La campaña de financiación d’ Interface Zero (asturianu)lliega a la so recta final, y su editorial, HR Publishers, tuvu a bono’l conceder esta pequeña entrevista pa falar un pocu de la campaña y la propia editorial. Munches gracies, y n’especial a Tiberio, por dedicanos un pocu de tiempu.

Ya falamos de varios de los xuegos d HT Publishers equí, un d’ellos foi de Pathfinder para Savage Worlds, pero nunca tuvimos l’oportunidá de falar con ellos directamente, vamos solucionalo agora.

1.- Pa los que nun coñuezan tovía l’editorial HT Publishers, contanos como xurdió l’idea, cuanto lleváis n’activu…

HT Publishers naz fai casi diez años pa publicar la revista Crítico, a partir d’ehí el proyeutu foi medrando e incorporando a más xente hasta llegar a onde tamos agora.

2.- Tenéis munches llinies potentes, una de les más grande (y nun se si la primera) ye Savage Worlds ¿Cómo xurdió adquirir esa llicencia? ¿Ya os yera conocía y os llanzastis por ella o apaeció de repente y vistes-y posibilidaes?

Queríamos un sistema que fora un poco’l nuesu marcu personal onde poder facer crecer les nueces aventures, ya lo intentaremos con Savage Worlds enbantes, pero nun foi posible.

Sin embargo, cuando ya nos dimos por vencíos, dieronse una serie de circunstancies afortunaes qu’acabaron permitiendo qu’una editorial desconocía, como yéramos nosotros, acabara consiguiendo una llicencia tan prestosa. Yo, que yera un namoráu de Savage Worlds dende que la conocí, nun creyía la suerte que tuvimos.

3.- Savage Worlds ye capaz d’adautare a cualquier ambientación. Nesta campaña d’Interface Xero, 3ª edición, Cyberpunk. La verdá ye que según diba leyendo diba viendo Ghost in the Shell o Altered Carbon. ¿Que nos podéis cuntiar d’esta ambientación?

Ye una de les ambientaciones más conocíes de Savage Worlds, anque esta seya la primera vegada que vaya a tornar al castellán. Ye una ambientación que foi creciendo incorporando influencies, dende’l cyberpunk más clásicu de Gibson hasta les últimes iteraciones del xéneru, metiendo l’afropunk, l’hopepunk, el transhumanismu o’l solar punk como The Expanse. Ye un caxón pergrande onde te cabe to lo que se t’apeteza xugar dientro del xéneru cyberpunk.

4.- Ya falando estrictamente de la campaña, existen varios niveles. El más interesante, el que coxí, foi’l “Conectado a la Red”, pero hai dellos amás d’un montón de metes ya alcanzaes. ¿Cómo valorais la campaña a les puertes de la recta final? ¿Contabais con tantu apoyo? ¿Tenéis dalguna sorpresa pal final?

¡Tenemos un montón de sorpreses sin desvelar! Esperemos que poco a poco se vayan viendo. Por exemplu, ya mencionamos dalguna vegada qu’entre les metes no desvelaes hai la posibilidá de que los llibros vengan con unes solapes afayadices.

5.- Nesta campaña nun vienen incluyíes les regles básiques del sistema. Hai que facese cola edición aventura de Savage Worlds, como ye’l mio casu. En Pathfinder si veníen, esto vien dao pola editorial madre, un tema de la edición que podía dise mui cara…?

Sí, en realidá Pathfinder ye la escepción. Generalmente la empresa madre de Savage Worlds permitite utilizar el so sistema pero non introducir les regles nos llibros. Pa la xente qu’entama ye un oco rollo, pero pa lo que ya tenemos el llibru básicu ye munchu meyor asina porque nun tenemos que pagar una y otra vegada po lo mesmo. Al fin y al cabu, lo más guay de Savage Worlds ye la increyible gama d’opciones de xuegu que t’ofrez.

6.-Ya mirando un poco al futuro ¿Qué hai nel horizonte ceo? ¿Cuáles serán los siguientes pasos?

Tres estos primeros libros d’Interface Zero, l’autor orixinal anunció otru llibru qu’esta a puntu de finar y qu’incluye tres campañes completes, asina como otra serie de libros de cara al futuro. Amás, nos llegamos a un alcuerdu pa que nos permitan desendolcar l’España del 2095 y tamos preparando’l setting de nueso con esta ambientación. DE momentu, l’autor nun nos contó muncho d’ASturies, pero si que m’adelantó que mi amada Aviles alcuentrase medio inundá y lo que yera la Comarca agora ye conocí como L’Archipiélagu

7.- Como sabéis, esti ye un blogue n’asturianu y castellán, asina que suelo facer esta entruga  pa finar. Imaxino qu’equí entraran temes de númberos, pero… ¿Veis factible tornar alguna linea al asturianu o dalgún xuegu nesa llingua?

Pues que sepas, que dalgo hay 🙂 Tamos preparando la espublización d’un xuegu n’asturianu. Tar soyertes! Y hasta equí la entrevista sobre Interface Zero 3.0 de HT Publishers. Munches gracies por responder les nueses entrugues y deseamos un bon cierre de campaña, que de xuru se da. Y vosotros… ¿Ya conocíais la campaña? ¿Prestavos el cyberpunk? Si ye asina echa-y una güeyá, dexovos de nuevu l’enllaz. ¡Gracies por lleer!

Semeyes tomaes de la campaña de HT Publishers