Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 37 del 2023 (puedes atopar l’anterior equí)
Troles Y Princesas
Ficha:
- Xugadores: 2-4
- Duración: 90-120 min
- Edá: +12 años
- Editorial: Maldito Games
- Fecha: 14 de Setiembre
- Preciu: 65€ / 100€ edición Deluxe.
- Ficha BGG
Lo de que los trols son grandes y fatos ya quedo p’atrás. Equí hasta nun fai munchu conviven con nos. Troles y Princesas ye un xuegu de colocación de trabayadores nel que sedremos un clan de trols que gueta por facese col favor del rei. Obtén favores faciendo les tarees típiques d’un trol pa ser el que más puntos de victoria tenga.
Fliptown
Ficha:
- Xugadores: 1-4
- Duración: 30-45 min
- Edá: +12 años
- Editorial: Maldito Games
- Fecha: 14 de Setiembre
- Preciu: 27€ / Espansión 12€
- Ficha BGG
Xuegu de Flip&Write nel Salvaxe Oeste con baraxa de poker y bon aspeutu visual al menos d’entamu.
Dixit Disney
Ficha:
- Xugadores: 3-6
- Duración: 30 min
- Edá: +12 años
- Editorial: Libellud
- Fecha: 15 de septiembre
- Preciu: 35€
- Ficha BGG
Nueva versión del clásicu xuegu de mesa totalmente independiente pero esta vegada cola temática de la perconocía Disney. Mesmes regles, pero con nuevu material.
Vampiro la Mascarada : Chapters + Expansiones
Ficha:
- Xugadores: 1-4
- Duración: 30-60 min
- Edá: +18 años
- Editorial: Nosolorol
- Fecha: ya a la venta
- Preciu:225€ xuegu base/ 40€ espansiones
- Ficha BGG
Una crónica de Vampiro la Mascarada llevá a xuegu de mesa nesta “monstruosidad” (nel bon xentíu, y nunca meyor dicho) de xuegu. El xuegu ten la so hestoria en Montreal, y ca decisión que tomes afeutará nel cursu de los vástagos que controléis. Una esperiencia que podéis aumentar mercando les espansiones. Miniatures, cartes, tableros… Tais preparaes/os pa lluchar escontra’l mundiu y la vuesa bestia interior?
Rol
Vamos agora coles novedaes de xuegos de rol, y entamamos con Edge Studio, que nos trai una nueva guía d’ambientación pa la Llamada de Chtulhu, tratase de Chtulhu Edad Oscura onde nos guiará pa crear partíes d’esti xuegu na edá media, época de viquingos, castiellos y señores feudales a los que naide salva del terror a l’oscuridá. El suplementu sal a la venta’l día 15 al preciu de 45€.
Por parte de Nosolorol ya tenemos a la venta Duelos y Quebrantos un suplementu pa Villa y Corte, el xuegu basáu n’Aquelarre, nel que podremos interpretar personaxes d’España nel Sieglu d’Oro. Al más puru estilu Alatriste. El preciu del suplementu ye de 20€.
Que m’entra pol güeyu de les noticies/novedaes de xuegos de mesa / rol la selmana 37 de 2023
Vamos cola habitual sección de que coxeria d’esta selmana. Nesti casu, solo voi escoyer una de les novedaes de xuegos de mesa. Y como la selmana pasá, y col mi güeyu de no cabero fixame nes coses cares… Llevariame Vampiro La Mascarada Chapters de Nosolorol. A diferencia de la selmana pasá, nesti casu ye complicao qu’esti xuegu termine en casa. Non porque lu vea peor xuegu o porque creya que ye una esperiencia peor, de fechu paezme que tien mui bona pinta. Va más nel fechu de tener que pa mi ye un desembolsu económicu mui grande, al menos nesti momentu. Si dalgún/a de los mis collacies/os quier mercalu ente 2 o 3, ye estudiable. Ya sabéis por onde ando 😛
Finando les noticies de xuegos de mesa de la selmana 37 del 2023
Y na más pa les noticies de la selmana 37 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: