Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 23 del 2024 (puedes atopar l’anterior equí)
Inventions
Ficha:
- Xugadores: 1-4
- Duración: 60-150 min
- Edá: +14 años
- Editorial: Maldito Games
- Fecha: Ya en tiendes
- Preciu:150€
- Ficha BGG
El nuevu xuegu de Vital Lacerda, eso ye lo mesmo que dicir que ye “durucu” y caru haha. N’Inventions tenemos que facer medrar la sociedá traviés d’inxenios e inventos, creando estratexes a llargu plazu. Esto midiráse con Puntos d’Inxeniu (PI) el que más tenga sedrá’l que meyor desendolque la sociedá y el gaanaor.
Shipyard
Ficha:
- Xugadores: 1-4
- Duración: 40-120 min
- Edá: +14 años
- Editorial: Arrakis Games
- Fecha: Ya en tiendes
- Preciu:70€
- Ficha BGG
Nos caberos años del sieglu XVIII los barcos con motor de vapor ya s’imponien, y los constructores esperimenten nuevos modelos basaos n’ello. Tos ellos guetaben pola Blue Riband. En Shipyard sedremos un d’esos constructores qu’escoyeremos aiciones y llosetes pa construyir los barcos de nueso. A más rápidos y meyor tripulación , más puntos de victoria pa qu’al final la partía nos llevemos la BlueRiband.
Manchas
Ficha:
- Xugadores: 1-4
- Duración: 30 min
- Edá: +10 años
- Editorial: Devir
- Fecha: Ya en tiendes
- Precio:25€
- Ficha BGG
Xuegu de dados y perros. Ca xugador llanzará los daos y tratará de ponelos nos sos perrinos.Si nun pues, ties qu’escondelos escavando nel xardín. Pero ten curiáu, si entierres demasiaos ties que volver as entamar.
Two Rooms
Ficha:
- Xugadores: 2
- Duración: 20 min
- Edá: +12 años
- Editorial: Gen X Games
- Fecha: 7 de Xunu
- Preciu:13€
- Ficha BGG
Xuegu pa dos en cooperativo nel que sedremos personaxes de dos faiciones dixebraes. Ca xugador durante’l so turnu entrará nuna sale, mientes l’otru permanez colos güeyos cerraos (anque pudiendo falar), fadrá les sos aiciones. Curiáu col orde nel qu’entráis, ya pues salir feríu. L’oxetivu ye rescatar a Nina del esperteyu d’Harmnan.
Tiwanaku
Ficha:
- Xugadores: 1-4
- Duración: 30-60 min
- Edá: +14 años
- Editorial: 2 Tomatoes
- Fecha: 7 de Xunu
- Preciu:50€
- Ficha BGG
Da vida a un granxeru quechua, respetando les regles de la diosa. Xuegu d’esploración y deducción, cooperativu o solu, con dellos escenarios rexugables.
Rol
Vamos cola sección de rol, nesti casu traigovos la novedá de Nosolorol, que realmente son dos. Ya les podéis mercar en tiendes, son la Guía del Jugador de Margreve y los cuentos del viejo Margreve. Un escenariu de campaña pala SRD 5ª ed. Amás nos cuentos tenemos dos aventures pa niveles de 1 a 10. El preciu de venta ye 20 y 50 € respeutivamente.
Que m’entra pol güeyu de les novedaes de xuegos de mesa / rol la selmana 23 de 2024
Vamos colo que más prestoso de les novedaes d’esta selmana. Hai cosuques interesantes, como por exemplu Inventions de Maldito Games. Enxamás prebé un xuegu del autor, quiciabes ye bona hora. Tamién ta Two Rooms de Gen X Games, paezme una propuesta perinteresante, habría que ver como lo desendolca to.
Nos xuegos de rol, la propuesta de , la propuesta de Magreve de Nosolorol, paezme afayadiza dándonos más posibilidaes tovía d’esfrutar el sistema.
Finando les noticies de xuegos de mesa de la selmana 23 del 2024
Y na más pa les noticies de la selmana 23 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: