Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 17 del 2024 (puedes atopar l’anterior equí)
Wyrmspan
Ficha:
- Xugadores: 1-5
- Duración: 90 min
- Edá: +14 años
- Editorial: Maldito Games
- Fecha: 25 d’abril
- Precio: 55€
- Ficha BGG
Nueva versión del clásicu Wingspan, esta vegada aguetaremos crear refuxos pa cuelebres. Les mecániques son asemeyaes, pero nesti casu diremos escavando cueves y descubriendo llugares pa que los cuélebres puean vivir y desencadenar habilidaes poderoses.
La Gran Excavación
Ficha:
- Xugadores: 2-5
- Duración: 15 min
- Edá: +8 años
- Editorial: Tranjis Games
- Fecha: Ya a la venta
- Precio: 17€
- Ficha BGG
Un afamáu paleontólogu gueta sofitu, el rescate los fósiles de 4 dinosaurios y los lleve pal muséu sedrá’l ganador. Xuegu familiar nel que ties qu’atopar y escavar los 4 fósiles y tamién, porque non, sabotiar a los competidores.
Pikit
Ficha:
- Xugadores: 2-4
- Duración: 25 min
- Edá: +8 años
- Editorial: Repos Production
- Fecha: 26 d’abril
- Precio: 17€
- Ficha BGG
Xuegu de cartes nel qu’invocaremos kaijus y mechas mediante tiraes de dados. Invocalos pa coyer la so carta representativa y vencer al caberu la partía.
Harmonies
Ficha:
- Xugadores: 1-4
- Duración: 30 min
- Edá: +10 años
- Editorial: Libellud
- Fecha: 26 d’abril
- Precio: 35€
- Ficha BGG
Gran apuesta del añu de xuegu astrautu por parte de Libellud. N’Harmonies tenemos que facer ecosistemes pa que les especies animales vivan n’armonía. Esto fadrémoslo colocando pieces que sedrán los paisaxes nos mundos de nueso.
Aventureros al Tren: París
Ficha:
- Xugadores: 2-4
- Duración: 30 – 60 min
- Edá: +8 años
- Editorial: Days of Wonder
- Fecha: 26 d’abril
- Precio: 23€
- Ficha BGG
Nuevu xuegu de la saga d’Aventureros al Tren. Nesti casu vamos a la ciudá del glamour y la Torre Eiffel, París, onde tenemos que facer les llinies de metro de la emblemática ciudá pa que los ciudadanos puean celebrar en sin problemes el Día de la Batalla.
Bonsái
Ficha:
- Xugadores: 1-4
- Duración: 40 min
- Edá: +10 años
- Editorial: Giochi
- Fecha: 26 d’abril
- Precio: 35€
- Ficha BGG
Gana’l to puestu de xardineru imperial faciendo los bonsáis, esos elementos d’arte vivu, más guapos. Un xuegu de draft y collocación de llosetes.
Rol
Entamamos cola secion de rol, y facémoslo con HT Publishers que ya trai a tiendes La Herencia del Don. Un xuegu de rol en vivu/ Mistery Party nel que los xugadores sedremos una familia de mafiosos dempués de la muerte del Don. Dicir qu’a diferencia d’esti tipu de xuegos nun se necesita direutor y qu’amas ye rexugable al traer cartes de rellaciones y oxetivos qu’en ca partía diran cambiando. La fecha de salida ye’l día 26 al preciu de 20€.
Siguimos con Shadowlands Ediciones, y su línea Raven con dos complementos pal xuegu. Unu yela pantalla de la Voz Tenebrosa, una pantalla de consulta rápida pa’l direutor de xuegu de cartón grueso, y les cartes colos personaxes de la familia Corvus y datos interesantes de la Ciudá. Ambes salen el día 26 al preciu de 20€ caúna.
Toca falar de les novedaes de The Hills Press pa la su llinia Old-School esentials. Son tres suplementos, tos salen pal día 26 al preciu de 18 caún. Dicir que se necesita’l manual básicu de Old-School Essentials pa xugar. Estos suplementos son : Temblores bajo la montaña sagrada, una aventura pa niveles 5-6, Fantasía Avanzada: Bestiario, monstruos y más monstruos y Fantasía Avanzada: Tesoros, algo tendremos qu’atopar.
Que m’entra pol güeyu de les novedaes de xuegos de mesa / rol la selmana 17 de 2024
Vamos cola seición habitual que ye lo que mercaría de les novedaes d’esta selmana en xuegos de mesa y rol. En xuegos de mesa, en sin tener na que diría “esto tien que se mio” lo que más me presta ye Wyrmspan de Maldito Games. Nun prebé Wingspan tovía, quiciabes seya bona esta nueva oportunidá de facelo. Si tien el mesmu ésitu que’l predecesor trunfará.
Y tocante a los xuegos de rol, quedome cola Herencia del Don de HT Publishers. Güei paezme complicao xuntar tantos xugadores (a mi, claro ta), pero de consiguilo creo que pue dar bones partíes pa eses cenes entre collacios.
Finando les noticies de xuegos de mesa de la selmana 17 del 2024
Y na más pa les noticies de la selmana 17 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: