Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 2 del 2024 (puedes atopar l’anterior equí)
Hipócrates: Ágora
Ficha:
- Xugadores: 1-4
- Duración: 90 min
- Edá: +12 años
- Editorial: Maldito Games
- Fecha: 11 Xineru
- Precio: 15 €
- Ficha BGG
Espansión pa Hipócrates na que pues atopar 4 nuevos modulos p’añadir al xuegu base. Pues escoyer añadilos d’ún en un o dellos a la mesma vegada, dando muncha variedá a les partíes.
Total Domination
Ficha:
- Xugadores: 1-4
- Duración: 90 min
- Edá: +14 años
- Editorial: Maldito Games
- Fecha: 11 Xineru
- Precio: 40€
- Ficha BGG
Un xuegu de cartes nel que se busca recrea la Segunda Guerra Mundial y que nos ponemos la mandu d’una de les grandes potencies. Fai aliances, llucha nes cais, nos cielos… To ello nun tiempu comedíu de 90 minutos. Esti xuegu tengo entendío que salió nun caxa más pequeña, pero que se decidió facelu a un tamañu más convencional. Incluyi un espansión (Ártico) y amás puen mercase unes miniatures aparte.
Pradera / Pradera : Río Abajo Cards & Sleeves packs
Ficha:
- Xugadores: 1-4
- Duración: 90 min
- Edá: +10 años
- Editorial: Rebel
- Fecha: 12 Xineru
- Precio: 8 € / 5€
Dos mini espansiones pal xuegu base y espansión qu’añaden dalguna carta y funde pa los respeutivos xuegos. Estes espansiones vienen n’inglés pero son completamente independientes del idioma.
Que m’entra pol güeyu de les noticies/novedaes de xuegos de mesa / rol la selmana 2 de 2024
Entama l’añu, bono yo un poco más tarde (coses de les vacaciones), y failo de forma pausá. Sin munches novedaes. Al fin y al cabu la campaña navidiega imaxino que foi dura y tamién se merecen parar un pocu. Ente toes les novedaes, sin llamame munchu l’atención, quedariame con Total Domination de Maldito Games. Paez que me pue cuadrar, pero nun lo tengo del to claro. Sicasi, el restu son espansiones de xuegos que nun tengo, asina que…
Finando les noticies de xuegos de mesa de la selmana 2 del 2024
Y na más pa les noticies de la selmana 2 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: