Algo paecío al parte, pero pa los xuegos de mesa y rol. Vamos falar de les noticies de xuegos de mesa de la selmana 42 del 2023 (puedes atopar l’anterior equí)
Los Libros del Tiempo
Ficha:
- Xugadores: 1-4
- Duración: 45-60 min
- Edá: +14 años
- Editorial: Maldito Games
- Fecha: 19 d’Ochobre
- Precio: 50€
- Ficha BGG
Escribi l’historia de la civilización optimizando 3 curiosos llibros, caún coles sos diferentes habilidaes pudiendo combinalos ente si. Curiosa mecánica.
Delta
Ficha:
- Xugadores: 2-4
- Duración: 90-120 min
- Edá: +12 años
- Editorial: Maldito Games
- Fecha: 19 d’Ochobre
- Precio: 155€
- Ficha BGG
Nueva edición Deluxe que nos trai Maldito Games. En delta, ties que consiguir información de los cristales qu’abastecen a la MPV a la mesma vegada qu’observes los mecanimales. Conrata nuevu equipu y muevite pol tableru pa consiguir la victoria nesta curiosa aventura Steampunk.
Exploradores de los Bosques
Ficha:
- Xugadores: 1-4
- Duración: 35 min
- Edá: +10 años
- Editorial: Tranjis Games
- Fecha: 19 d’Ochobre
- Precio: 30€
- Ficha BGG
L’esitosa campaña de Kickstarter ya ta equí en formatu retail. Esti pequeñu dungeon crawler tien tolo necesario pa vivir una aventura con tola familia. Perfechu p’aniciar a la reciella nesti tipu de xuegos pero tamién pa cualquier tipu de publico. Con estética perguapa y duración curtia ye bona opción.
Great Western Trail : Nueva Zelanda
Ficha:
- Xugadores: 1-4
- Duración: 120 min
- Edá: +14 años
- Editorial: MasQueOca
- Fecha: 20 d’Ochobre
- Precio: 60€
- Ficha BGG
Nueva entrega d’un ya clásicu d’Alexander Pfister. Nesti casu abandonamos l’oeste y vamos pa Nueva Zelanda a criar oveyes. El xuegu presenta delles novedaes respeuto al orixinal, como un aniciu personalizable, un nuevu tipu de trabayador o un segundu tipu d’unvíu.
La Mar Salada- Expansión Oceanos de Papel
Ficha:
- Xugadores: 2-4
- Duración: 30 min
- Edá: +8 años
- Editorial: Tranjis Games
- Fecha: 20 d’Ochobre
- Precio: 5€
- Ficha BGG
Nueves cartes pal ésitu del branu, Oceanos de Papel. 8 nueves cartes y 5 nuevos efeutos pa siguir dando-y partíes la xuegu.
Perspectives
Ficha:
- Xugadores: 2-4
- Duración: 30-45 min
- Edá: +10 años
- Editorial: Space Cowboys
- Fecha: 20 d’Ochobre
- Precio: 35€
- Ficha BGG
En Perspectives ties tola información esencial pa resolver un casu. Rellaciona semeyes, pistes, etc pero en sin mirar la información del restu. Consiguirás resolver el casu?
Here To Slay + Expansiones
Ficha:
- Xugadores: 2-6
- Duración: 30-60 min
- Edá: +10 años
- Editorial: TeeTurtle
- Fecha: 20 d’Ochobre
- Precio: 20€ /12 €
- Ficha BGG
Xuegu de cartes nel qu’un equipu d’héroes guetará matar peligrosos monstruos. Consigui nuevu equipo y aliaos pala tarea. Ganará’l primer héroe que derrote 3 monstruos o consiga reclutar 6 héroes de diferente tipu. A la mesma vegada qu’el xuegu salen dos espansiones qu’añaden héroes pa reclutar.
X-23
Ficha:
- Xugadores: 2-4
- Duración: 45-90 min
- Edá: +14 años
- Editorial: Fantasy Flight Games
- Fecha: 20 d’Ochobre
- Precio: 17 €
Nuevu héroe pa Marvel Champions con un nuevu mazu completu y llisto pa xugar. Amás, vien col so archienemigu, nesti casu Dama Mortal
Rol
Vamos coles novedaes de rol, y entamamos cola novedá de Cursed Ink, Sleepaway. Ye’l primer xuegu de la editorial qu’utiliza completamente el xéneru neutru, nel que sedremos los monitores d’un campamentu de branu nel llagu nel que tolos años tienen que lluchar escontra’l terrible Lindworm. El xuegu sal a la venta’l día 20 a 20 €.
Por parte de Nosolorol tenemos Beso de Medianoche, una nueva aventura pa Vampiro La Mascarada 5ª Ed. Una aventura pa una coteríe de 4a 6 neonatos de la Camarilla o Anarquistas. Amás, vienen ya personaxes prefechos pa xugar direutamente. Sal a la venta el día 20 al preciu de 12€.
Y por parte de HT Publishers, tenemos la preventa de Descensu al Infiernu, un xugu de Jorge Coto y que podéis consiguir en 5 idiomes diferentes (asturianu, castellán, catalán, galego y esukera) Un xuegu narrativu de terror y degradación que nun ta piensáu pa tolos públicos da la so temática. El xuegu enviarase na mas te disponible y el preciu ye de 20€.
Que m’entra pol güeyu de les noticies/novedaes de xuegos de mesa / rol la selmana 42 de 2023
Vamos colo que m’entra pol güeyu de les novedaes d’esta selmana 42. Tenemos un bon númberu de novedaes y coyeré una de cada. Por parte de los xuegos de mesa quedome con Exploradores de los Bosques de Tranjis Games, los dungeon crawlers siempre me prestaron y munches vegaes nun los xuego pola pereza de ser partíes llargues (y sobre to xugalu solu) y un d’estos de duración contenía pue ser prestosu.
Y e ncuanto a xuegos de rol quedome con Beso de Medianoche de Nosolorol, una nueva aventurilla pa Vampiro que de xuru pues continuar con dalguna de les que ya tengo, como Sangre Nueva. Tamién mentar Descensu al Infiernu, que si me presta abondu que te n’asturianu, los xuegos de terror y demás agora mesmo nun son pa mi.
Finando les noticies de xuegos de mesa de la selmana 42 del 2023
Y na más pa les noticies de la selmana 42 del 2023, esto foi to lo más interesante que tope poles redes. De xuru hai munches más novedaes que se m’escapen, pero o nun tope información o nun tienen una fecha clara pa salir. Si me dexo alguna podéis dexámela en comentarios que gustosu l’añado al igual que si vos llama daqué l’atención. Gracies por lleer!
Fontes pa la información y semeyes: