Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 40 del 2023 (puedes atopar l’anterior equí)
Expediciones
Ficha:
- Xugadores: 1-5
- Duración: 60-90 min
- Edá: +14 años
- Editorial: Maldito Games
- Fecha: 5 d’Ochobre
- Preciu: 75€
- Ficha BGG
Si falasemos en términos de cine, sedría un spin-off del aclamáu Scythe. Basáu nel mesmu mundiu, Exploradores ye un xuegu d’esploración onde xugaremos cartes p’ameyorar los nuesos trabayadores, mover el mech de nueso y descubrir nuevos llugares , usar oxetos, etc pa eliminar la corrupción na Tierra.
Forest Shuffle
Ficha:
- Xugadores: 2-4
- Duración: 60 min
- Edá: +10 años
- Editorial: Lookout Games
- Fecha: 6 d’Ochobre
- Preciu: 28€
- Ficha BGG
Forest Shuffle ye un xuegu de cartes nel que paez que tenemos que dir construyendo refuxos a les criatures de la viesca, ya qu’estes solo se sienten seguros baxo l’amparu los árboles. Camentar que paez tener unes semeyes perguapes.
Amritsar: The Golden Temple
Ficha:
- Xugadores: 2-4
- Duración: 60-120 min
- Edá: +14 años
- Editorial: Ludonova
- Fecha: 6 d’Ochobre
- Preciu: 50€
- Ficha BGG
Como suel ser habitual nestes feches, Ludonova trainos el nuevu xuegu propiu. N’Amritsar vamos ser les personalidaes que sofitaron al majarajá de la época pa construyir el Templu Doráu. El xuegu paez compaxinar mecániques de mancala con colocación de trabayadores. Amás, pues consiguir unes monedes metáliques pa “deluxificar” el xuegu
Las Dos Torres – Expansión de Saga El Señor de los Anillos LCG
Ficha:
- Xugadores: 2-4
- Duración: 30-120 min
- Edá: +14 años
- Editorial: Fantasy Flight Games
- Fecha: 6 d’Ochobre
- Preciu: 70€
Por esta época, mas o menos, tuvimos l’espansión de la Comunidá del Aniellu, toca agora a Les Dos Torres, ques nos van llievar d’aventures polos socesos d’esti segundu llibru de la Saga. Xuntate a Aragorn, Legolas o Gimli o bien echa-y un gabitu a Frodo pa llegar a Mordor. Nesta caxa tenemos el conteníu de les antigues caxes de La Traición de Saruman y La Tierra de la Sombra
Waterfall Park
Ficha:
- Xugadores: 3-5
- Duración: 60-120 min
- Edá: +10 años
- Editorial: Repos Production
- Fecha: 6 d’Ochobre
- Preciu: 45€
- Ficha BGG
Curiosu númberu de xugadores, a partir de 3 esti Waterfall Park, nel que tenemos que diseñar el el parque temáticu de nueso. El problema ye que l’espaciu ye reducíu, asina que tenemos que dir intercambiando les nueses atracciones y negociar con elles, coles ubicaciones o con perres.
Rol
Vamos coles novedaes de rol, y entamamos con Shadowlands Ediciones y un nuevu suplementu para la llinia d’Esoterroristas, se trata de Manual de Invocación del Esoterror. Un manual que nos presenta la Ordo Veritatis, cuya misión ye eliminar les criatures de l’escuridá esterior, y al paecer nun yos va mui bono. La salida ye’l día 6 y el preciu de venta 35€.
Y pa finar, anque no ye un xuegu de rol o suplementu per sé, traemos las Losetas Tierras Salvajes y Marítimas para Iron Kingdoms de Nosolorol. Contien un xuegu de 24 llosetes de 6×6 que vos ayudaran a ambientar les vueses partíes nestes tierres. La fecha de salida ye’l día 6 y el preciu de venta 20€
Que m’entra pol güeyu de les noticies/novedaes de xuegos de mesa / rol la selmana 40 de 2023
Llegamos a la selmana de la Feria d’Essen, la gran feria de xuegos de mea del continente on de se presenten más de mil xuegos (la mayoría tan n’inglés/alemán caro) Sicasi, les editoriales españoles, ca vegada lleven más xuegos pa presentar durante la feria. Como nel nuesu casu nun podemos dir, vamos centranos no que si sal esta selmana a la vena. Voy quedame con un par de xuegos de mesa, imaxino qu’un ya lo acertaríais.
El primeru de tos ye Expediciones de Maldito Games. Si que ye un poco caru, pero la verdá ye que l’aspeutu llamame. De xuru nun lu termine mercando, pero d’escoyer sería un de los dos de los que me quedaría esta selmana. L’otru de los xuegos ye La Expansión de Saga de Las Dos Torres para el Señor de los Anillos LCG de Fantasy Flight Games. Nenguna sorpresa, si se saca daque del meyor xuegu de tolos tiempos, se merca. Esti si que lu terminaré mercando más ceo que lloñe.
Finando les noticies de xuegos de mesa de la selmana 40 del 2023
Y na más pa les noticies de la selmana 40 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: