Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 6 del 2024 (puedes atopar l’anterior equí)
Expediciones Alrededor del Mundo
Ficha:
- Xugadores: 2-6
- Duración:30-45 min
- Edá: +8 años
- Editorial: Arrakis Games
- Fecha: 8 de Febreru
- Precio: 40 €
- Ficha BGG
Xuegu pa tola familia nel que tenemos que dir completando misiones d’esploración de manera secreta, amás de discernir cuáles son les misiones de los otros xugadores, mientes esploramos y deprendemos les diferentes cultures durante el nuesu viaxe.
Platformer
Ficha:
- Xugadores: 1-4
- Duración:60-90 min
- Edá: +8 años
- Editorial: Maldito Games
- Fecha: 8 de Febreru
- Precio: 35 €
- Ficha BGG
Platformer ye un xuegu competitivu de plataformes. Salta sobre elles, reuni oru, derrota monstruos… L’oxetivu final ye derrotar al xefe enantes de que lo faigan el restu xugadores. ¿Consiguiraslo? Compiti nesta tierra de fantasía onde los peligros medre a ca pasu (o plataforma)
Celtae
Ficha:
- Xugadores: 1-4
- Duración 50-100 min
- Edá: +10 años
- Editorial: Maldito Games
- Fecha: 8 de Febreru
- Precio: 40 €
- Ficha BGG
En Celtae yes un líder d’una tribu celta que busca medrar por Europa. Reuni recursos, entrena guerreros, etc nesti xuegu d’intercambiu de trabayadores impulsaos por un rondel. Consigui llevar la to tribu a la victoria.
Dungeon Lite : Orcs and Knights – Specters and Ghouls
Ficha:
- Xugadores: 1-4
- Duración 90 min
- Edá: +14 años
- Editorial: Gen X Games
- Fecha: 9 de Febreru
- Precio: 30 €
- Ficha BGG
Espansión pa Dungeon Lite, xuegu de mazmorreo qu’intenta condensar l’esperiencia nuna caxa pequeña. Con esta espansión añades nuevu material al xuegu base pa espander y enriquecer el xuegu.
Rol
Vamos cola sección de rol, y facemoslo con Nosolorol que nos trai un par de kits de Narrador + Pantalla. El primeru d’ellos ye de Cazador : La Venganza 5ª Edición. L’otru para Vampiro la Mascarada 5ª Edición, esti caberu nun se que se podrá diferenciar de la ya espublizada, al menos les tapes son diferentes. No obstante, y n’ambos casos, información de consulta rápida pa los narradores asina como nuevos conteníos p’ameyorar les partíes de Mundo de Tinieblas. El preciu de ca una ye de 30 € y la fecha de salida ye’l día 8
Y pa finar, tenemos una novedá de HT Publishers, para la llinia de Pathfinder Salvaje. Ye la Guía Avanzada del xugador. Nuevu equipu, nueves ventaxes, nueves ascendencies y clases p’añadir a les partíes de Pathfinder col motor de Savege Worlds. La fecha de salida del suplementu ye’l día 9 y el preciu en físico 25 €.
Que m’entra pol güeyu de les noticies/novedaes de xuegos de mesa / rol la selmana 6 de 2024
Vamos colo que me prestaría probar y/o tener d’esta slemana 6. Ya con más novedaes de xuegos, escoyeré una de cada como vien siendo habiutal. Nos xuegos de mesa, l’escoyíu ye Celtae de Maldito Games, la temática prestame y paez tener unes mecániques entreteníes. Amás, pue xugase en solitario… Prestariame probalu.
Y en cuanto a xuegos de rol, l’escoyíu ye La Guía del Jugador Avanzada para Pathfinder Salvaje de HT Publishers. La llinia paezme mui afayadiza y lo que llei tamién. Nuevu material al ya abondu hai, porque díbamos dicir que non!
Finando les noticies de xuegos de mesa de la selmana 6 del 2024
Y na más pa les noticies de la selmana 6 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: