Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 32 del 2024 (puedes atopar l’anterior equí)
Pampero + Expansiones
Ficha:
- Xugadores: 1-4
- Duración: 120 min
- Edá: +14 años
- Editorial: Maldito Games
- Fecha: 8 d’Agostu
- Precio:120€ Base / 20 € espansiones
- Ficha BGG
En Pampero tenemos que meyorar el suministru llétricu de les zones rurales d’Uruguay, pa llueu medrar al restu de zones. Pa ello usaremos el fenómenu ivernal denomináu Pampero. Nel xuegu lo veremos como una xestión de mano y selección de cartes d’aición que nos va pidir tener una bona estratexa ya que los criterios de puntuación van dir variando. Cumple la demanda y los requisitos del pais y se’l que mas beneficios tien, siendo’l que gana la partía.
Conservas
Ficha:
- Xugadores: 1
- Duración: 25-40 min
- Edá: +10 años
- Editorial: Salt & Pepper
- Fecha: 8 d’Agostu
- Precio: 35€
- Ficha BGG
Xuegu esclusivu pa solitariu que na na llinia de ¡Resistid! y ¡Brujeria! Pero nesti casu lo que xestionaremos ye una pequeña conservera. Coyeremos el nuesu barcu, pescaremos y decidiremos que nos quedamos y que tiramos pala mar pa que sigan medrando, ya que tenemos que mantener l’ecosistema, etc. Pa to ello vamos valenos d’un motor de cartes. El xuegu tien 12 escenarios caún coles propies regles y oxetivos.
Dune: La Guerra de Arrakis + Expansión
Ficha:
- Xugadores: 1 – 4
- Duración: 120 min
- Edá: +14 años
- Editorial:CMON
- Fecha: 9 d’Agostu
- Precio:140€ Base / 50€ espansión
- Ficha BGG
Revivi la Guerra ente los Harkonen y los Fremen llideraos por Paul Muad’Dib, de la casa Atreides, contá nos llibros de la famosa saga de Frank Herbert. Esti xuegu, de los mesmos creadores de Guerra del Anillo (el xuegu de miniatures) imaxino que s’asemeyará bastante anque con diferencies. Por exemplu que se pue xugar en solitario. Tamos ante un xuegu asimetricu nel que ca faición valdráse de les sos fortaleces pa llevase la victoria.
Que m’entra pol güeyu de les novedaes de xuegos de mesa / rol la selmana 32 de 2024
Notase que tamos n’Agostu y hai bastante parón, sicasi esta selmana vien poco pero bono. De primeres préstenme tos por motivos varios. Pampero pola estética, Dune La Guerra de Arrakis pol tema y porque tengo gana de xugar a Guerra del Anillo… Pero quédome con Conservas de Salt&Pepper. Quiciabes el tema nun ye lo que más m’afaye, pero claro… Los otros dos son xuegos de más de 100 €, que nun se si amortizare. A la contra, Conservas tien un preciu, y una duración que tamién ye relevante, bastante axustáu. Amás, paez que tien perbona producción. Nun vos negaré que foi difícil quedase con un, pero… Los tiempos manden y les perres son les perres 😛
Finando les noticies de xuegos de mesa de la selmana 32 del 2024
Y na más pa les noticies de la selmana 32 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: