Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 13 del 2023 (pues atopar la cabera equí)
Frostpunk
Ficha:
- Xugadores: 1-4
- Duración: 120 min
- Edá: +18 años
- Editorial : Maldito Games
- Fecha : 30 de marzu
- Preciu: 100€
- Ficha BGG
Macroxuegu que me consta que va al pesu de tolo que trai. Basáu nel videoxuegu homónimu. Ye un xuegu cooperativu nel que la principal premisa ye que la ciudá sobreviva. Nun xugué al vidoexuegu pero’l xuegu de mesa solo por tolo que trai tien bona pinta.
Barrage: La Expansión del Nilo
Ficha:
- Xugadores: 2-4
- Duración: 120 min
- Edá: +13 años
- Editorial : Maldito Games
- Fecha : 30 de marzu
- Preciu: 15€
- Ficha BGG
Espansión de Barrage na que solo se pue xugar de 2-4 xugadores que se pue amestar al retu d’espansiones. Del xuegu base nun vos pueo cuntar más, solo que (creo) ye un xuegu económicu na que ties que xestionar l’agua y xenerar enerxía.
Savernake Forest
Ficha:
- Xugadores: 2-4
- Duración: 30 min
- Edá: +10 años
- Editorial : Devir
- Fecha : Ya a la venta
- Preciu: 15€
- Ficha BGG
Sofita a los animalucos a coyer provisiones pal iviernu. Un xuegu pa tola familia nel que tendremos que dir construyendo’l mapa p’atopar la comida, mentas nos echen un gabitu los diferentes animales de la viesca.
Flowar
Ficha:
- Xugadores: 2-4
- Duración: 60-90 min
- Edá: +12 años
- Editorial : Ediciones Primiegio
- Fecha : 31 de marzu
- Preciu: 50€
- Ficha BGG
La Guerra de les flores ye una celebración pa conmemorar el finar de la guerra de los 200 años, en Flowar tenemos que puxar por tener y cumplir colos meyores contratos, pero ten curiau que los trabayadores puen revelasete. Xuegu que salio pa Essen y que llega a tiendes.
That time you kill me
Ficha:
- Xugadores: 2
- Duración: 25 min
- Edá: +14 años
- Editorial : Tranjis Games
- Fecha : 30 de marzu
- Preciu: 45€
- Ficha BGG
Viaxa nel tiempu, palante y patras, pa probar que yes el creador de la máquina del tiempu. That Time you killed me ye un xuegu astrautu esclusivu pa dos xugadores con escenarios diferentes. Tolo que faigas nel pasáu, repercutirá en presente y futuro.
Rol
Vamos coles novedaes de rol, qu’otra vegá vuelven a ser unes cuantes. Entamamos con Nosolorol qu’espubliza La Liga de los Caballeros ,¡y Damas!, Extravagantes. Un xuegu de rol completu con un sistema de dados de 6 cares nes que vamos a encarnar una serie d’estudiantes que fadrán tolo posible pa que la imaxinación prevaleza. El xuegu ya ta en tiendes y podéis mercalu al preciu de 40€.
Ya pal día 31 de marzu tenemos la novedá d’Edge Studio. Tratse del Kit de Director para Aventuras en Rokugan, l’adautación al sistema de 5ª edición de D&D del mundiu de la Leyenda de los 5 Anillos. Un complementu ui bonu pa dirixir les parties que trae un llibru y amás la pantalla del direutor de xuegu. El preciu de venta ye de 22€.
Siguimos con Edge Studio, que na mesma fecha va sacar la pantalla del Director de Juego de Genesys el sistema xenéricu que pues adautar a cualquier ambientación. Da fechu ya tien nel universu de Star Wars y nos mundos de Terrinoth. El preciu de venta ye de 17€.
Ya pa finar, tenemos la Caja de Iniciación de Pathfinder 2ª Edición de Devir. Tenémosla ya en tiendes al preciu de 40€. Si ye verdá que tien preciu un poco altu pa esti tipu de productos, pero los componentes que pudi ver son de calidá y utiles. Llueu ta’l fechu de si son necesarios o non… Pero eso… A ca cual tien que valorar. Lo que si ye, ye una forma perfeuta d’entamar nesta edición de Pathfinder.
Noticies de xuegos de mesa / rol de la selmana 13 del 2023
Vamos coles noticies d’esta selmana na que vos traigo 3 campañes de mecenazgu y l’anunciu de 2 xuegos por parte d’editoriales españoles. Vien cargá. Entamamos colos xuegos anunciaos. El primeru ye que Delirium Games sigui apostando por la llinia de Dice Throne, y a lo llargu d’esti añu va traer los primeros héroes de la so versión de Marvel. Nun se pue falar de feches pero esperase pa esti añu. Y por parte de Perroloko Games acaben d’anunciar un nuevu xuegu propiu, Satori, fechu por Paco Yañez e ilustráu por Edu Valls (Bitoku). Esperase pa finar el branu, pero pol momentu solo coñuecemos la portá.
Campañes Mecenazgo
Y en cuanto a mecenazgos. Entamamos pol “mecenazgo” de CMON. Permitime que lu nome asina y non como croe que se deberia de nomar… Si quereis otru día falo d’ello. Tratase del xuegu de mesa de la franquicia de videoxuegos Cyberpunk 2077. El xuegu sale por un pledge miminu de 110 $ + VAT (IVA) + unviu… Vamos que sal por un picu. Eso sí, les miniatures como siempre perguapes.
Ya en coses patries tenemos la campaña d’ Incomodos Invitados 2 : Los Casos Berwick de Megacorpin Games. El segundo xuegu de la temática (del primeru falo equí) y que ya ta en Verkami y fundáu. Nesti caso resolveremos el caso de la muerte d’una de les xemeles y prepararemos l’asesinatu de l’otra. Esti xuegu ye esclusivu pa dos xugadores y el pledge mínimu ye de 21€
Y ya pa finar, falavos del xuegu de rol que nos trai dende Kickstarter Other Selves, Against the Darkmaster. Un clon del antiguu xuegu d’El Señor de los Anillos que Joc Internaconal traxo nel so momentu y que foi de los priemeros xuegos de rol que yo xugué y tengo-y munchu ciñu. El xuegu usa’l sistema porcentual (d100) y polo que tuvi lleendo vien a simplificar un poco les regles. El pledge recomendáu (físicu) salvos por 70 euros con manual del xugador y del direutor en cartoné. Per interesante.
Que m’entra pol güeyu de les noticies/novedaes de xuegos de mesa / rol la selmana 13 de 2023
Esta selmana sigui la racha de munches novedaes, a lo que sumamos tamién delles noticies curioses. Como siempre, voi camentar lo que yo me quedaría de toles novedaes. Y nel casu de los xuegos de mesa diría que Flowar d’Ediciones Primegenio. De xuru que Frostpunk m’iba a prestar abondu xugalu. Pero agora mesmo nun cre que paga la pena un xuegu de 100€ cuyo aspeutu visual prestame, la temática tamién pero non m’apasiona. Dexarialos, si los tuviere :P, nel Star Wars Rebellion, que creo qeu si esfrutaría munchu más. ¿Y por qué Flowar? Visualmente ye perguapu, y amás creo que pue ser bastante accesible pa diferentes tipos de xugadores, sin resta-y complexidá. Creo que ye un productu que ta fechu con munchu ciñu y sin prises y un preciu competitivu. Mui bona pinta.
Y en cuanto a xuegos de rol… Pos nun sabría dicir de les dos pantalles que saca Edge Studio, pero nun tengo los xuegos base. De tenelos pues quiciabes dalguna podría ser que la mercara. Si que mercaría la Caja de Iniciación de Pathfinder 2ª Edición de Devir. Ya sabéis que me presten esti tipu de productos, y creo que ye una bona forma de metese nel xuegu. Amás bien con material esgaya pa utilizar, ya no solo pa la caxa si non pa futures aventures.
Finando les noticies de xuegos de mesa de la selmana 13 del 2023
Y na más pa les noticies de la selmana 13 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información y semeyes