Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 19 del 2024 (puedes atopar l’anterior equí)
Rolling Heights
Ficha:
- Xugadores: 1-4
- Duración: 60 min
- Edá: +10 años
- Editorial: Maldito Games
- Fecha: 9 de Mayu
- Precio:80€
- Ficha BGG
Acabes d’abrir la to empresa de construcciones y ties que supervisar les construcciones de millonarios n’una ciudá n’espansión. Xuegu con una mecánica curiosa de “llanzar” a los trabayadores y según na posición na que caiguen les aiciones sedrán más efeutives o menos. Consiguir completar edificios da-te prestixu y más trabayadores. El xuegu vien con dos mini espansiones incluyíes.
El Valle de la Eternidad
Ficha:
- Xugadores: 2-4
- Duración: 40 min
- Edá: +14 años
- Editorial: Maldito Games
- Fecha: 9 de Mayu
- Precio: 30€
- Ficha BGG
Xuegu con componente de cartes nel que ties que cazar y domar besties. Usa les cartes y fa-y les aiciones de los secuaces convocaos. El xugador que más criatures tea, sedá’l ganador.
Evacuation
Ficha:
- Xugadores: 1-4
- Duración: 60-150 min
- Edá: +14 años
- Editorial: Arrakis Games
- Fecha: 9 de Mayu
- Precio: 70€
- Ficha BGG
Un de los xuegos que trunfó na pasá feria d’Essen ya ta en castellán, un eurogame nel que la misión de los xugadores ye establecer una civilización n’un nuevu mundu n’una carera por ver quien construyi enantes el nuevu llar. Lo afayadizo del xuegu ye que nun ties que construyir una nueva economía, como ye lo habitual, entames con una y ties que desfacela y llevala al nuevu mundiu.
Arkham Horror LCG : Los Devoradores de Sueños – Exp. Investigadores
Ficha:
- Xugadores: 1-4
- Duración: 30-120 min
- Edá: +14 años
- Editorial: Fantasy Flight Games
- Fecha: 10 de Mayu
- Precio: 45€
- Ficha BGG
Fantasy Flight sigui col procesu de sacar los ciclos d’Arkham Horror LCG nel nuevu formatu, esta vegada toca-y a Los Devoradores de Sueños. Como siempre, nesta primera entrega vienen toles cartes d’investigador.
Rol
Vamos cola sección de rol, güei traemos dos novedaes, más o menos. Entamamos con Shadowlands Ediciones que si bono nun ye una novedá propiamente dicha, si un nuevu formatu. Tratase de la Caja de Dracula Dossier. La campaña d’Agentes de la Noche qe fai poques selmanes salió, tien agora la posibilidá de mercar tolos llibros n’una caxa. el preciu ye de 189 € y la fecha de salida ye’l día 10.
Pesllamos cola novedá de HT Pubishers, la salida a tiendes d’un proyeutu de financiación, Tecnomagia, Enanos y otras aberraciones, para Enseñanza Mágica Obligatoria.Una espansión pal Setting de Savage Worlds basáu nel cómic del mesmu nome. Nueves aventures, criatures ya arquetipos que salen a la venta’l día 10 al preciu de 25€.
Que m’entra pol güeyu de les novedaes de xuegos de mesa / rol la selmana 19 de 2024
Vamos colo que más me prestó de les novedá d’esta selmana, como siempre voi escoyer una de cada. Anque ya sabéis que dalguna vez faigo trampa 😛 En cuanto a xuegos de mesa, escueyo Rolling Heights de Maldito Games. Paezme una mecánica orixinal, al menos yo nun la conocía. Paez perdivertíu y tien pinta ser guapu na mesa.
Y nos xuegos de rol, pos tengo duldes… Pero creo que me quedo cola Caja de Dracula Dossier de Shadowlands. Ya la vegada anterior tuvo cerca de ser “escoyía”, anque sigo en sin conocer el sistema pero pinta prestosu. Sicasi, Tecnomagia, Enanos y otras aberraciones tien bona pinta de ser divertiu de xugar, y adelántovos que ceo sacaré la mio opinión de la Edición Aventura de Savage Worlds, polo que tamién llamame l’atención.
Finando les noticies de xuegos de mesa de la selmana 19 del 2024
Y na más pa les noticies de la selmana 19 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: