Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 34 del 2024 (puedes atopar l’anterior equí)
Tichu
Ficha:
- Xugadores: 3-6
- Duración: 60 min
- Edá: +10 años
- Editorial: Maldito Games
- Fecha: 22 d’Agostu
- Precio:15 €
- Ficha BGG
Llaváu de cara pa esti clásicu xuegu de cartes nel que tenemos que sofitar al compañeru (ye por pareyes) a facer baxes y quedase en sin cartes. Amás, traí nueves variantes pa 3 y 6 xugadores.
Arkham Horror LCG: La Gala del Ecuador de Invierno
Ficha:
- Xugadores: 1-4
- Duración: 30-120 min
- Edá: +14 años
- Editorial: Fantasy Flight Games
- Fecha: 23 d’Agostu
- Precio:22 €
Nuevu escenariu individual p’Arkham Horror LCG nel que la élite social d’Arkham viaxa a Kingsport a una gala organizá pol enigmáticu Club de la llámpara. Como siempre… El terror afecha en toles esquines y esta gala nun va ser menos 🙂
Río de Oro
Ficha:
- Xugadores: 2-4
- Duración: 60 min
- Edá: +14 años
- Editorial: Office Dog
- Fecha: 23 d’Agostu
- Precio:50 €
- Ficha BGG
Xuegu basáu na Leyenda de los 5 Anillos y la tierra de Rokugán, en Río de Oro tenemos que facer a los nuesos clanes crear l’imperiu del comerciu nel ríu d’Oro y asina algamar el sofitu de la nobleza de Rokugán. Nel nuesu turnu, tiraremos un dau nel que se nos presentarán 3 posibles aiciones de la qu’escoyeremos una. Construyir, zarpar o completar un contratu. Escoyi bono pa ganar la partía.
Let’s Go! To Japan
Ficha:
- Xugadores: 1-4
- Duración: 45-60 min
- Edá: +10 años
- Editorial: Delirium Games
- Fecha: 23 d’agostu
- Precio:50 €
- Ficha BGG
Prepara les tos vacaciones Xapón de la meyor manera. Visita atracciones turístiques, come nos meyores restaurantes… To ello con un sistema de cartes que dirás colocando formando’l to itinerariu selmanal, mirando tamién pa les perres. Aprovecha al máximo les vacaciones y gana la partía.
Rol
Vamos cola sección de rol, na que tenemos na más una noveda por parte de Cursed Ink. Ye Low Stakes un xuegu de rol sin Direutor de Xuegu nel que sedremos un monstruu de terror góticu (vampiros, homes llobu, etc) o un de los collacios humanos rememorando les escenes de les sit-cons. El xuegu ta basá na serie y película Lo que hacemos en las Sombras. Ye un xuegu narrativu teniendo poques tiraes y dando munchu pesu a la interpretación y la pallabra. Sal a la venta’l día 23 al preciu de 15€
Que m’entra pol güeyu de les novedaes de xuegos de mesa / rol la selmana 34 de 2024
Vamos colo que me quedaría d’esta selmana 34, que tenemos dalguna novedá más. Voi direutu al granu, hai dos xuegos que me presten asina que camentovos los dos. Unu ye Río de Oro d’Office Dog, Rokugan siempre me llamo l’atención y prestaría ver lo qu’ofrez esti xuegu. L’otru ye Let’s go! To Japan de Delirium, paez afayadizu y prestame viaxar asina que…
Mentar, tamién, el Low Stakes de Cursed Ink, quiciabes nun sedría’l mio xugu de rol de cabecera ero pa pasar dalguna tarde entretenía creo que pue dar momentos pergraciosos.
Finando les noticies de xuegos de mesa de la selmana 34 del 2024
Y na más pa les noticies de la selmana 34 del 2024, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo dalguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: