Cono n’esti blogue vamos al nuesu ritmu, :P, por fin entamé a xugar l’Ato 1 de Descent quiciabes movíu por ver que ya s’espublizó l’Actu 2. Asina que.. Traigovos les mis primeres impresiones de Descent Leyendas de las Tinieblas de Fantasy Flight Games n’asturianu

¿De qué va Descent Leyenda de las Tinieblas?

Descent Leyendas de las Tinieblas ye un xuegu ambintáu nos Reinos de Terrinoth, un mundiu que ya dio xuegos de mesa y rol a bayura, y que sigui dando que falar. Lo cierto ye que tamién esisten noveles, pero nesti casu nun se que foi primero’l güevu o la pita, los xuegos o los llibros. Creo que los xuegos pero nun pongo la mano nel fueu. Sedremos unos héroes que lluchen polos sos ideales, entama cola baronía de Forthyn y llueu… Quién sabe 🙂

Descent Leyendas de las Tinieblas ye un dungeon crawler clásicu, de los de mazmorres y combates nel que nos apoyaremos n’una aplicación pa guiar a los enemigos y nos guie pola aventura. Vamos con eses priemeres impreseiones de Descent Leyenda de las Tinieblas

Primeres impresiones de Descent Leyenda de las Tinieblas n’asturianu

Vamos con ello. Nun voi a entrar n’aspeutos de si la campaña Sangre y Llamas ye interesante o non, pa ello debería finala, si comentaré la producción, mecánica y demás coles mios primeres opiniones. Y entamamos polo que se ve, por esa enorme caxa cargá de coses. Cola verdá por delantre, hai que dicir que ye un xuegu caru. Más de 150€ de caxa son perres. Pero, tamién hai que dicir, que tra-y munchu y aparentemente de boba calidá. Les miniatures son una pasada. Creo que podría dicir que de los xuegos de Fantasy Flight Games que tengo son les meyores sin dulda nenguna. Bon tamañu y detalles. Trai, les habituales nestos xuegos, llosetes de terrenu, pero tamién “mobiliariu”, meses, escaleres, armarios, pudiendo armar mazmorres en 3D, Sí que vi elementos de puertes y cofres en dellos xuegos, pero varios niveles nunca.

El restu de materiales, como vien siendo habitual (o yera) na empresa son de bona calidá. A mi, por exemplu, hai delles semeyes que nun m’afayen del to, pero ye daqué personal. El xuegu cuando tes na mesa xugandolu, lluz munchu. Eso nun se pue negar.

¿Y les mecániques qué?

Vamos ver como se xuega, mui per enriba, a esti Descent Leyenda de las Tinieblas. Nel turnu del nuesu héroe dispondremos de 3 aiciones, de les cuales una al menos tien que ser movese. Llueu podemos, atacar, interautuar, recargar (llueu lo vemos). Por supuesto, cuando mueves pues mover parte, facer otra aición, y finar el movimientu llueu. Pa facer les tiraes d’ataque ca héroe tien un dadu, marcáu na so ficha, pa tirar. Cuantes más estrelles saques nel dau, más esitos. Cenciello. Tamién ties la posibilidá de cambiar resultaos de + por ésitos, poniendonos fatiga (suenavos la esperanza d ‘El Señor de los Anillos Viajes por la Tierra Media) y resultaos de rayu” p’activar habilidaes de los personaxe o de los oxetos equipaos (¿Imperial Assault?) Mui a grandes rasgos esti ye’l funcionamientu del xuegu. Cuando ataques, selecciones enemigu na aplicación y pones los ésitos y l’arma qu’usa. Ella ya fai’l cálculu. Lo mesmo pa interautuar con daqué oxetu o elementu.

Una de les coses que más me llamo l’atención foi que casi toles cartes tien dos cares. Les armes, la propia fueya del personaxe… Esto ye pa la mecánica de la fatiga y recargar. Ca vegada qu’uses una habilidá d’un arma, del personaxe o cambies el resultáu del dau asigneste tensión. Pero… Pues facelo hasta un llimite, les cartes te lo dirán. Un vegada que lliegues nun pues gastar más fatiga nesa carta ¿Como pues activala de nuevu? Recargando, esto ye da-y la vuelta a la carta y quitando tolos contadores. Eso si, les cartes tendrán otres habilidaes. Esta xestión de que cara ye la más conveniente ye perinteresante.

Les Armas

Esto vese mui bono , sobre to nes armes. Cuando escueyes personaxe ties dos cartes d’arma. De ca una solo pues escoyer una cara, y una tien que ser “avanzá” y otra” normal” Esta elección paezme super entretenía. Con ca personaxe nun ye que vayas tener delles opciones mui dixebraes, pero si que cambia daqué na estratexa en función de la configuración.

¿La App paez intrusiva?

Nun nos engañemos, si nun te gusten les aplicaciones movil nos xuegos de mesa, ye mui probable que Descent Leyenda de las Tinieblas nun te preste. Agora… Yo nun diría que ye intrusiva, vas apoyate n’ella pa crear los escenarios, colocar los enemigos, qu’ataquen, etc. Amás tien música, voces cuando faes aiciones, paezme que ta bona (en sin entrar si tien dalgún bug nes posibles decisiones de los personaxes)

Resumen final

Vamos col resumen d’estes primeres impresiones de Descent Leyendas de las Tinieblas n’asturianu, un dungeon crawler nel que pa mover los enemigos y les dificultaes del escenario basase nuna Ia que ye una aplicación de móvil. Polo demas tien la esencia de los clásicos, con un amestu de mecániques de xuegos de la propia casa que, al menos na primera partía, fixolu entreteníu y tengo ganes de siguir xugando. De regles cencielles, que s’aprenden rápido. De fechu, apenes tuvi que consultar el manual d’aniciu de xuegu. To bastante claro y evidente.

Por supuesto, hai que dicir que l’aspeutu visual ye increyible, con miniatures perbones esculpies, los tableros de xuegu en 3D, cartes y componentes de calidá.. Nun hai quexa, y si no cabero la hestoria respuende taremos ante un xuegazu. La pega de to esto, obvio, ye’l preciu del productu. Agora mesmo’l PVP ye de 175 € (cuando yo lu merqué nun subieron los precios tovía), un dineral. Hai que tar seguru de gastalo. Nel mi casu, paez qu’invertí bono… Ver veremos.

Como dixi, toma mecániques d’otros xuegos de la casa como El Señor de los Anillos Viajes por La Tierra Media. Pero nesti casu, y repito tres d’una primera impresión, si la temática de Tolkien nun ye la to predilección y busques un dungeon crawler de los de siempre, escoyería esti d’entamu. Non porque l’otru seya mal xuegu, son dixebraos. Equí paez haber más mazmorreo persé. En Viajes por la Tierra Media ye mas esploración.

Y vamos pesllando estes primeres impresiones de Descent Leyendas de las Tinieblas n’asturianu ¿Caltendré les opiniones tres de la campaña o quedará en tierra de naide? Pa eso, tenéis qu’esperar al Falando de Correspondiente 😛 ¡Gracies por lleer!