Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 21 del 2023 (puedes atopar l’anterior equí)
Caldera Park
Ficha:
- Xugadores: 1-4
- Duración: 30-40 min
- Edá: +10 años
- Editorial: Maldito Games
- Fecha: 25 de mayu
- Preciu: 35€
- Ficha BGG
Averate a América del Norte, y crea’l meyor ecosistema pa les especies qu’ellí habiten. Ten curiáu col clima y el tipu d’animal, como sabrás nun toes puen vivir nes meses condiciones. Un xuegu de puzzle, que d’aspeutu asemeyase a Cascadia poles llosetes. De mecániques nun vos pueo dicir ya que nun xugué a nengún.
Circo Maldito
Ficha:
- Xugadores: 4-8
- Duración: 45 min
- Edá: +14 años
- Editorial: Maldito Games
- Fecha: 25 de mayu
- Preciu: 25€
- Ficha BGG
Nel Circo Maldito puxaremos por ufiertar les atracciones más terrorifiques del Circo. Un xuegu de cartes pa bastante xente, nun se si sedrá partu. Consigui qu’el to circo seya’l más aterrador.
Marvel Zombies + Expansión
Ficha:
- Xugadores: 1-6
- Duración: 60 min
- Edá: +14 años
- Editorial: CMON
- Fecha: 26 de mayu
- Preciu: 130€ /50€ Espansión
- Ficha BGG
Nuevu xuegu de la saga Zombicide pero, nesti casu, nel Universo MArvel. Equí sedremos unos superhéroes zombificaos que llucharan escontra los axentes de SHIELD, vamos que se da la vuelta a los protagonistas. La espansión trai más héroes y conteníu pal xuegu.
Ascension Piratas del Abismo
Ficha:
- Xugadores: 2-4
- Duración: 40-60 min
- Edá: +13 años
- Editorial: TCG Factory
- Fecha: 26 de mayu
- Preciu: 35€
- Ficha BGG
Nueva espansión, que se pue xugar independiente, d’Ascension. Nueves mecániques que pues combinar cola caxa base si ya la ties, pero esta vegá llenu de referencies a la mar y a los monstruos qu’ellí habiten. Nuevos tableros, abordaxe de barcos… Esto y más coses les que pues atopar.
Rol
Vamos coles novedaes de rol. Entamamos con Nosolorol que nos trai, bono siendo sinceros creo que ya ta en tiendes 😛 , un suplementu pa 7º Mar. Ye El Imperio de la Media Luna, un suplementu onde podremos atopar 5 nueves naciones asina como nuevos tresfondos y fechiceríes… El preciu de venta ye de 40€
Y tamién tenemos por parte d’ Edge Studio, un suplementu pa Los Mitos de Chtulhu de Sandy Petersen, Ye Abuelito Serpiente Yig . Nuevu suplementu pa la llinia de los mitos de Lovecraft qu’usen les regles de la 5ª edición, correxime si m’equivoco. Saldrá’l día 26 y el preciu de venta ye de 45€.
Noticies de xuegos de mesa / rol de la selmana 21 del 2023
Campañes financiación
Esta selmana traigovos una noticia en forma de campaña de financiación. YE la campaña de Nosolorol, que ya ta en marcha, pa financiar Hombre Lobo 5ª edición. Tenéis varios pledges pa facevos col xuegu ambientáu nel Mundo de Tinieblas al igual que Vampiro La Mascarada. LA verdá ye que la edición lluz perguapa y Nosolorol tien costume de consiguir bones ediciones, al menos nos xuegos que yo tengo. El mecenazgu fina’l día 26 de xunu, y a la fecha d’escribir esto lleva 14.220€ recaudaos.
Preventes
Por parte de Shadowlands, el día 26 llanza la preventa de The Dracula Dossier, un xuegu cuya premisa ye qu’el MI6 intento reclutar al preconocíu Dracula, pero fracaso na so empresa. Habrá que finar con él o tratar de sobrevivir a la so ira. Nun se saben precios, pero si que tienen estimaos los unvios pa Ochobre d’esti añu.
Que m’entra pol güeyu de les noticies/novedaes de xuegos de mesa / rol la selmana 21 de 2023
Vamos col habitual repasu de lo que yo mercaría esta selmana. Y como taréis imaxinando, nun m’asalta dulda nenguna. . Ta nidio que ye Ascension Piratas del Abismo de TCG Factory . Ya sabéis lo que me presta la caxa básica y tengo la sensación de qu’esta espansión autoxugable va trayeme les mesmes sensaciones, Nun se cuando sedrá, pero creo que más ceo o más lloñe, vendrá pa casa.
En cuanto al rol, quedariame cola espansión de 7ª Mar El Imperio de la Media Luna. De fechu, ya la tengo en PDF como’l restu de suplementos que salieren (merquelos cuando salió’l mecenazgu). Quiero falavos de 7º Mar, que ye un xuegu que me presto munchu lleer y nun vos conté na tovía. Tomo nota 🙂
Finando les noticies de xuegos de mesa de la selmana 21 del 2023
Y na más pa les noticies de la selmana 21 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: