Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 51 del 2023 (puedes atopar l’anterior equí)
Furnace : Entreguerras
Ficha:
- Xugadores: 1-5
- Duración: 30-60 min
- Edá: +12 años
- Editorial: Maldito Games
- Fecha: Disponible
- Precio: 25€
- Ficha BGG
Primera espansión pa Furnace na que nos metemos nel periodu ene guerres (1920-1930) na que nos tenemos que facer coles compañíes más guetaes de l’época. L’espansión incluyi nueves llosetes, cartes de xerente, un quintu xugador, amás de nuevos axentes pal xuegu de dos xugadores y solitariu.
El regreso de M’guf-yn
Ficha:
- Xugadores: 1
- Duración: 15-60 min
- Edá: +10 años
- Editorial: Maldito Games
- Fecha: Disponible
- Precio: 8€
- Ficha BGG
Espansión pa Mazmorra d’una Carta na que s’añaden nueves clases, mazmorra de Xefe y cofres de tesoru
Cat in the Box
Ficha:
- Xugadores: 2-5
- Duración: 20-50 min
- Edá: +10 años
- Editorial: Maldito Games
- Fecha: Disponible
- Precio: 25€
- Ficha BGG
Xuegu de baces algo particular. Ca carta podrá ser de cualquier palu, decidiraslo a l’hora de xugala. El problema ye que nun pues facer más d’una vegada la combinación númberu-color. Si nun pues xugar cartes, cayerás nuna paradoxa (el tema ye’l gatu de Schrödinger) y perderás puntos.
After Us
Ficha:
- Duración: 45 min
- Xugadores: 1-6
- Edá: +14 años
- Editorial: Maldito Games
- Fecha: Disponible
- Precio: 45€
- Ficha BGG
L’humanidá ta estinta, tornamos a los oríxenes. Los primates. Convertite nel líder d’una de les sos tribus, usa la teunoloxía que lso humanos dexaron detrás pa llevate la victoria nesta carrera de puntos. Un xuegu de puzzles y cartes.
Untammed : Facciones Salvajes (Ed. Spirit Strike)
Ficha:
- Xugadores: 2-4
- Duración: 45 min
- Edá: +10 años
- Editorial: Melmac Games
- Fecha: 21 d’Avientu
- Precio: 36€
- Ficha BGG
Untamed ye un xuegu d’enfrentamientu de cartes, que no que pudi lleer poles redes, quier asemeyase a dalgún LCG famosu. Escueye la to faición (caúna tien habilidaes diferentes) y derrota la torre del enemigu pudiendo facer diferentes estratexes. El xuegu vien con munchos estras del Kickstarter
Rol
Vamos cola sección de rol, que tamién tenemos delles novedaes. Entamamos pol Castillo de Xytntillan de Outremmer. Esti llibru ye una super campaña pa niveles 1-6 pa la OSR. Una campaña completa na que se toquen varios puntos: combate, esploración… Adientrate nun mundu de llóxica y fantasía oníriques rexíu pola familia Malevol. La fecha de salida ye’l día 22 el preciu de 35€
Siguimos agora con Muerte Blanca de 77 Mundos un escenariu de campaña de ciencia ficción pal sistema de Mythras o cualquier sistema de percentiles. Nesti suplementu tenemos regles pal horror asina como 6 personaxes pre-fechos. La fecha de salida ye’l día 22 y el preciu de venta 14€.
Tamién de 77 Mundos tenemos El Blues de la Chatarrería. Tamos ante un escenariu sandbox pal sistema M-Space anque pue usase con cualquier sistema D100. Los xugadores interpreten el papel de viaxeros espaciales varaos, que tienen que sobrevivir y lluchar o negociar polos recursos básicos. La fecha de salida ye’l 22 y el preciu 25€.
Y pa zarrar, tenemos un nuevu suplementu del Grupo Creativo de la Marca del Este pa La Marca Estelar. Ye Los Clonadores de Tavuun-17. . Un modulo pa 4-6 xugadores de nivel 1 nel que una poderosa corporación teunolóxica mandavos un encargu rellacionáu colos clonadores. Sal a la venta al preciu de 9€ y la fecha ye pal día 22.
Que m’entra pol güeyu de les noticies/novedaes de xuegos de mesa / rol la selmana 51 de 2023
L’añu va finando, y les navidaes tan ahi al llau. Pese a que normalmente les editoriales ya tienen el trabayu fechu pa estes feches, tovía salen dalgunes novedaes. Como siempre, vamos a quedanos con dalguna, y nel mio casu creo que solo me voi quedar con un xuegu de mesa y ye Untamed : Facciones Salvajes de Melmac Games. La verdá ye qu’a parte de qu’el xuegu ye vistosu, o lo parez, son enfrentamientos de cartes con muncha variabilidá y bastante rápidos. Creo que podría ver dalgo de mesa y esfrutalu en casa. Paezme un bon productu con un bon preciu.
Finando les noticies de xuegos de mesa de la selmana 51 del 2023
Y na más pa les noticies de la selmana 51 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: