Algo paecio al parte, pero pa los xuegos de mesa y rol. Vamos falar de les noticies de xuegos de mesa de la selmana 17 del 2023 (puedes atopar l’anterior equí)
Coffee Raster
Ficha:
- Xugadores: 1
- Duración: 10-30 min
- Edá: +12 años
- Editorial: Delirium Games
- Fecha: 4 de mayo
- Preciu: 30€
- Ficha BGG
Coffee Raster ye un xuegu esclusivu pa un xugador nel qu’aprenderemos tol procesu del café, pa crear la meyor taza de café posible. Les mecániques paecen ser un amiestu de bag building y push your luck.
Moesterio
Ficha:
- Xugadores: 2-4
- Duración: 60 min
- Edá: +10 años
- Editorial: Maldito Games
- Fecha: 4 de mayo
- Precii: 35€
- Ficha BGG
No cabero del sieglu XIV el rei Joao mando a los sos aquiteutos facer el mayor monasteriu de to Portugal ¿Ya sabéis quien van ser los arquiteutos, non? 😛 Xestiona la to cuadrilla de trabayadores y artesanos pa convertite nel arquiteutu más reputáu.
Zombicide Undead Or Alive : Running Wilds
Ficha:
- Xugadores: 1-6
- Duración: 60 min
- Edá: +14 años
- Editorial: CMON
- Fecha: 5 de mayo
- Preciu: 40€
- Ficha BGG
Nueva espansión pal Zombicide ambitáu nel salvaxe oeste (Undear or Alive) Esta espansión introduz el combate montáu y una abominación nueva, asina como nueves miniatures y supervivientes.
Crónicas de Avel: Nuevas Aventuras
Ficha:
- Xugadores: 1-4
- Duración: 60-90 min
- Edá: +8 años
- Editorial: Rebel
- Fecha: 5 de mayo
- Preciu: 40€
- Ficha BGG
Aventures nueves pa esti xuegu de corte infantil, pero que creo que cualquiera pue esfrutar. Más figures pa montar, más oxetos, to pa entamar una nueva aventura. Anque nel casu anterior no lo camenté, como nesti necesita’l xuegu base pa xugar.
Tránsito Aéreo
Ficha:
- Xugadores: 1-5
- Duración: 60-120 min
- Edá: +12 años
- Editorial: Bazzite Games
- Fecha: 5 de mayo
- Preciu: 45€
Tránsito Aéreo ye un eurogame nel que xestionaremos nuestra propia aereollinia. Crea llinies de vuelos estables, controla la flota asina como’l combustible pa poder llevate la victoria nel final de partía. Dispon, además del modu competituvu, un modu solitariu y otru cooperativu (1 a -3 xugadores)
Rol
Vamos agora coles novedaes de rol d’esta selmana, na que paez que ye la semana Zombicide, ya qu’el mesmu día sal a la venta Zombicide Chronicles el Juego de Rol por parte d’Edge Studio. Entra de plenu nel famosu mundiu de los supervivientes d’una apocalipsis zombie, pero esta vegada en forma de xuegu de rol con regles áxiles y cencielles nel que podrás utilizar les miniatures del xuegu de mesa. El preciu de venta ye de 40 €.
Tamien por parte d’Edge Studio tenemos un nuevu suplementu para Alien El Juego de Rol, tratase del Marines Coloniales Manual de Operaciones, una campaña completa onde nos pondremos na peyeya d’estos famosos marines de les pelicules. Si te presto’l llibru base y les películes, quiciabes quieras echa-y un güeyu.
Ya por parte de Nosolorol tenemos un nuevu suplementu para la llinia de Symbaroum. Ye Fuerte Espina: La Ira del Guardián, el primeru de los suplementos de la crónica del Tronu d’Espines… Nuevu conteníu tanto pa xugadores como pal direutor de xuegu, amás d’una aventura, LA Ira del Guardián. El libru creo que ya ta en tiendes y el preciu ye de 40€.
Noticies de xuegos de mesa / rol de la selmana 18 del 2023
Vamos agora coles noticies recopilaes esta selmana, y entamamos con Fantasy Flight Games. Si la selmana pasá anunciaron la nueva caxa de campaña pa Marvel Champions, güei tenemos el primeru de los héroes. Ye Mariposa Mental, la mutante capaz de manexar la enerxía psionica creando cuchielles y katanes. Va acompaña d’un mazu de xusticia. Ye de los mios personaxes preferíos, xunto a Emma Frost, del universu de Marvel. Asina que ye fácil que venga pa casa. Dexovos l’enllaz a la noticia.
Y nes noticies del rol, el día 5 abrese la preventa de Root: El juego de Rol por parte de Shadowlands Ediciones. Un xuegu de rol d’aventures ambientáu na viesca del famosu xuegu de mesa. Ta basáu nel sistema de Powered By The Apocalypse y podreis mercar tanto’l manual básicu como un primer suplementu y complementos pa les vueses partíes. De momentu, nun se sabe’l preciu, asina que vos dexo l’ enllaz pa que teis sollertes si vos interesa.
Que m’entra pol güeyu de les noticies/novedaes de xuegos de mesa / rol la selmana 18 de 2023
Como toles selmanes vamos colo que más m’entra polos güeyos de les novedaes que llieguen. LA verdá ye que nenguna me fai tilín especialmente, nun vos voi a engañar. Pero leí poles redes que paez mui interesante y pol su modu esclusivu de solitariu quedariame con Coffee Roaster de Delirium Games. El tema nun ye que me faiga esplotar la tiesta, el café prestame bebelo nun facelo :P, pero el fechu de ser esclusivu pa solitariu fai que m’espierte curiosidá.
Y en cuanto al rol… Siempre me llamó la atención Alien, pese a que no recuerdo si vi sus películas más icónicas (vilipendiarme en los comentarios, lo merezco) ¿Sería una buena forma de empezar viendo las pelis y con el manual del juego de rol previamente? Quién sabe…
Y en cuanto al rol… Siempre me llamo l’atención Alien, pese a que nun m’alcuerdo si vi les películes más iocóniques (podéis vilipendiame nos comentarios, merezcolo) ¿Sedría una bona forma d’entamar viendo les pelis y col básicu del xuegu previo?
Finando les noticies de xuegos de mesa de la selmana 18 del 2023
Y na más pa les noticies de la selmana 18 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención.
Fontes pa la información i semeyes: