Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 16 del 2024 (puedes atopar l’anterior equí)
Humedal
Ficha:
- Xugadores: 2-4
- Duración: 45-60 min
- Edá: +10 años
- Editorial: Maldito Games
- Fecha: 18 d’abril
- Precio: 35€
- Ficha BGG
Repuebla l’humedal llevando agua y plantes. Pa ello ties que facer una rede de canales que repartan to pol humedal. Cuanto meyor seya la rede, meyores cartes pues xugar y asina ganar la partía.
Drácula vs Van Helsing
Ficha:
- Xugadores: 2
- Duración: 30 min
- Edá: +10 años
- Editorial: Maldito Games
- Fecha: 18 d’abril
- Precio: 20€
- Ficha BGG
Nesti xuego d’enfrentamientu, nel qu’uno sedrá la criatura la nueche y l’otru el perfamosu cazador, veranse es cares na ciudá inglesa de Whitby ¿Consiguirá Van Helsing cazalu enantes de que Drácula convierta a tola población?
Tanto Monta: El Auge de Isabel y Fernando
Ficha:
- Xugadores: 4
- Duración: 360 min
- Edá: +14 años
- Editorial: Nac Wargames
- Fecha: 18 d’abril
- Precio: 90€
- Ficha BGG
Wargame que recrea l’historia d’España nos tiempos de la Guerra d’Isabel la Católica escontra la so sobrina Juana la Beltraneja. Ca xugador escoyerá una de les faiciones participantes (Castiella, Portugal, Francia y los Reinos árabes) Al paecer a necánica asemeyase al xuegu Here I Stand (de la mesma editorial madre.)
Ahoy
Ficha:
- Xugadores: 2-4
- Duración: 60 min
- Edá: +14 años
- Editorial: 2 Tomates
- Fecha: 18 d’abril
- Precio: 45€
- Ficha BGG
Ahoy ye un xuegu de pirates y contrabandu. Nel to turnu llanzarás los dados y colocaráslos pa facer aiciones, con ellos pues entregar cargamentos y ganar fama que sedrá lo que te de la victoria na partía. Escueye una de les faiciones, executa les habilidaes, amplia la tripulación… To vale pa convertise nun famosu pirata.
Dragonkeepers
Ficha:
- Xugadores: 2-4
- Duración: 20 min
- Edá: +8 años
- Editorial: Devir
- Fecha: 19 d’abril
- Precio: 28€
- Ficha BGG
Convertite nun pastor, pero non nun cualquiera, en Dragonkeepers pastorees dragones. Xuega les cartes y cambia les cartes del llibru máxicu pa pastoriar al meyor dragón.
Dungeon Fighter: Catacumbas de los espectros tenebrosos
Ficha:
- Xugadores: 1-4
- Duración: 45-60 min
- Edá: +8 años
- Editorial: Devir
- Fecha: 19 d’abril
- Precio: 50€
- Ficha BGG
Nueva espansión pa Dungenon Fighter, el xuegu “d’habilidá” y puntería colos dados. Nuevos dados, héroes y sales qu’esplorar pa meyorar la esperiencia del xuegu base.
Rol
Vamos coles novedaes de rol, que tenemos bayura d’elles esta selmana. Entamamos cola novedá de HT Publishers, ye Agencia Espacial un xuegu de rol d’investigación nel que pues ser bieun un axente federal o un terrorista. L’autor del xuegu taba autopublicánsoe, si nun toi equivocáu, y agora llegaron a un acuerdu de collaboración cola empresa asturiana. Con esti manual básicu ties tolo necesario pa les tos partíes. La fecha de salida ye’l día 19 al preciu de 50€
Vamos agora coles novedaes de Devir, y la primera ya l’adautación de El Anillo Único 2ª edición al SRD de 5ª edición de D&D. Nel Señor de los Anillos tenemos toles regles adautaes a esti sistema, al igual que pasaba n’Aventuras de la Tierra Media. Los fanáticos del sistema que nun se queríen meter nos mundos de Tolkien, ya nun tienen escusa 🙂 El preciu de venta ye de 40€.
Siguimos con Devir p’anunciavos Blade Runner el Juego de Rol. Basáu nes películes homónimes, que nos va meter na piel de los Blade Runners y facer les sos investigaciones por esti mundiu noir y de Neón. Nun vi les películes, pero téngoles apuntaes. El preciu ye de 45€.
Shadowlands trainus abondu de novedaes de la serie Agentes de la Noche. Estes novedaes son el manual básicu, y tolos llibros de la serie Dracula Dossier (Libro del Director, Archovos de Edom, Dracula no censurado, Los Documentos de Hawkins). El xuegu ta basáu nel sistema Gumshoe nel qu’encarnaremos lletales cazadores qu’intentará eliminar a les criatures de la nueche.
Nun dexamos los mundios de la nueche pues El Refugio de Ryhope traenos Un vampiro de mil años un xuegu de rol en solitario nel que divagaremos ente la perdida de memoria y los vampiros encarnando a un d’estos. Una criatura de la nueche en sin recuerdos de la vida humana pero con evidencies de que la tivo. La fecha de salida ye’l día 19 al preciu de 40€
Toca agora falar de Cursed Ink, que nos trai la pantalla del narrador de Lex Arcana. Al preciu de 20€ dispondrás de toles referencies básiques y tablas al alcance d’un pequeño vistazu.
Y finamos con Edge Studio y Sectas de Chtulhu. Una guía pala creación d’antagonistes y sectarios. Un material pala creación de los villanos de tus parties, con información de sectes y cultos. El preciu de venta es de 50€
Que m’entra pol güeyu de les novedaes de xuegos de mesa / rol la selmana 16 de 2024
Esta selmana hay delles novedaes tanto en xuegos de mesa como de rol. De los primeros nun hai na especialmente que me llame l’atención, bono… hableo hay-lo, Tanto Monta de NAC, pero ye un xuegu que sedrá difícil que puea llegar xugar
Nos xuegos de rol si tengo varies coses interesantes. Como no… El Señor de los Anillos de Devir ye un. La cabra tira pal monte. Pero tamién un Vampiro de 100 Años de El Refugio (ser solitariu ye prestoso) y Blade Runner de Devir llaman l’atención.
Finando les noticies de xuegos de mesa de la selmana 16 del 2024
Y na más pa les noticies de la selmana 16 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: