Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 4 del 2024 (puedes atopar l’anterior equí)
Cartaventura Odisea: El Tesoro de Libertalia
Ficha:
- Xugadores: 4-4
- Duración:45-60 min
- Edá: +13 años
- Editorial: Maldito Games
- Fecha: 25 Xineru
- Precio: 45 €
- Ficha BGG
Nueva entrega d’esta serie de xuegos narrativos nel que podrás sumerxite na hestoria pirata con dalgunes anécdotesnun tan conocíes d’esi trepidante mundiu.
Empire’s End
Ficha:
- Xugadores: 1-6
- Duración: 20 min
- Edá: +6 años
- Editorial: Maldito Games
- Fecha: 25 Xineru
- Precio: 15 €
- Ficha BGG
Normalmente los xuegos d’esti tipu son llevar la to civilización hasta’l zenit. Nesti casu ye al revés, tais en decadencia y hai qu’atopar la manera d’amortiguar esa caída. Aforra to lo que pueas, gobierna con intelixencia, gueta la “batalla que perder” y fai de catástrofes oportunidaes.
Senjutsu: Batalla por Japón
Ficha:
- Xugadores: 1-4
- Duración: 20 min
- Edá: +14 años
- Editorial: Bumble3ee Interactive
- Fecha: 26 Xineru
- Precio: 60 €
- Ficha BGG
Senjutsu ye un xuegu de batalles nun tableru hexagonal nel qu’escoyerás un samurái y construyirás el to mazu pa llevate la victoria. Ye un xuegu nel qu’escoyeremos una carta y fadremos aiciones simultánees, to ello sumao a unes perguapes miniatures faen qu’el xuegu tenga bona pinta.
Rol
Vamos coles novedaes de rol y entamamos con daqué me fai especial ilusión porque un de les llingües nel que s’espubliza ye n’asturianu. Tratase de Descenso al Infierno y otros xuegos narrativos de HT Publishers. Un sistema nrrativu completu pa xugar en 8 xuegos de diferentes temátiques. Amás de n’asturianu, espublizase en castellano, catalán, gallego y euskera. El precio de venta ye de 20€ y la fecha de salida’l día 26
L’otru xuegu ye Tether, de El Refugio de Ryhope un xuegu de rol pa dos xugadores que tien una mecánica interesante (atrevome a dicir que como tolos xuegos de la editorial) na que se base n’entraes d’un diariu siendo los xugadores persones del mesmu pueblu pero que vivieron n’epoques distintes, que se coneuten por esi diariu, Tether. El xuegu necesita una baraxa de poker. El preciu de venta ye de 13€ y la fecha de saida ye el 26 de Xineru.
Que m’entra pol güeyu de les noticies/novedaes de xuegos de mesa / rol la selmana 4 de 2024
Vamos colo que me llama l’atención d’esta selmana 4, que pese a que nun son munches hai dalgunes interesantes. Defechu creo que voi escoyer dos de ca tipu. En cuanto a xuegos de mes, quedariame con Empire’s End de Maldito Games y Senjutsu de Bumble3ee. El primero por que paezme interesante’l da-y la vuelta, fuimos grandes a ver como xestionamos la cauda, y Senjutsu por que tien pinta de ser un xuegu rápidu e interesante.
Y de los xuegos de rol, como imaxinabais Descenso al Infierno de HT Publishers, porque pese a que los xuegos de terror nun son lo mio los otros sí, y ta n’asturianu! Y tamién Tether de El Refugio, porque me paez perinteresante lo que plantea.
Finando les noticies de xuegos de mesa de la selmana 4 del 2024
Y na más pa les noticies de la selmana 4 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: