Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 15 del 2023 (pues atopar l’anterior equí)
Setup
Ficha:
- Xugadores: 2-4
- Duración: 20 min
- Edá: +8 años
- Editorial : Beezerwizzer Games
- Fecha : 14 d’abril
- Preciu: 30€
- Ficha BGG
Setup ye un xuegu pensáu pa tola familia de corte astrautu onde intentaremos formar grupos de fiches d’al menos dos. Estes fiches tienen que tener el mesmu valor o facer una escalera con ellos. A grupos de fiches más grandes más puntos.
Monumental + Expansión
Ficha:
- Xugadores: 1-5
- Duración: 90-120 min
- Edá: +10 años
- Editorial : Funforge
- Fecha : 14 d’abril
- Preciu: 80€ el base 60 € espansión
- Ficha BGG
Esplora, espandete e investiga cola tu civilización pa consiguir que seya la meyor y protexer la so cultura. Nel xuegu base ties 5 civilizaciones y pieces de terreno modular a les que pues suma-y les 4 que trai la espansión.
Herores Reunidos 1
Ficha:
- Xugadores: 1-4
- Duración: 45-90 min
- Edá: +14 años
- Editorial : Fantasy Flight Games
- Fecha : 14 d’abril
- Preciu: 70€
Si nun te pudisti facer cola primera olea d’héroes de Marvel Champions equí los tienes tos xuntos na mesma caxa. Nun hai conteníu nuevu, solo’l fechu de que los pues mercar tos a la mesma vegada. Perfeuto si tas entamando y quies nuevos héroes.
Rol
Vamos coles novedaes de rol, pa esta selmana dempués del ponte solo tenemos una de parte de Shadowlands Ediciones. Tratase de La Piel de Toro 1936, pa la Llamada de Chtulhu. Un suplementu cola guía de la Espala de la Guerra Civil. La fecha de salida ye’l día 14 d’abril y el preciu de venta ye de 50€si solo quies el llibru y de 65 si merques la caxa con conteníu aicional como periódicos ambientaos na época etc.
Noticies de xuegos de mesa / rol de la selmana 15 del 2023
Pa novedaes, traigovos l’anunciu por parte de Salt and Pepper Games de ¡Brujería! Un xuegu de cartes en solitariu coles mesmes mecániques (y autores) que ¡Resistid! Pero n’esti casu ambientáu n’un mundiu onde la bruxeria esisti y ties que tener curiáu de que nun te pillen. Nun esiste fecha tovía pero creo que sedrá esti añu. Dexovos l’enllaz como siempre
Que m’entra pol güeyu de les noticies/novedaes de xuegos de mesa / rol la selmana 15 de 2023
Esta selmana dempués del puente nun vienen munches coses, y la verdá ye que nenguna me llama especialmente l’atención. Nun vos voi engañar. Pero de tener que quedame con dalguna de les novedaes diría que me quedaría con Monumental de Funforge. Creo que sedría un xuegu que nun trunfare munchu en casa, amás de que tien tola pinta de qu’a más xugadores más prestosu polo que diba ser complicao que saliere. Pero inicialmente veolu que sedría prestosu al menos echa-y dalguna partida…
En cuanto a los xuegos de rol, nun tengo na de la llinia ni de la Llamada de Chtulhu asina que…
Finando les noticies de xuegos de mesa de la selmana 15 del 2023
Y na más pa les noticies de la selmana 15 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información y semeyes