?Son anuncios onde ves histories de Papa Noel, que trai Coca Cola al rapaz, que ta una familia feliz bebiendo Coca Cola… Son munchu más un maketing de marca, de facer que la xente perteneza y considere la to marca como dalgo bono, qu’aiciones pa facer perres.

Tonces yo creo qu’a  de güei, si daquién sacara dalgo n’asturianu, si Devir o Asmodee s’animara a sacar productu n’asturianu, sedría munchu más una aición de marca pa intentar facer consideración de la so marca, que la xente los quisisese más qu’una aición rentable. Porque parate a pensalo, cuantos xuegos pues vender n’asturianu de X xuegos, nun ye rentable. Creo que sedría percomplicao Mi feeling ye esi, poniéndome na mente del empresariu… ¿Crees que si pudiere traelo nun lo fadría pa facete feliz? Si nun lo traen ye por algo, tonces si te pares a pensalo… Lo más probable ye que nun seya rentable, sino daquién lo fadría.