Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 10 del 2024 (puedes atopar l’anterior equí)
La Era de la Innovación
Ficha:
- Xugadores: 1-5
- Duración:40-200 min
- Edá: +14 años
- Editorial: Maldito Games
- Fecha: Ya en venta
- Precio: 80 €
- Ficha BGG
U xuegu que paez basáu nel mesmu mundiu que Terra Mystica. Controla una de les doce faiciones y espande y asoleya territorios controlando hexágonos. Contrata y construyi nun mundu onde competirás pol terrenu escontra’l restu xugadores. Munches faiciones y habilidaes dixebraes pa que ca partía nun seya igual.
Mineros del Imperio
Ficha:
- Xugadores: 1-5
- Duración: 30-60 min
- Edá: +14 años
- Editorial: Maldito Games
- Fecha: Ya en venta
- Precio: 35 €
- Ficha BGG
Espande l’imperiu, pero esta vegada baxo tierra. Un xuegu de construcción de tableru nel que tolos xugadores activarán les cartes al mesmu tiempu, faciendo reacciones en cadena. Xugar les cartes nel momentu propio, fadrá que realices combinaciones bones y llevate la partía.
Salton Sea
Ficha:
- Jugadores: 1-4
- Duración: 120 min
- Edad: +14 años
- Editorial: Devir
- Fecha: Ya en venta
- Precio: 30 €
- Ficha BGG
Nuevu xuegu de Devir, col mesmu formatu que Red Cathedral y White Castle. Nesti casu vamos xugar en salton Sea, un llugar de California que ye prospero pa xenerar enerxía termodinámica. Un xuegu de colocación de trabayadores y xestión de mano con bona pinta.
Escapa: Apagón en Tokyo
Ficha:
- Xugadores: 1-6
- Duración: 60 min
- Edá: +12 años
- Editorial: Mercurio
- Fecha: 8 de Marzu
- Precio: 14.5 €
Nuevu escape room de tamañu bolsillu que pues llevar a cualquier llau. Nesti casu, mediante cartes, ties que solucionar un apagón en Tokyo.
Rol
Vamos coles novedaes de xuegos de rol d’esta selmana. Nesti casu traigovos dos. Entamamos con Nosolorol, que nos trai Agentes de Dune, una nueva y completa caxa d’aniciu pal xuegu Dune: Aventuras en el Imperio que vien llena de componentes. Dados, personaxes pre fechos, aventura, cartes… Amás, y nun suel ser habitual, vien el códigu descarga pa consiguir el manual básicu en dixital, pa que les aventure nun queden ehí. La caxa ya ta a la venta al preciu de 65€.
Y la otra novedá que vos traigo ye pa Pathfinder Segunda Edición, de Devir. Ye El Gran Bazar. Por 40€ tenéis accesu a bayuda d’oxetos mundanos y maravillosos pa poder prebar la meyor combinación pa los vuesos personaxes. Vayas a mercar, o solo pasiar poles calles de los bazares de Golarion, paez un suplementu curiosu. Ya lu tenéis pa mercar nes tiendes.
Que m’entra pol güeyu de les noticies/novedaes de xuegos de mesa / rol la selmana 10 de 2024
Vamos colo que mercaría nesta selmana 10 de les novedaes de xuegos de mesa y rol. Nun hai munches, pero si delles coses interesantes. Como siempre, escoyeré una de “ca campu”. Entamamos colos xuegos de mesa y voi quedame con Salton Sea de Devir. Lo poco que pudi ver paeciome perintereante, formatu bonu y preciu curiosu. Tien papeletes pa que m’afaye.
Y nos xuegos de rol, escueyo Agentes de Dune de Nosolorol. L’ambientación prestame abondu, tres lleer el llibru y ver la primera de les películes nueves, güeyé varies vegaes el manual básicu, polo qu’esti modu d’accesu al xuegu creo que ye mui prestosu. Y sí, ye daqué caru pa lo que suele ser estes caxes, pero tra-y material a bayura.
Finando les noticies de xuegos de mesa de la selmana 10 del 2024
Y na más pa les noticies de la selmana 10 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: