Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 3 del 2024 (puedes atopar l’anterior equí)
La Era de Roma
Ficha:
- Xugadores: 1-4
- Duración: 60 min
- Edá: +14 años
- Editorial: Maldito Games
- Fecha: 18 Xineru
- Precio: 90 €
- Ficha BGG
El Cesar morrió, dexando un vacíu de poder nel Imperiu. Gueta los asesinos del Cesar y mueve los filos pa convertite nel socesor del Emperador, manexando al Senáu intelixentemente, construyendo y faciendo prosperar al pueblu. Un xuegu competitivu, que tien pinta ser un euro bastante duru.
Brazil Imperial – Automata
El día 18 de xineru tamién lliega esta pequeña espansión pa Brazil: Imperial que nos permiti xugar en solitariu escontra un autómata. Pol preciu de 8 tenemos les cartes pa manexalu, asina como una lloseta de brúxula.
MLEM Agencia Espacial
Ficha:
- Xugadores: 2-5
- Duración: 30-60 min
- Edá: +8 años
- Editorial: Rebel
- Fecha: 19 Xineru
- Precio: 30 €
- Ficha BGG
El Dr. Knizia torna con otru push your luck, esta vegada ambientáu nel espacio y con gatinos (que siempre ta bien) nel espaciu. Sin ver munchu más, tien pinta de ser algo asemeyao a Into the Blue. Un xuegu pa tola familia.
Unmatched Adventures: Relatos Asombrosos.
Ficha:
- Xugadores: 1-4
- Duración: 20-40 min
- Edá: +9 años
- Editorial: TCG Factory
- Fecha: 19 Xineru
- Precio: 60 €
- Ficha BGG
La Franquicia de Unmatched, que nos tien acostumaos a enfrentamientos ente dos xugadores con personaxes icónicos de la lliteratura/comics/etc sorprendenos agora con un modu cooperativu. En Relatos Asombrosos xuntaremos fuercies pa derrotar a dos enemigos: El Hombre Polilla y el Invasor de Marte. La Caxa trai personaxes, pero si nun m’equivoco pues xugar con cualquier de los xuegos previos.
Rol
Vamos cola seción de rol, qu’esta selmana si disponemos d’una novedá. Trai-la HT Publishers y ye una aventura pa DeadLands : Lost Colony (Savage Worlds). Tratase de las Fauces del olvido. Sal a la venta eldía 19 al preciu de 25€. Na campaña tenemos que finar con unos terribles seres desterraos al sistema Faraway.
Que m’entra pol güeyu de les noticies/novedaes de xuegos de mesa / rol la selmana 3 de 2024
Vamos colo que más me llama l’atención d’esta selmana 3 del 2024, na que se nota que sigui la cosa un poco pará tres del apurón navidiegu. Voi escoyer un de los xuegos de mesa, ya que si bono Savage Worlds me presta como sistema nun coñuezo l’ambientación de Deadlands : Lost Colony. El xuegu ye La Era de Roma de Maldito Games. De nuevo sedrá fácil que nun lu puea xugar, pero les premises qu’ufierta la verdá ye que me llamen l’atención.
Finando les noticies de xuegos de mesa de la selmana 3 del 2024
Y na más pa les noticies de la selmana 3 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: