Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 27 del 2024 (puedes atopar l’anterior equí)
Ratas de Wistar
Ficha:
- Xugadores: 1-4
- Duración: 90 min
- Edá: +13 años
- Editorial: Maldito Games
- Fecha: Ya en tiendas
- Preciu:55€
- Ficha BGG
Se una de les rates qu’organizaron el famosu viaxe al institutu Wistar, lliderando la to familia y demostrando que yes la más prepara. Ratas de Wistar ye un xuegu d’estratexa onde planifiques les tos aiciones nun rondel que dirá xirando. Esplora y desendolca el to tableru personal pa ganar la partía.
Exit: El Legado del Profesor / Exit : Secustro en Fortune City
Ficha:
- Xugadores: 1-4
- Duración: 60 min
- Edá: +12/+10 años
- Editorial: Devir
- Fecha: Ya en tiendas
- Preciu:15€
Dos nuevos productos de la llinia de xuegos d’escape room, nesti casu son los dos del nivel avanzáu. El primero d’ellos , ties que resolver runa serie d’enigmes y misterios qu’el to antigüu y fallecíu profesor te dexare. Nel segundo ties que lliberar al sherif d’un secuestru.
Dungeon Universalis: El Oraculo de la Serpiente y Mapa de Campaña
Ficha:
- Xugadores: 3-6
- Duración: 120 min
- Edá: +10 años
- Editorial: Ludic Dragon
- Fecha: 5 de xunetu
- Preciu:15€
- Ficha BGG
Nueva espansión pal Dungeon Crawler, Dungeon Universalis con una campaña d’aventures nueves pa siguir esplorando esti mundiu de maxa y fantasía.
TraePaCa
Ficha:
- Xugadores: 3-8
- Duración: 10min
- Edá: +8 años
- Editorial: Mercurio
- Fecha: 5 de Xunetu
- Preciu:15€
Xuegu pa cualquier fiesta o eventu multitudinariu que tengas pol llar. En TraePaCa ties que contar patates sin parar, tratando que nun te quiten el llápiz y nel casu de perdelu, recuperalu ceo!
Banda de Castores
Ficha:
- Xugadores: 2-6
- Duración: 20 min
- Edá: +6 años
- Editorial: Mercurio
- Fecha: 5 de Xunetu
- Preciu:15€
Xuegu, paez que pa los más peques, nel que pol mediu de cartes tenemos que zambullinos y causar confusión. Tirando de memoria (les cartes tan boca baxo) hai qu’intercambiar cartes tratando de quedate colos valores más baxos.
Rol
Vamos cola novedá de rol que nos trai Outremer. Ye Thousand Suns un xuegu de ciencia ficción basáu nos clásicos de los años 50, 60 y 70. Tratase d’un xuegu completu col sistema 12º, polo que solo necesitarás dos dados de 12 cares. Amás de les regles, tamién tien una ambientación completa y un sector espacial llistu pa xugar. El xuegu tien un preciu de 30€ y ya lu tenéis en tiendes.
Que m’entra pol güeyu de les novedaes de xuegos de mesa / rol la selmana 27 de 2024
Como vien siendo habitual, vamos camentar lo que más me llama l’atención d’esta selmana 27 na que nun hai munches novedaes. De fechu, solo voi quedame con un xuegu de mesa. Ratas de Wistar de Maldito Games paez un xuegu divertíu qu’entra pelos güeyos, y a falta de coñocer mecániques y estructura ye’l que a priori más me llama
Finando les noticies de xuegos de mesa de la selmana 27 del 2024
Y na más pa les noticies de la selmana 27 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: