Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 17 del 2023 (puedes atopar l’anterior equí)
Into the blue
Ficha:
- Xugadores: 2-5
- Duración: 20 min
- Edá: +8 años
- Editorial: Tranjis Games
- Fecha: 27 d’abril
- Preciu: 23€
- Ficha BGG
Into the Blue ye un xuegu de corte familiar nel que tendremos que llegar al fondu’l mar p’atopar el meyor tesoru. El xuegu basase n’unos daos y la mecánica de push your luck. Un xuego, un más, del prolificu Dr. Knizia.
Scarface 1920
Ficha:
- Xugadores: 1-4
- Duración: 90-150 min
- Edá: +14 años
- Editorial: SD Games
- Fecha: 27 d’abril
- Preciu: 150€
- Ficha BGG
Xuego ambientáu nos años 20 onde llevaremos una familia de mafiosos al más puru estilu del Padrino. Con una producción con una pinta perguapa. La verdá ye que nun tengo muncha idea de cuales puen ser les mecániques, paez que ye un amiestu de colocación de trabayadores, draft y construcción de mazos.
Rol
Vamos ver les novedaes de rol d’esta selmana. Entamamos colo nuevo de El Refugio de Rhyope. Tratase de Microscope, un nuevu conceutu nos xuegos de rol que permiti vivir les aventures de toa una saga, como’l Silmarillion o la Caída de Roma, nuna sola tarde de xuegu. Interesante puntu de vista. El xuegu sal a la venga con un preciu de 23 € y so fecha de salida ye’l día 28.
Vamos agora a HT Publishers, colo nuevo de la Senda d’Aventures d’El Auge de los Señores de las Runas para Pathfinder para Savage Worlds. Tratase de Las espiras de Xin-Shalast el sestu y caberu llibru de la sienda d’aventures cola que se fina esta épica campaña. El preciu de venta, como nel restu de llibros, ye de 25 € y la fecha de salida ye’l 28
Y pa finar col rol, dende Nosolorol tenemos El libro del Olvido, un nuevu suplementu pa Wraith 20 aniversario, otru de los xuegos de Mundo de Tinieblas. La fecha de salida ye el día 27 y el preciu de venta 35 €.
Noticies de xuegos de mesa / rol de la selmana 17 del 2023
Toca agora falar de les noticies d’esta selmana, anque no se son realmente d’esta, pero paecenme interesantes 😛 Entamamos polos xuegos de mesa y colo último de Dracoideas. Tratase de la nueva versión de 2GM Tactics, que torna al teatru Européu con una nueva edición que contien un mapa ya formáu con ales que ye compatible plenamente coles espansiones de l’edición anterior. Si, como ye’l mio casu, ya tenéis el xuegu, tenéis l’opción de mercar solo l’insertu col que vien el xuegu (por 12 € si nun recuerdo mal) El xuegu base podéis atopalu por 45€. Dexovos l’enllaz a la páxina.
Por parte de Fantasy Flight Games, tenemos l’anunciu de la nueva campaña pa Marvel Champions. Tratase de La ProXima Evolución, una campaña centrá nos héroes de X-Force y que nos traera dos nuevos mazos preconstruios con Cable y Dominó. Con esta nueva campaña dase’l pistoletazu de salida al nuevo grupu d’héroes posteriores. Como nota, camentar qu’implementa una nueva mecánica que son los “planes de los héroes”, cartes que los xugadores baxaran a la mesa y sirvirá pa frustrar los planes de los villanos. Dexovos enllaz a la noticia
Y falando de rol, por parte de Shadowlands Ediciones, hai dos nueves aventures pa Llamada de Chtulhu. Son El Receptáculo del Terror y La mirada Hueca, que tan en preventa hasta’l 12 de mayo al preciu conxuntu de 45€ y dixebraos por 25 € ca un. Equí vos dexo l’enllaz
Que m’entra pol güeyu de les noticies/novedaes de xuegos de mesa / rol la selmana 15 de 2023
Esta selmana tengolo cenciello pa ver cual de los xuegos que s’estrenen llevaría pal llar. Y ye, en sin dulda, Scarface 1920 de SD Games. Afayame’l tema, la producción, incluyio les mecániques que paez tener ¿El problema? Pues le que vien siendo habitual, ¡Qué val un riñón! 😛
Tamién me quedaría, como non, cola última parte de la sienda d’aventures de El Auge del Señor de las Runas, las Espiras de Xin-Shalast de HT Publishers. Anque tengo que dicir que la novedá d’ El Refugio me llama l’atención, dende llueu nun diría que non a prebalo.
Finando les noticies de xuegos de mesa de la selmana 17 del 2023
Y na más pa les noticies de la selmana 17 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: