Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 11 del 2024 (puedes atopar l’anterior equí)
Dragones del Mar
Ficha:
- Xugadores: 2-5
- Duración:40 min
- Edá: +8 años
- Editorial: Maldito Games
- Fecha: 14 de Marzu
- Precio: 35 €
- Ficha BGG
Protexe los reinos marinos de los temibles pirates llevando’l to propiu clan de cuelebres. Xuega cartes de patrón pa xugar los cuelebres y cubri’l másimu territuriu que pueas, teniendo en cuenta que los cuelebres son mui territoriales. Protexe y consigui’l meyor tesoru!
Mythwind
Ficha:
- Xugadores: 1-4
- Duración:30-60 min
- Edá: +13 años
- Editorial: BumbleBee
- Fecha: 15 de Marzu
- Precio: 90 €
- Ficha BGG
Mythwind ye un xuegu de mundu persistente y abiertu nel que controlaremosun pioneru teniendo que qu’espander la nuesa ciudá. Xuegu cooperativu que funciona por estaciones lo que fai que nun s’allarguen abondu les partíes. Una de les coses interesantes, aparte de que ye perguapu ye que ca pioneru tien una mecánica dixebrá, pudiendo dir xugando con caún sin que se pierdan los progresos.
Rol
Vamos colos xuegos de rol, que tamién tenemos dellos. Entamamos cola novedá de l Refugio de Ryhope que nos trai Virgenes y Arpias. Un xuegu nel que damos vida a una muyer del folclor y mitoloxía que tendrá que dir superando retos y empoderanddose. Un xuegu qu’invita a cambiar el status quo de les muyeres nel folclor y la mitoloxía. El preciu ye de 16€ u sal el día 15
Por parte de Shadowlands, tenemos al preciu de 40€ el primer recoplatoriu d’aventures pa Raven, De Tenebrosos gatos y olvidadas lápidas. 8 nueves aventures pal xuegu de terror góticu inspiráu na obra de Edgar allan Poe. La fecha d’espublize ye’l 15.
Y pesyamos cola novedá de Devir, tamién pal día 15, na llinia de Vaesen. Ye La Saga de la Montaña Perdida. Una nueva campaña épica de 5 misterios pal xuegu de fantasía escura basá nos mitos nórdicos. Como curiosidá, la campaña ta basá nel podcast de l’actriz Ellinor DiLorenzo del mesmu nome.
Que m’entra pol güeyu de les noticies/novedaes de xuegos de mesa / rol la selmana 11 de 2024
Si otres selmanes tenía más dubida, esta selmana tengolo perclaro no qu’escoyería de les novedaes d’esta selmana. Tocante a los xuegos de mesa, quedome con Mythwind de BumbleBee. Tolo que vi paezme perguapo, l’aspeutu gráficu, el poder xugar en solitariu sin que s’allargue munchu’l tiempu de partía o’l set-up… Ye daqué caru, sí, pero creo que lu amortizaría daes les circustancies que m’alcuentro agora, que me cuesta xugar pola pereza de montar un xuegu en solitariu que me llieve munchu tiempu
Y no tocante a los xuegos de rol ,quedariame con Vírgenes y Arpías d’El Refugio, creo que ta mui bona la premisa que ponen, y si me permitís la llicencia creo que ye hasta necesariu esi cambiu de modu de ver les muyeres nel folclor y la mitoloxía. Perinteresante.
Finando les noticies de xuegos de mesa de la selmana 11 del 2024
Y na más pa les noticies de la selmana 11 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: