Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 29 del 2024 (puedes atopar l’anterior equí)
Cosmopulpo
Ficha:
- Xugadores: 1-4
- Duración: 60-90 min
- Edá: +14 años
- Editorial: Maldito Games
- Fecha: 18 de Xunetu
- Precio:40€
- Ficha BGG
Consigui los 8 tentaculos del Cosmpulpo, pa ello construyi’l to motor coles cartes y los oxetos qu’atopes (nes cartes) pa facer poderoses combinaciones y asina llevate la partía. Una vuelta de tuerca a los mundios chthulianos
TimeBomb Deluxe
Ficha:
- Xugadores: 4-8
- Duración: 15 min
- Edá: +8 años
- Editorial: Primigenio
- Fecha: 19 de Xunetu
- Precio:15€
- Ficha BGG
En Timebomb un xuegu de roles ocultos, nel que nos dividiremos en dos equipos, terroristes y axentes. Los primeros, quieren detonar la bomba, los otros detenelos. El problema equí ye que nun se sabe quien ye quien.Versión deluxe del xuegu qu’incluyi dos nuevos roles.
Marvel Champions : Jubilee
Ficha:
- Xugadores: 1-4
- Duración: 45-90 min
- Edá: +14 años
- Editorial: Fantasy Flight Games
- Fecha: 19 de Xunetu
- Precio:17€
- Ficha BGG
Nuevu pack d’héroe pa Marvel Champions nel que nos topamos a Júbilo, la xoven que manipula l’enerxía máxica. Como siempre vien con un mazu completu , nuevu archienemigu y cartes que pues usar col restu d’héroes del xuegu.
Ecoesfera
Ficha:
- Xugadores: 1-4
- Duración: 50 min
- Edá: +8 años
- Editorial: 2 Tomatoes
- Fecha: 19 de Xunetu
- Precio:29€
- Ficha BGG
Crea una nueva ecoesfera amestando elementos de tierra, agua y tiempu. Creala de la forma adecúa pa que más vida s’avere (pa ganar la partía) pero curiau colos desastres naturales. Crea una bona combinación d’animales y plantes y consigui revitalizar el mundiu.
Cities
Ficha:
- Xugadores: 2-4
- Duración: 50 min
- Edá: +30 años
- Editorial: Devir
- Fecha: A la venta
- Precio:28€
- Ficha BGG
Encargosete’l plan urbanísticu d’un barriu de la ciudá, pol mediu de la colocación de llosetes y trabayadores y a lo llargo de 8 rondes diremos usando esos trabayadores y llosetes pa construyir el barriu de nueso. Consiguí’l mayor númberu de puntos posibles pa convertir el barriu nel meyor de la ciudá.
Arkeis : Reset Kit
Espansión p’Arkeis cola que pues resetear la vuesa campaña d’Arkeis y tornar a xugala. Ya ta pa mercar al preciu de 10€.
Rol
Vamos cola seicion de rol, na qu’esta selmana tenemos 3 novedaes. La primera ye Científicos, nuevas aventuras de Nexo Ediciones. Tratase d’una especie de nueva edición que se pue usar sin el llibru básicu. Un xuegu de rol pa xugar cola reciella. El xuegu sal el día 19 al preciu de 29€.
Les otres dos novedaes son por parte de Shadowlands. LA primera de toes ye Dama de Corazones, una serie de 15 shadowshots toes elles escrites por muyeres llenos de romances y drames. El llibru sal el día 19 al preciu de 35€.
El segundu suplementu ye ¿Hablamos de Rol? Tratase d’un llibru onde nos fai reflexonar porque’l rol tien que sofitar a entendenos meyor. Sal a la venta’l día 19 al preciu de 28€
Que m’entra pol güeyu de les novedaes de xuegos de mesa / rol la selmana 28 de 2024
Nun vos voi engañar, nun hai na que me llame l’atención esta selmana. Pero como siempre voi escoyer una de ca. Por parte de los xuegos de mesa, creo qu’escueyo Timebomb Deluxe de Primigenio. Nuevu xuegu de roles ocultos perfechu pal branu.
Y nos xuegos de rol , escueyo ¿Hablamos de rol? de Shadowlands nunye que llea munchu teoría del rol, pero tien pinta interesante.
Finando les noticies de xuegos de mesa de la selmana 29 del 2024
Y na más pa les noticies de la selmana 29 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: