Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 36 del 2023 (puedes atopar l’anterior equí)
Almoravid
Ficha:
- Xugadores: 1- 2
- Duración: 60-360 min
- Edá: +14 años
- Editorial: Nac Wargames
- Fecha: 4 de Setiembre
- Preciu: 90€.
- Ficha BGG
Almoravid ye un wargame pa los mui cafeteros, con regles denses y estenses. Nel que se va representar les campañes feches por Alfonso VI pa la reconquista d’España escontra l’imperiu Almoravid. Ye la segunda parte de la serie Levy & Campaign Series que representa la guerra operacional na Edá Media.
Discordia
Ficha:
- Xugadores: 1- 4
- Duración: 70 min
- Edá: +12 años
- Editorial: Maldito Games
- Fecha: 7 de Setiembre
- Preciu: 50€.
- Ficha BGG
L’Imperiu Romanu ta nel auxe del so poder. L’emperatriz Agripina y el so fíu Nerón recompensarán col cargu de gobernador a daquién que consiga’l mayor ésitu. Nun periodu de 4 años ties que construyir la meyor estructura, facer decretos, incusiones… To con una base de dados na que buscarás llevar la to ciudá a la victoria.
Descent La Guerra del Traidor (Expansión Acto II)
Ficha:
- Xugadores: 1- 4
- Duración: 3-4h
- Edá: +14 años
- Editorial: Fantasy Flight Games
- Fecha: 8 de Setiembre
- Preciu: 160€.
- Ficha BGG
Que nun vos engañe’l preciu, ye una espansión. Polo que ye necesariu tener el xuegu base. Segundu actu de Descent Leyendas de las Tinieblas, el gran dungeon crawler de los mundios de Terrinoth con más aventures, esta vegada ambientaes na guerra ente Waiqar y Levirax. Hores d’aventures nesti xuegu con escenarios en 3D y guiaos por una app.
Pirámido
Ficha:
- Xugadores: 2- 4
- Duración: 45 min
- Edá: +14 años
- Editorial: Synapse Games
- Fecha: 8 de Setiembre
- Precio: 30€.
- Ficha BGG
El faraón entama a impacientase pola construcción de la priramide, el so llugar de reposu na otra vida. Construyi la meyor piramide enxoyá nesti xuegu de llosetes.
Rol
Vamos con la sección de rol. Y entamamos con Devir y su primer suplementu “rexonal” para El Anillo Único 2ª edición, ye Ruinas del Reino Perdido. Nesti suplementu vamos esplorar les tierres d’Eriador, cuna d’un gran reinu na antigüedá, agora en ruines. Un material perfeutu nel que nos podemos tirar de tiesta na xeografía, ciudaes, etc. Perfechu pa tomar idees pa les nueses futures aventures. El preciu del suplementu ye de 30 € y la fecha de salida ye pal día 8.
Tamién tenemos material pa Dungeons & Dragons, concretamente un nuevu suplementu de campaña. Ye Viajes por la ciudadela Radiante, trece nueves aventures, que nos van llievar del nivel 1 al 14, que nos presenta esta nueva ciudá del Planu Etereu. Estes aventures puen xugase en cualquier escenariu de campaña del xuegu, amás puen xugase individualmente o de manera conxunta en forma de campaña. El llibru sal el día 8 de setiembre al preciu de 60€.
Y pa finar, una novedá de Nosolorol, tratase de Monstruonomicón, un suplementu pa Iron Kingdoms l’escenariu de campaña pa 5ª edición de SRD de D&D. Más de 120 monstruos, tanto nuevos como antiguos adautaos al sistema de 5ª edición. El preciu de venta ye de 40€ y ya debería tar disponible pa mercar.
Noticies de xuegos de mesa y rol de la selmana 36 de 2023
Vamos coles noticies d’esta selmana, qu’amas vienen en forma de mecenazgos. Entamamos pol rol, y ye que HT Publishers abre güei mesmo una campaña de financiación pa un nuevo escenariu de Savage Worlds, ye de Walkure 2075, de ZonkPJ. El clásicu escenariu del Grupo Creativo de La Marca del Este tamién tendrá la so versión pa Savage Worlds. Amás, teneíes la opción de mercar un suplementu d’aventura, Mond der rache, tratase d’una aventura ambientá na Lluna. Tenéis dellos niveles pa participar onde’l mínimu ye de 30€ col xuegu base en tapa blanda. Dexovos l’enllaz por si queréis echar un güeyu
Ya en xuegos de mesa tenemos el proyeutu de Salt&Pepper Games que sacará por Gamefound. Ye Unrelieble Wizard. Un xuegu pa un xugador nel que con un motor de cartes sedremos un aprendiz de magu al qu’el rei manda rescatar a la su fía, to con una estética de xuegu de 8 bits de videoconsola. El proyeutu sal el martes (mañana cuando s’espublize esto) polo que nun tengo tovía información de precios y demás. Dexovos l’enllaz pa que teis sollertes.
Que m’entra pol Güeyu de les noticies/novedaes de xuegos de mesa / rol la selmana 36 de 2023
Notase que ta cerca la seronda, y el mes d’ochobre, un de los meses más fortes nel ámbitu de los xuegos de mesa y rol. Esta selmana tenemos bayura de novedaes nes que destacaré una de ca. Entamaos polos xuegos de mesa, e imaxino que naide s’ablucará cuando diga qu’escueyo Descent La Guerra del Traidor (Expansión Acto II) de Fantasy Flight Games. Si, tien un preciu mui altu. Sí, tovía nun xugué’l xuegu base. Pero tien to pa que me preste. Agora nun lu mercaré, pero si fináu l’actu I se confirma lo que dixi, terminaré cayendo.
Y na parte del rol, tampoco naide s’ablucará qu’escueya Las Ruinas del Reino Perdido de Devir. El mio xuegu favoritu de rol (que xuego bastante menos de lo que quisiere) que si sigui los pasos de l’anterior edición, que to diz que si, nestos suplementos tienen munchu material pa Maestros del Saber. Cultura, rexones, criatures… Pa sacar mil y una idees d’aventures.
Finando les noticies de xuegos de mesa de la selmana 36 del 2023
Y na más pa les noticies de la selmana 36 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: